Проблемот со загадениот воздух во главниот град е се поголем од ден на ден. Граѓаните револтирани, очекуваат надлежните дека ќе имаат милост за нив, но освен мерки за заштита, мерки за решавање на истиот речиси и да не постојат.

Водејќи се од ова, овој проблем поттикна група од шест студенти од Машинскиот факултет да направат еко-велосипед.

Нов изум на млади и талентирани студенти.

Станува збор за велосипед на батерии кој има вградено проактивни филтри. Тие ги заробуваат штетните честички со самото ротирање на тркалата.

„Целиот систем за прочистување на воздухот ќе биде составен од филтер материјал кој што ќе биде вграден во држачите, тоа се портокаловите делови. Со самата ротација на тркалото ќе се прима воздухот и ќе се задржуваат некои честички, ќе се отпушта воздухот така што на тој начин ќе се прочистува воздухот,“ изјави за Канал5 Ина Крстевска, еден од студентите, кој учестуваваше во создавањето на овој велосипед.

Инаку овој велосипед ќе биде поставен на неколку станици ширум градот, онаму каде што има најголема подвижност на луѓе. Истиот ќе може да се изнајмува, а цената ќе зависи од тоа колку километри ќе се поминат со него.

Овој изум на продажба ќе биде пуштен во март наредната година.

Целта на студентите е со помош на велосипедот да се прочистува воздухот, а воедно и да бидат инспирација за конечно да почне да се превземаат некои активности против загадувањето, а и да се зголеми свеста кај луѓето, да не користат толку многу автомобили.

По направената анализа на сите земји кои гравитираат на и околу Балканот, може да се констатира дека само Црна Гора има помала законски одобрена минимална нето-плата од Македонија.

Македонија на крајот од 2018-та има 196 евра „минималец“, што е повеќе само од најнискиот законски дозволен работен доход од Црна Гора. Таму минималната плата во моментов изнесува 193 евра, односно замо три евра помалку од македонската, иако просечните плати на Црногорците се многу повисоки од нашите и изнесуваат 510 евра.

Во БИХ, чии два кантона се мошне зависни од финансиската и политичка поддршка од меѓинародните фактори, имаа евидентирано 208 евра минимална плата.

Повисока минимална плата има и Србија, каде што во моментов таа изнесува 213, што е за 17 евра повеќе од македонската, нешто сличен сооднос и кај просечните работни примања.

Косово во моментов ги дели најниските просечни плати, но Социјалниот совет го прифати предлогот од следната година минималната да биде 250 евра.

Во Бугарија минималните-плати растат прогресивно од година в година и однапред се законски проектирани, па така од 1 јјануари 2019-та таа ќе изнесува 292 евра.

Хрватскиот премиер Андреј Пленковиќ објави дека минималецот во 2019-та се зголемува за 9 отсто и ќе изнесува 404 евра, односно ќе расте втора година по ред.

И Словенија е една од земјите каде што минималната плата е проектирана однапред и расте прогресивно, па така во 2019 ќе биде 667 евра во 2019-та.

Во Романија во 2019-та минималната плата ќе биде 447 евра, но во бруто-пресметка. Сепак расте три години по ред  Во2018-та е 408, а во 2017-та беше 312  евра.

Во Турција денес минималната плата е 263 евра и покрај падот на турската лира. Минималецот таму постојано се зголемува, но падот на лирата веднаш го следи.

Минималната плата во Грција е многу помала од пред деновите на големата финансиска криза, но изнесува 586 евра, но според Евростат таа е 684 затоа што Грците добиваат 14 плати годишно.

Во Кипар минималната плата важи само за девет професии и границата е до 870 евра.

Без виза македонските граѓани ќе може да патуват во Колумбија.

Ова денеска го соопшти македонскиот амбасадор во Бразил Ивица Боцевски.

Тој оваа вест ја сподели на социјалните мрежи каде што напиша дека земјата од романите на Габриел Гарсија Маркес ги тргнува визите за Македонците.

Колумбија е земјата која им се придружи на Бразил, Чиле, Аргентина и Перу каде граѓаните може да патуваат без виза додава Боцевски.

Инаку, Колумбија е земјата од каде потекнува најпознатиот светски нарко-бос Пабло Емилио Ескобар Гавирија. За него е познато дека неговиот картел произвел околу 80% од целото производство на кокаин шверцуван на САД во времетраењето на неговата кариера, со обрт на 21,9 милијарди долари годишно во личен доход.

Често бил нарекуван „Крал на кокаинот“ поради тоа што претставувал најбогат криминалец во историјата, со проценета нето вредност на меѓу 25 и 30 милијарди долари од почетокот на 1990-тите (еквивалентно на помеѓу околу 48,5 и 56 милијарди во 2017 г.),што го прави еден од најбогатите луѓе во светот во неговиот ранг.

Сметководителите на Македонија на својот последен собир им порачаа на македонските граѓани кои нема да можат да се снајдат со новите законски измени во поглед на даночната реформа да ангажираат еден од нив, бидејќи очекуваат дека во 2019-та пресметките ќе бидат многу посложени.

Ние сме посредници помеѓу државата и даночните обврзници и тоа е една нормална работа секој граѓанин кој има посложена ситуација со пресметките да си ангажира свој личен сметководител, бидејќи тоа е светска практика, порачаа од таму.

Даночната реформа со новите законски измени започнува за две недели, а Здружението на сметководители порача дека ги подготвуваат софтверите за новиот начин на сметање на даноците, а најавуваат зголемен обем на работа. 

Од 2019-та персоналниот данок за приходите над 90.000 денари ќе изнесува 18%, но целокупниот закон има и други мерки кои ги опфаќаат и добивките од кирии, дивиденди, игри на среќа и друго што ќе се даночи со единствена стапка од 15%.