Повисоки плати за лекарите специјалисти за 10% од јануари 2019 година и за 5% повисоки плати за вработените во здравството, образованието, градинките, одбраната, државната администрација, полицијата и правосудството од септември 2019 година. Ова е предвидено со Предлог-Буџетот за 2019, кој денеска во Министерството за финансии беше јавно презентиран пред синдикатите, коморите, невладиниот сектор, експерите и медиумите.

Вложуваме во подобро јавно здравство. Целта е најдобрите лекари, граѓаните да ги бараат во јавното, а не приватното здравство. Целта е да обезбедиме подобри здравствени услуги за сите. Сакаме да ги мотивираме здравствените работници. Знаеме дека работите не се менуват од денес за утре, но мора да се започне. Ние започнавме оваа година и продолжуваме посилно во 2019 година. Во Буџетот за 2019 година имаме обезбедено и средства за покачување на платите во образованието, како и вработените во градинките и детската заштита. Со цел градење на поефикасна и помотивирана јавна администрација планирано е покачување на 5% на платите на администрацијата, од септември 2019 година. Планирана е и реформа на јавната админстрација во 2019 година. Целта е да се подобрат јавните услуги. Јавната администрација ќе биде клучен носител на преговорите за присапување кон ЕУ и НАТО-рече министерот за финансии Драган Тевдовски.

Министерот за финансии истакна дека Буџетот за 2019 година е социјален, но и развоен. Во Буџетот е предвидена реформа во системот на социјалната заштита преку воведување на Минимален гарантиран приход и Семеен пакет на права. Со ова се олеснува пристапот до социјален надоместок на постојните 24.000 домаќинства кои во моментот се приматели на социјална помош, но се создава можност и за дополнителни 11.000 домаќинства. Предвидено е и воведувањето социјална пензија која ќе опфати околу 6.000 лица кои имаат барем еден работен ден стаж и наполнети 65 години и која ќе изнесува 40% од просечната исплатена пензија.

Шведска целосно преминува на шестчасовен работен ден во обид да ја зголеми продуктивноста и да ги направи луѓето посреќни така што повеќе време ќе посветат на семејството и приватниот живот.

Целта на оваа промена е поголем дел од работата да биде завршен во пократок рок, што ќе им овозможи на луѓето да имаат доволно енергија како би уживале во приватниот живот. Центрите на јапонскиот произведувач на автомобили Тојота во Гетеборг, вториот најголем град во Шведска, ја направиле оваа промена уште пред 13 години, поради што работниците се посреќни и зголемен е профитот во тој период. И компанијата “Филимундус#, која развива апликации за мобилни уреди, воведе шестчасовен работен ден минатата година.

Осумчасовниот работен ден не е ефикасен како што некои мислат. Да останете фокусирани на специфична задача во текот на осум часа е голем предизвик, рекол директорот на Филимундус, Линус Фелд, додавајќи дека на работниците не им е дозволено користење социјални мрежи и состаноците се сведени на минимум.

Шестчасовниот работен ден, според него, ќе обезбеди луѓето да имаат доволно енергија кога ќе го напуштат работното место, што е тешко изводливо со осумчасовен работен ден во кој работниците се исцрпени до таа мера што првиатниот живот голем број вработени го користат за одмор.

Се очекува до крајот на 2018 година владата на Шведска да донесе закон со кој тоа ќе биде законски регулирано. Секако, сатницата со самото тоа ќе биде зголемена за месечната плата да се изедначи со онаа кога се работело 8 часа.

Според порталот Сциенце Алерт, лекарите и медицинските сестри во некои болници во Шведска исто така преминале на шестчасовен работен ден, додека еден старски дом во Гетеборг на почетокот на годинава ја направил таа измена.

Пред извесно време граѓани креираа онлајн петиција за воведување работно време од 7:00 до 15:00 часот. Петицијата беше адресирана до Владата на Република Македонија и до релевантните министерства и институции и во неа граѓаните аргументираат зошто е подобро повторно да се врати старото работно време.

Потребно е воведување на работно време од 7:00 до 15:00 часот затоа што тоа значи поголема посветеност на работата бидејќи човековото тело и човековиот ум се поефикасни во утринските часови.  Исто така, тоа значи поголема заштеда на електричната енергија (во лето за ладење, а во зима за греење), но и поголема посветеност на семејството, а посебно со цел поголема улога и одговорност во правилното воспитување на сопствените деца. Со воведување на работно време од 7:00 до 15:00 часот ќе има повеќе време за факултативни активности и хобија што ќе овозможат подобрување на општата здравствена состојба на вработените, како и паметно организирано време во текот на денот, нагласуваат граѓаните во петицијата.

Во последните 7 години Македонија ја напуштиле 1207 лекари. Повеќето од нив се млади лекари до 35 години, возраст кога се смета дека е најпродуктивна во медицината.

Интерните истражувања и анкети кои клубот на млади лекари ги направи помеѓу студентите по медицина на медицинскиот факултет укажале дека најголем дел од студентите веќе го изучуваат германскиот јазик, како почетна фаза на комплетно заминување и продолжување на научното усовршување надвор од Македонија.

Целта на настанот кој го организираше клубот на млади лекари е зголемување на учеството на младите лекари во реформските пороцеси во здравствениот систем.

Ноќеска на полноќ официјално стапија на сила новите цени на нафтените деривати кои ќе се точат по овие цени во следните две недели.

Првиот човек на регулаторна комисија кажа дека станува збор за најголемото поевтинување на горивата досега.

Според  претседателот на Регулаторната комисија за енергетика Марко Бислимовски се случил историски пад на цената на горивата.

Имено, од денеска на бензинските пумпи ЕУРОСУПЕР 95 ќе точите за  67 денари а ЕУРОСУПЕР 98 по 69 денари за литар. Овие два вида на гориво поевтинија  4,5 денари односно 4 денари.

Дизелашите ќе полнат резервоари по цена од 64,5 денари за килограм а тоа значи дека нафтата паднал за 3 денари.

 Екстра лесното масло за домаќинство ќе биде со цена пониска за 3,5 денари и ќе чини 53 денари за литар.

Причината за поевтинувањето е падот на цената на нафтата на светските берзи.