Жените да можат да се пензионираат на 59 години, а мажите на 61 година, би предвидувале новите измени на Законот за пензиско и инвалидско осигурување, кои сè уште се во фаза на разгледување. Според нив, трошокот за надоместокот што ќе го добиваат три години додека да добијат статус на пензионери би паднал на товар на работодавците. Вакви измени се планираат и се чекаат конечните пресметки од Фондот за пензиско и за инвалидско осигурување, во врска со тоа колку би изнесувал надоместокот што ќе треба да го плаќаат работодавците.

Главниот  носител на идеите за вакви законски измени е бизнис–заедницата и синдикатот, а се чека на официјалните предлог – измени во законот кои ќе ги понудат социјалните партнери до Министерството за труд. Самата иницијатива потекнува од бизнисмените, кои одреден период бараат решение како да го подмладат работничкиот кадар. Со ваквите измени, кои нема да имаат финансиски неизбежни последици врз државата, ќе се даде можност на работодавците да го подобрат работниот процес и да се загрижат работниците на кои веќе годините, а и здравствената состојба не им дозволуваат до крај да ги исполнат задачите поврзани со работата. Организацијата на работодавци веќе испратила барање до ПИОМ да пресмета околу триесет „пробни надоместоци“ за работници на оваа возраст. Во исчекување се пресметките од ПИОМ по што се очекуваат информации, за да се стави на хартија предлогот до министерството.

Од Организацијата на работодавци информираат дека првите предмети се дадени до ПИОМ, кој треба да ја пресмета вистината на надоместокот која би требало да ја земаат лицата што би заминале три години порано во пензија, а идејата е за тие три години да земаат надоместок преку Агенцијата за вработување, која ќе го плаќа работодавецот и да се водат како технолошки вишок.

Во врска со реализацијата на оваа идеја и иницијатива, очекуваме одговор од Министерството за труд и социјална политика.

Сите ние сме биле на многу интервјуа за работа и сите речиси изгледаат слично едно на друго. Клише прашања и досадни измислени одговори.

Погледнте како Heineken го избра нивниот нов вработен.

Дизајнерката Саманта Камерон е на удар на британските медиуми бидејќи во Македонија користи евтина работна сила за производство на нејзината најнова линија на луксузна облека

Фабрика во Македонија шие облека за сопругата на поранешниот премиер на Велика Британија, Дејвид Камерон, објави британскиот магазин „Дејли мејл“. Дизајнерката, Саманта Камерон, ја одбрала токму Македонија како земја каде ќе се произведува нејзината најнова модна линија „Цефин“ (Ceffin).

„Дејли мејл“ пишува дека само една блуза со етикета од овој бренд на британскиот пазар ќе се продава по цена од 110 фунти. Новинарите немаат информации колку се платени македонските работнички, но потсетуваат дека во август минатата година многу познати модни брендови биле критикувани бидејќи ја злоупотребувале евтината работна сила во Македонија, каде според нив, шивачките биле плаќани помалку од 50 денари на еден час и работеле во мачни и понекогаш опасни услови.

Освен во Македонија, најновата модна линија на Саманта Камерон наменета за деловни жени, ќе се шие и во Литванија.

Никола Раунд од текстилниот синдикат во Велика Британија, вели дека  работниците од Источна Европа, се користат од страна на познати фирми, бидејќи тие се евтина работна сила.

Текстилните работници во Македонија често работат многу часови за мизерни плати. Познатите фирми во Велика Британија треба да имаат одговорност кон луѓето кои ја прават нивната облека, и треба да се сигурни дека тие добиваат пристојна плата.

Портпаролот на Цефин (Cefinn) соопшти дека фабриките со кои соработува работат во согласност со сите меѓународни прописи.

Цефин работи само со фабрики кои се постојано под надзор, ние имаме блиска соработка со сите фабрики и редовно ги посетуваме, вели портпаролката.

Таа додава: Контролата е само една од мерките. Сепак, треба да се види, на пример, дали компаниите им даваат поддршка на работниците во остварување на нивните права да се приклучат и да се организираат во синдикатите.

Британските медиуми не откриваат за која фабрика во Македонија станува збор.

Преземено од Нова ТВ.

Повторно е тој период од годината кога целото внимание е свртено кон идниот смартфон на Samsung. Досега се појавија голем број гласини за функциите и карактеристиките на уредот. Сега, на повеќе од десетина слики можеме конечно да го видиме неговиот дизајн. Galaxy S8 ќе биде претставен на 29 март. 

Според новите скици на кои Samsung го претстави изгледот на Galaxy S8 и S8 Plus, DesignWoOS формираше фотографии на кои може да се забележи нивниот дизајн. Уредите ќе имаат сличен изглед со своите претходници, со мали промени.