Министерот за транспорт и врски Горан Сугарески се надева дека до 2030-та возови ќе можат да пренесуваат директно патници до скопскиот аеродром, согласно Националната транспортна стратегија што ја донесе Владата во која се опфатени 104 активности кои до тогаш ќе чинат 4,2 милијарди евра.

Ова е проектот кој предизвикува најмногу внимание, а идејата, како што посочуваат од Министерството за транспорт и врски, не е нова, но условите за нејзина реализација се должат на тоа што е достигната потребната бројка на бројот на патници на аеродоромот кој станува се поголем од година в година.

Исплатливоста на пругата од скопска железничка станица до аеродромот беше авионскиот превоз да привлече до два милиони патника бидејќи кога се правеа анализите, тие покажаа дека кога ќе се постигне ова, тогаш ќе биде исплатлива оваа релација бидејќи инвестицијата е значителна, истакна Билјана Здравева, раководител на секторот железници.

За овој проект е планирано да се одвои крак кај Миладиновци за аеродомот, а прв чекор што ќе се направи ќе биде комплетирањето на документацијата. 

Крајната цел на Националната стратегија за транспорт е да се развие хармонизиран транспртен сектор што е меѓународно компатибилен и интегриран во европскиот систем на транспортни мрежи, а кој ќе го стимулира економскиот и социјалниот развој на земјата, ќе ја чува животната средина и ги обезбедува потребите на идните генерации, рече Сугарески.

Кандидатите за антикорупционери во новиот состав на Комисијата за антикорупција за да бидат ангажирани прво ќе треба да дадат „интервју за вработување“ што ќе се пренесува во живо на Собранискиот канал на МРТ, согласно новиот Закон за спречување на корупцијата и судирот на интереси.

Пткако Собранието ќе распише оглас кој ќе трае десет дена, Комисијата за избори и именувања ќе ги разгледа кандидатурите заедно со комисија за селекција, во која има по еден претставник на Народниот правобранител, на граѓанските организации и на медиумите, како и по двајца пратеници од власта и од опозицијата. 

Откако комисијата ќе утврди кои кандидати ги исполнуваат минималните условиќе ги повика поединечно на јавно интервју што ќе се пренесува на Собранискиот канал во живо. На интервјуто ќе можат да присуствуваат и претставници на МАНУ и други лица и да поставуваат прашања. 

Тоа ќе биде последен филтер пред комисијата за селекција да направи ранг-листа, а собраниската Комисија за избори и именувања ќе треба да ги предложи најдобро рангираните кандидати да бидат избрани од Собранието.

Седумтемина антикорупционери ќе треба да имаат десет години работно искуство, од кои најмалку шест години во областа на борбата против корупцијата и владеењето на правото. 

Бил Гејст, основачот на Мајкрософт, можеби располага со 95 милијарди долари, но се чини дека не размислува многу што ќе јаде за вечера...

Основачот на "Мајкрософт", филантроп и еден од најбогатите луѓе во светот, неодамна беше забележан пред ресторанот за брза храна Dick's Drive во Сиетл.

Фотографија е објавена од поранешен вработен во „Мајкрософт“ кој го препознал Гејст во колоната додека чека во ред за неговата нарачка.

Се уште се работи на подзаконските акти, односно на правилникот со кој ќе се регулираат „паушалите“ кои им одземаат по околу 1.000 денари на исклучените граѓани од системот на парно-греење иако не добиваат таква услуга.

Организацијата „Но пасаран“ и снабдувачите со топлинска енергија се уште бараат заеднички јазик, потврдија од Регулаторна комисија за енергетика.

Претседателот на комисијата, Марко Бислимовски, напомена дека при посетите што ги направиле регулаторите, покажале дека дел од граѓаните биле во право кога бараат да не плаќаат парно, бидејќи воопшто не добивале топлинска енергија.

Иако нова регулација за исклучените од системот најави и централната власт, по повеќе од година и пол нема решение за овој проблем, а Бислимовски се надева дека овој проблем ќе биде регулиран од средината на февруари.

Денеска потврди дека корисниците кои редовно ги плаќаат сметките за парно нема да бидат оштетени со новите правила за снабдување. 

Корисниците кои редовно ги плаќаат своите сметки на ниту еден начин нема да бидат оштетени со новите правила за снабдување со електрина енергија, бидејќи не е фер коректните потрошувачи да го поднесат товарот за оние кои што биле исклучени од системот. Како и да решиме за исклучените потрошувачи, тоа нема да биде на товар на останатите потрошувачи, потенцира претседателот на Регулаторната комисија за енергетика (РКЕ) Марко Бислимовски.

Околу 12.000 домаќинства во Македонија, особено во Скопје, се исклучени од системот, но мора да плаќаат паушал кој се движи околу 1.000 денари во зависност од големината на површината на станот.