Многу од експертите веќе долго укажуваат на тоа дека секој втор апликант има употребено премногу клише реченици во своето CV и токму тие апликанти никогаш не се повикани на интервју.

Да разгледаме, што не треба да ставите во вашето CV

1. Користење на Microsoft пакетите

Во овој модерен свет не мора да го нагласиме со големи букви како вештина нашето работење на компјутер. Се смета дека со самото тоа што од најмала возраст во основното образование има часови по информатика на кои задолжително мораме да присуствуваме, ваквото нагласување на оваа вештина остава слика дека сте заостанале во времето штом сте толку многу горди на ова знаење.

2. Големи комуникациски вештини

Што всушност значи ова? Дали се однесува само на вашите бизнис комуникациски вештини или ова значи и дека навистина сакате да си муабетите. Секој од нас комуницира на еден или друг начин така што експертите сметаат дека ова не е спцифична вештина која треба да ја нагласите.

3. Тимски играч

Во апликациите за работа се почесто се сретнува фразата тимски играч. Аплицирате за вработување во некој фудбалски тим? Или пак аплицирате во високо класирана компанија која го цени индивидуалното размислување на секој професионалец.

4. Одличен во самостојна работа

Веднаш под описот добар тимски играч, следува и описот одличен во самостојна работа. Самото користење на две сосема различни особини едно под друго остава впечаток дека се обидувате да најдете работа по било кој основ. Размислете дали навистина сакате да работите под секој услов и како навистина изгледате во очите на идниот работодавец?

5. Добар однос со клиенти

Дали постои компанија во светот која не сака своите работени да бидат насочени кон односот со клиенти? Во модерниот бизис свет ова не е вештина туку секојдневна одлика на сите модерни луѓе и нема потреба да биде преттавена посебно во вашето резиме бидејќи се подразбира.

Претседателот на најголемата јапонска маркетинг агенција објави дека ќе се повлече од неговото работно место од следниот месец, една година откако вработен изврши самоубиство поради прекумерна работа во компанијата.
Тадаши Ишии, претседателот на Dentsu, објави дека тој ќе се повлече од функцијата, завршувајќи го својот речиси шестгодишен мандат во компанијата.

Матсакури Такахаши, вработен во Dentsu, скокна во смрт од студентскиот дом на компанијата на Божиќ минатата година. 24-годишниот дечко работел повеќе од 100 часа прекувремена работа секој месец откако се приклучи на компанијата во април 2015 година, според јапонските медиуми. Причината за неговата смрт според најблиските била прекувремената работа која морал да ја работи за исплаќање на трошоците.

Длабоко жалам и се чувствуваат одговорен за ова ... Јас ќе ја преземам целосната одговорност и ќе поднесам оставка од функцијата претседател на состанокот на бордот на директори во јануари, изјави  65-годишниот претседател.

По оваа случка, компанијата исто така воведе максимум 65 работни часови во една недела, за да избегне ваква ситуација повторно. Во Јапонија има многу луѓе кои работат прекувремено, според владината анкета од октомври, се наведува дека една од пет јапонски компании имаат вработени кои работат долги часови и истите се изложени на сериозен ризик од смрт.

Amazon, Snap, Chobani и други компании го менуваат начинот на кои ние купуваме, јадеме, вежбаме, работиме и живееме.

Веб-порталот “Fast Company” веќе 10 години по ред објавува листа на најиновативните компании во светот. Тие сериозно пристапуваат на ова- нивниот тим истражува ијлада компании како тие влијаат во промените во општеството. Влијанието е еден од клучните критериуми.

1.  Amazon

- Затоа што нуди повеќе, многу побрзо и попаметно

2. Google

- Поради развој на фотографска меморија

3. Uber

- Затоа што го забрзува автономното возење

4. Apple

- Затоа што има свои предности

5. Snap

- Затоа што носи нов начин на кој го гледаме светот

6. Facebook

- Затоа што знае да пласира прави реклами во право време

7. Netflix

- Затоа што го прафи сурфањето повторно забавно

8. Twilio

- Затоа што им дава глас на апликациите

9. Chobani

- Затоа што се издвојува во продавниците

10. Spotify

-Затоа што собира податоци на уметници

11. Alibaba

- Затоа што создава нови можности во економијата

12. Tencent

- Затоа што го менува концептот на праќање пораки

13. Xiaomi

- Затоа што дизајнот на хардверот е на повисоко ниво

14. BBK Electronics

- За оживување на нови пазари на паметни телефони

15. Huawei

- Затоа што може да направи многу копии за кратко време

16. Dalian Wanda

- Компанија која си изгради фабрика од соништата

17. Airbnb

- Затоа што светот ни го стави на дланка

18. Buzzfeed

- Затоа што ја храни виралната грозница

19. Open Whisper Systems

- Затоа што обезбедува безбедна комуникација со луѓето

20. Illumination entertainment

- Затоа што креираа чудовиште од “Minion”

На листата на 50 компании се најдоа и: IBM(на 21-во место), Kenzo (25), Microsoft (31), Adobe (35), Marriott (39), Medtronic (40), Nvidia (41), Mailchimp (47).

Парно греење до 22 часот навечер, топла вода во болјерите, млако подно греење и други нови услуги се само дел од можностите што произлегуваат од измените во мрежните правила за дистрибуција на топлинска енергија, кои веќе ги донесе Регулаторната комисија за енергетика.

Со нив се прецизирани правилата кога „Балкан енерџи“ (БЕГ) може да ги гаси котлите за греење и во сезона и пред сезона. Услугите за подно греење и санитарна топла вода, пак, ќе може веднаш да почнат да се користат, но првично за инвеститорите на новите згради во главниот град или кај тие шпто се во градба, додека другите со мали инвестиции во внатрешната инсталацијата на објектите. Трошокот за приспособување на инсталацијата ќе треба да биде на самите потрошувачи во старите станбени згради, но се работи за еднократен трошок, кој ќе се врати многу брзо преку заштеди на енергијата. Сметките за парно греење за граѓаните нема да бидат повисоки, бидејќи е минимална ангажираната топлинска енергија за овие новини.

Од Дистрибуција на топлина на БЕГ потенцираат дека новите системи нема да ги зголемат сметките на граѓаните, туку, напротив, ќе имаат заштеда во тие за електричната енергија.

Во новите објекти што се градат овие системи ќе бидат имплементирани уште во текот на самата градба и нема да претставуваат никаков дополнителен трошок за потрошувачите. Овие опции не само што нема да генерираат дополнителен трошок за енергија, напротив, овозможуваат и заштеда на пари. Kај подното греење можни се заштеди до 15 отсто на топлинската енергија споредено со радијаторскиот систем за греење. Со санитарната топла вода, пак, иако топлинската енергија што еден стан ја троши од системот за централно греење се зголемува за 15 отсто, фактички со тоа што електричната енергија се заменува со поевтин извор на енергија, ќе се остварува годишна заштеда од 50 евра (со комбинирани бојлери) до 120 евра (за комбиниран систем со сончеви колектори).