Додека сите имаат само Black Friday во Нептун има HAPPY WEEKEND, акција со големи попусти и до 48 рати БЕЗ камата на СИТЕ производи! Од 21-26 ноември, до 48 рати без камата со haPPy кредитот или до 24 рати без камата со кредитни картички потрошувачите ќе можат да си ги купат потребните производи по промотивни – haPPу цени со големи попусти. Нептун со оваа акција им овозможи шопинг до 24 рати без камата и на синдикалните организации со кои има склучено договор за соработка.

Искористете ги големите попусти и можноста за шопинг до 48 рати без камата на целиот асортиман! Разгледајте ги понудите во 25-те продажни салони на Нептун ширум Македонија. Одлична понуда и голем избор на: телевизори, прочистувачи на воздух, фрижидери, машини за перење, плотни, фурни, сушари, компјутери и таблети, мобилни телефони, мали апарати за домаќинство и апарати за нега и убавина. Во Нептун може да најдете производи од вашите омилени брендови: Beko, Samsung, LG, Huawei, Sony, Apple, Grundig, Elektrolux, Candy, Asus, Acer, Lenovo, Fuego, Bosch, Tefal, Rowenta и многу други.

Нептун како најголем малопродажен ланец за бела техника и електроника во Македонија е веќе препознатлив по овој концепт на продажба, каде им нуди на своите купувачи исклучителна можност да набават продукти од целокупниот продажен асортиман по промотивни цени и можност да плаќаат на рати без камата. Покрај тоа, потрошувачите во Нептун добиваат и:

- Кешбек од 5% при купување со кобрендираната НЛБ haPPy MasterCARD картичка

- За секоја кумулативна купопродажба во вкупна вредност од  30.000 денари, се добива ваучер од 900 денари за идни купувања.

За да ги погледнете деталите од акцијата „HAPPY WEEKEND 21-26.11.2018” кликнете на следниот линк: https://www.neptun.mk

Најавата на бугарскиот премиер Борисов за ревизија на издадените бугарски пасоши во последните пет години ги загрижи македонските граѓани кои поседуваат двојно државјанство.

Што значи ваквата проверка и дали истата ќе се  одрази врз нив и постои ли можност за евентуално губење на правото на бугарски пасош? 

Ова се само дел од прашањата кои граѓаните ги поставуваат откако излезе ваквата вест. Со истите прашања и дилеми голем број граѓани се обратиле и до бугарскиот културен клуб во Струмица. Од таму велат дека место за загриженост нема бидејќи  македонците кои се стекнале со право и на бугарски пасош тоа го имаат направено легално и со претходно докажување на нивното потекло.

Сметам дека целата оваа ситуација нема никако да влијае врз обичниот македонски граѓанин кој има веќе стекнато право на бугарско државјанство т.е. веќе има бугарски пасош. Зошто го велам тоа, затоа што македонските државјани аплицираат по линија на натурализација, значи тие треба да докажат свое потекло за да може да добијат државјанство. Тие најчесто и го прават, фактички принудени се тоа да го направат и по таа линија апсолутно нема начин некој да биде засегнат, вели Лазар Младенов, Бугарски културен клуб- Скопје.

Според Младенов ревизијата има за цел да ги утврди евенетуалните незаконски издадени државјанства.

Ако се е во ред со водењето на нивната процедура за добивање на бугарско државјанство нема зошто, нема начин да им биде земено тоа државјанство. Ако се криминално пројавени или ако не дај Боже некој пробал со фалсификувани документи да докажува државјанство, мислам бугарско потекло тогаш нормално оти тие ќе бидат санкционирани.,, вели Младенов.

Од бугарскиот културен клуб очекуваат решавањето на ситуацијтаа околу издавањето на бугарските пасоши да придонесе за расчистување на целиот тој процес  кој во изминатиите години се одвиваше прилично бавно. Од таму велат сето ова ќе резултира со засилени проверки, но најверојатно и  со измени во самата процедура која ќе овозможи процесот да тече многу побрзо. Според пишувањата на тамошните медиуми Бугарија од 2014 година издала околу 40 000 пасоши на жители на други држави. Најголем интерес  имало во Македонија, а потоа следуваат Украина, Молдавија, Србија и Русија.

Луѓето кои страдаат од депресија не треба да се избегнуваат како работници, всушност, нив треба да им се даде вистинска работа, која ќе ја извршуваат добро, а притоа и тие ќе се чувствуваат подобро.

Експертите тврдат дека луѓето, кои страдаат од депресија, се вредни работници и кога ќе зацртаат некој план или идеја, тие можат да станат одлични во својата работа. Се разбира, не сите луѓе можат да ја прават истата работа со еднаков ефект и се советува дека депресивните луѓе треба да ги избегнуваат стресните работни места, кои вклучуваат интеракција со јавноста и постојан притисок на околината.

Многу студии покажуваат дека работата може да донесе здравје и да ја намали депресијата, но ситуацијата треба добро да се испита. Секојдневното одење на работа, носи некои придобивки, како што се:

• социјализација
• физичка и ментална активност
• структура на работниот ден
• чувство за успех
• социјален статус
• финансиска стабилно
• чувство на способност
• способност за подобрување на вештините

Затоа е важно депресивните луѓе да добијат работа и можност за напредок и личен развој.

Еве кои работни места им се препорачуваат на оние кои страдаат од депресија:

1.Работа на отворено

Работата на отворено е природен лек за депресијата, велат експертите, и има многу работни места кои вклучуваат работа на отворено. Некои од примерите се: градинарство, работа во стаклена градина, чувари на паркови, градежништво и шумарство, и слично. Сите овие работи се вршат надвор од канцеларијата, па луѓето се чувствуваат подобро.

2.Креативни работни места

Ако помислата дека работате надвор ви предизвикува страв, тогаш можеби повеќе сте заинтересирани за креативна работа. Постојат многу различни работни места за луѓе со депресија, кои ги привлекува уметничката страна.

Всушност, некои експерти сметаат дека депресивните луѓе имаат покреативен ум од другите. Вистинските докази се Ван Гог и Чајковски, двајцата креативци, кои претрпеле многу, а се доказ за вистинска уметност. Затоа, работните места како кустос, работник во уметничка галерија, работа во библиотека, писател или новинар и слични професии можат да им помогнат на депресивните луѓе полесно да се изразуваат.

3.Работа со животни

Познато е дека животните имаат смирувачко влијание врз луѓето. Имено, истражувањата покажаа дека вдомувањето на животни води до ослободување на хемиско соединение наречено окситоцин, познато како „љубовен хормон” и за сопственикот и за животното. Ако се плашите од одредени животни, секогаш можеш да вдомите некое кое ви е при срце. На крајот на краиштата, тоа сепак не може да ви наштети.

Работите кои вклучуваат работа со животни се: шетање на кучиња, чување на животни додека сопственикот не е дома, одгледување и тренирање на животни, ветеринарство, фотографирање на животни, шишање и бањање на животни и слично.

Домаќинствата што се греат со фосилни горива најмногу го загадуваат воздухот со ПМ 10 и 2,5 честички, а дизел-возилата се главни загадувачи со азотни оксиди.

Според студиите изработени од Истражувачкиот центар за енергетика и одржлив развој на МАНУ, кои беа презентирани вчера на работилници во Градот Скопје, над 90 отсто од отровните прашини во воздухот ги емитираат оџаците на домаќинствата, а само десет отсто се од возилата. Издувните гасови од автомобилите, пак, учествуваат со 60 отсто во загадувањето на воздухот со азотни оксиди.

За да добиеме чист воздух, ќе треба да имплементираме многу мерки и да вложиме многу пари. Целосно да го смениме начинот на затоплување на домовите и да возиме електрични возила, велосипеди или да користиме јавен транспорт. Според еден од изработувачите на студиите на МАНУ, Александар Дединец, краткорочни решенија не постојат, а важно е да се дејствува во сите сектори истовремено за да се постигнат резултати.

Како главни виновници за лошиот квалитет на воздухот ги лоциравме домаќинствата кои се загреваат на огревно дрво. За нив препорачавме мерки за приклучување кон топлификацискиот систем како една од најбрзите мерки, како и продолжување на субвенциите за набавување печки на пелети или инвертери. Изолацијата на домовите е едно од решенијата, за да се намалат потребите за греење. За возилата предлагаме да плаќаат различна сума за регистрирање, или да се оданочуваат различно при увоз, а основа да биде податокот колку возилото емитира јаглероден диоксид, вели Дединец.

Една од поважните мерки која може да влијае на квалитетот на воздухот во Скопје е и замената на такси возилата со електрични до 2025 година. Тие поминуваат над 40.000 километри годишно што автоматски ја оправдува инвестицијата бидејќи би се вратиле многу брзо преку заштедата на гориво. Во земјите на Европската Унија, посочи Дединец, една четвртина од стакленичките гасови се резултат на емисиите од транспортот. Во Македонија тој процент е помал, околу десет отсто, но постојано расте. Тоа е резултат на фактот што во периодот од 2012 до 2015 година 77 отсто од возилата кои биле купени биле дизел.

Возниот парк во земјава е многу застарен, а најголемиот дел од возилата задоволуваат стандарди од еуро 3 и еуро 4. Најголемиот проблем се јавува кај товарните возила од кои 40 отсто немаат никаков стандард и масовно го загадуваат воздухот, вели Дединец и посочува дека доколку се применат сите препорачани мерки во секој од засегнатите сектори за седум години загадувањето од ПМ 10 и 2,5 ќе се намали до 93 отсто од домаќинства и 20 отсто од возилата. Дополнително, најави дека МАНУ ќе ги испитува и влијанието на индустријата кон квалитетот на воздухот со што ќе се добие комплетна слика за состојбата во Скопје.