Денес, 14.12.2018, со почеток во 12h во Младинскиот културен центар – Битола, по трет пат се одржува Саемот за кариера. Основна цел на настанот е  информација, мотивација и едукација на преку 200 млади невработени лица во општина Битола. KARIERA.mk како учесник на настанот има за цел да ги мотивира младите да аплицираат и да се вработат во брзорастечки компании, големи компании, мали и средни бизниси, иновативни бизниси и старт ап компании кои нудат слободни работни места

Од информација до кариера! е мотото на настанот, каде што посетителите ќе можат да комуницираат со претставниците на компаниите, да се информираат, а тимот на KARIERA.mk ќе им помогне да го поднесат своето CV и да го закажат своето прво интервју за работа.

Настанот е во рамките на регионалната платформа YOUSEE за социјални иновации за намалување на младинската невработеност во соработка со Инфо клубот Битола, а поддржан од УНДП, општина Битола и Фонд за иновации и технолошки развој.

Ова е дел од низот активности на KARIERA.mk, каде што помагаме на младите луѓе во градењето на нивната кариера!

1. Што ве инспирираше да започнете бизнис во Пластичарска улица?

Во почетоците на започнување на бизнисот, во наш интерес беше само да започнеме со нешто, да опстануваме, така што и немавме многу избор.

2. Дали имавте страв кога почнавте, посебно во толку млада возраст, и како го надминавте тој страв?

Страв сигурно дека имавме, но со текот на работата почнуваш да комуницираш со успешни трговци, и ние желни за успех, ги практикувавме нивните искуства, и полека го надминавме тој страв.

3. Како регрутирате вработени, и како ги мотивирате истите да останат кај вас? 

Првично регрутиравме преку познати, некој од вработените се со нас од почеток. Во последно време треба преку огласување за да се најде квалитетен кадар. На почеток учевме ние паралелно со нашите вработени, ги третиравме како важен дел од компанијата и ги инспириравме да бидат дел од решенијата на сите проблеми кои се појавуваа во текот на нашиот развој.

4. Според вас, која е разликата на водење бизнис во Пластичарска, во споредба со било која друга локација? На кој начин се постигнува успех во Пластичарска?

На Пластичарска има брзина и добра услуга, секогаш голем асортиман, и тоа е разликата со другите локации во градот. Иако условите на Пластичарска не се најсјајни, ние сме доста силни и затоа опстојуваме.

5. Како компанија која има 25 години искуство и над 10 вработени, што е следно? Дали планирате проширување во иднина, дали има услови за такво нешто?

Сега за сега нема услови за проширување, стално бркаме некој природен раст и кога ќе видиме дека има услови тогаш сигурно ќе реагираме.

Со над 100кг чоколадо, и разни експонати на чоколадни фигури ќе се одржи Чоколадна Аукција на 12 декември во 20 часот во хотел Парк во Скопје каде што каде што сите средства ќе бидат наменети за Центарот за деца со аутизам, кој ќе биде прв во Македонија. Овој центар ќе им помогне на децата да ги подобрат своите социјални вештини, и воедно да им ја понуди неопходната стручна поддршка на семејствата и родителите.

Ова ќе биде четврта Аукција на чоколадо, која секоја година е различна и уникатна, како по содржината, така и по чоколадните експонати.

Учествувајте и Вие заедно со KARIERA.mk, преку слатко задоволство да помогнеме за создавање на првиот Центарот за деца со аутизам во Македонија.

Утре (12.12.2018) со почеток од 18:00 часот во “Бродот на Среќата“ ќе се одржи предновогодишно издание на најелитниот бизнис нетворкинг настан во државава “Бизнис Кафе Македонија“ на кој се поканети сите оние кои сакаат да уживаат во релаксирана дружба и бизнис муабети.

Гости-говорници пред присутните, кои ветија дека ќе ни споделат интересни моменти од своето животно и бизнис искуство овојпат се:

– Норик Селими, претприемач, основач на Мотиви, Кариера и ПИКАСА.
– Горан Стојановски, ко-сопственик и Управител на Елевејт-Глобал.
– Вера Бошковска – претседател на Здружението за развој и афирмација на франшизата МАКФРАН.
– Елена Стефановска – ТВ автор и водител.

Билети по цена од 300 денари може да се купат на неколку различни начини:
– online: https://www.kupikartizase.com/
– На фактура со резервација на следниов маил: [email protected] ; или
– Директно на трансакциска сметка: 210 – 067036660110 (назив на примач: Актива Вел ДООЕЛ – Скопје, НЛБ Банка, цел на дознака: Учество на бизнис настан)