Комплексот, кој во 2022 година ќе има нулта емисија на CO2, ќе биде биде опремен со фотоволтаичен систем за електрична енергија и со автономна транспортна линија. Истовремено со тоа фабриката ќе биде вклучена кон унифицирана информациска платформа која ќе ги обединува снабдувачите со компоненти, производствените сектори и крајните корисници.

Просторот кој го зафаќа Factory 56 е 220.000 квадратни метри, што е еквивалентно на 30 стандардни фудбалски игралишта. Првите работи од новата фабрика се завршени во февруари 2018 година, а почетокот на производството е планиран за 2021 година Во фабриката ќе се произведуваат следната генерација на Mercedes-Benz S-Class, моделите од електричниот бренд EQ и идните автономни автомобили на марката.

На покривот на комплексот е поставен фотоволтаичен систем за снабдување со енергија, а на 40% од неговата површина се засадени растенија. Тоа помага да се создаде поефикасен енергетски систем и поповолна внатрешна клима.
Главната карактеристика на новата фабрика на Mercedes-Benz е отсуството на традиционална линија за производство. Нејзините функции ќе бидат имплементирани од TecLines – автономни транспортни платформи кои овозможуваат во поголемиот дел од времето возилото да стои на едно место, а не да се преместува, како што е сега.

Практично сите операции во Factory 56 ќе бидат целосно автоматизирани, а вообичаената робусност ќе биде заменета со компјутерска обработка. За испорака на неопходните компоненти, ќе се користат платформи, интегрирани со интелигентен систем за достава. Системот собира податоците за работата на целата постројка и ќе испорача материјали онаму каде што се потребни.

Како целина, во производствениот капацитет ќе функционираат 300 автономни транспортни системи.

Беспатен автобуски превоз за сите граѓаните во текот на наредните три месеци, субвенционирање на меѓуградскиот автобуски превоз, воведување на 24-часовен зајакнат инспекциски надзот, итна детекција на загадувачите… се дел од мерките кои вчера беа предложени до Градот Скопје и останатите аеро-загадени општини во Македонија, од страна на  четири Здруженија кои покренаа петиција „Нула толеранција за (аеро)загадување и загрозување на животот".

Здружението за социјални иновации и одржлив развој „РАДАР", Новинари за човекови права, Првата детска амбасада „Меѓаши" и Зелениот институт, упатија апел до сите граѓани на Македонија да ја потпишат петицијата, а ја повикаа и државата да ги исполни обврските во однос на почитувањето на основното право, правото на живот, воведувајќи итни мерки за намалувањето на загадувањето кое диретно влијае на здравјето на луѓето и нивниот живот.

Според нив, инспекциските служби веќе не треба само да опоменуваат, туку веднаш да ги затвораат оние објекти кои се идентификувани како најголеми загадувачи.

Во рамки на активностите за намалување на загадувањето, општините и Градот Скопје почнаа да преземаат мерки кои се однесуваа на субвениционирање на печки за пелети, мапирање на загадувачите како и засадување на листопадни садници.

Општина Аеродром вчера објави јавен повик за надоместување на дел од трошоците за набавка на печки на пелети за граѓаните на нејзината територија. Аеродром ќе им субвенционира околу 50 отсто од трошоците за набавка на печка на пелети, но не повеќе од 15.000 денари со вклучен персонален данок на доход по домаќинство.

Целта на овој пилот-проект, како што соопштија од Општината, е да се премине кон еколошки систем на загревање со стимулирање на жителите на Аеродром, поточно домаќинствата, да користат почист огревен материјал и поквалитетни печки за затоплување на своите домови ‒ за повисока енергетска ефикасност и помалку штетни емисии во воздухот, како дел од мерките против загадувањето.

Град Скопје викендов  го почна 3Д мапирањето на критичните точки за загадувањето на воздухот во градот со беспилотно летало. Како прва локација беше избрана депонијата „Вардариште", а мапирањето ќе продолжи и на други локации, најавуваат од Градот.

Од градот сметаат дека жителите на Аеродром и на Гази Баба веќе подолг период се задушуваат од непријатна миризба што се шири покрај кејот на Вардар и дека мерните станици на овие локации покажуваат најголема концентрација на ПМ10 честички. Најавуваат дека со ова мапирање инспекторатот на Град Скопје ќе добие прецизни податоци, со што полесно ќе може да ги извршува задачите. Потсетуваат дека е активна и кампањата за пријавување огнови на отворено на телефонскиот број 193.

Градот Скопје вчера ја започна и есенската акција во која ќе бидат засадени 3.500 листопадни садници во сите скопски општини. Оваа есен, информираат од градот, приоритет е обновување на сите постојни дрвореди во градот и подигнување нови во Ѓорче Петров и на Бит-пазар. 

Бугарија- Бугарскиот премиер Бојко Борисов им наложи на Министерството за внатрешни работи и на Државната агенција за национална бебзедност да извршат проверка на бугарските патни документи издадени на странци во последните пет години.

Како што јави БТА, Борисов воедно побарал итна истрага за начините на кои се издавале бугарските пасоши на странци.

Барањето на Борисов следи откако кон крајот на минатиот месец  Јавното обвинителство на Бугарија објави дека открило измами при издавањето на бугарски пасоши на странски државјани, во која била вмешана Државната агенција за Бугарите кои живеат во странство.

Во рамки на оваа истрага, на 31 октомври беа уапсени директорот на Државната агенција за Бугарите кои живеат во странство и 19 службеници во оваа институција.

„Амазон“ еден ден ќе пропадне и ќе банкротира, изјави нејзиниот основач Џеф Безос, одговарајќи на прашање за иднината на компанијата на неодамна одржаниот состанок со работниците.

Предвидувам дека „Амазон“ еден ден ќе пропадне и ќе банкротира. Ако ги погледнете големите компании, нивниот животен век обично трае околу 30, а не сто или повеќе години, истакна Безос.

Најбогатиот човек на светот ги утеши работниците дека компанијата сепак има задача да ја одложи таквата судбина колку е можно подолго.

Ако се фокусираме на себе си наместо на нашите клиенти, тоа ќе биде почеток на крајот. Мораме да се обидеме да го одложиме тој ден колку е можно подолго, нагласи Безос.

И покрај неверојатниот успех на „Амазон“, работниците се загрижени дека компанијата драстично се зголемила, но и поради анимозитетот на американскиот претседател Доналд Трамп.