Вториот круг преговори за нов регионален договор за роаминг за Западен Балкан, организиран од Советот за регионална соработка (РСС), се одржува во Брисел, од каде што произлегува дека од 2021-ва Македонија, Србија, Албанија, Црна Гора, БИХ и Косово нема да си наплатуваат меѓусебен роаминг за комуникација преку мобилните телефони. 

Со новиот регионален договор за роаминг од јули 2021 година нема да има дополнителни роаминг трошоци за сите крајни корисници во економиите на Западен Балкан, а граѓаните ќе плаќаат редовната цена како овие услуги да се користат кај нив  дома.

Во своето обраќање на состанокот, генералниот секретар на Советот на Мајлинда Брегу истакна дека во интерес на стопанството, граѓаните и политичарите е да се финализира во најкраток можен регионален договор за роаминг, која до јули 2019 година дополнително ќе ги намали трошоците за роаминг и да го отвори патот кон нула цена за роаминг во 2021 година.

Ако сакаме луѓето да го признаат вистинското влијание на нашите напори за унапредување на регионалната соработка, тогаш овој договор треба да биде потпишан во април. Ова е логиката на европскиот единствен пазар без граници, основана повеќе од 50 години, и тоа треба да биде конкретен резултат на СРС за цени на роаминг исти како дома што се однесува на влијанието на интерперсоналните односи меѓу граѓаните на шест економиите на земјите од Западен Балкан, кои имаат тенденција да имаат корист исто како обичните граѓани на Европската унија, рече таа.

Таа додаде дека на Европската унија и требаше десет години за да се воведе концептот на роаминг услугите за нула-цена за Западен Балкан, и затоа "треба да се пофалат економиите на земјите од Западен Балкан за амбицијата и храбростра за да се заврши овој процес за речиси две и пол години."

"Со потпишувањето на договор оваа година, граѓаните ќе се поврзаат кога патуваат без страв од зголемување на патни трошоци. Пресметано е дека трошоците за роаминг се некогаш поскапи од цената на самото патување", рече Брегу.

Капацитетот на лекарката која замина да работи во хрватското гратче Суќурај, во Хвар нема да биде искористен. Ова е ставот на министерот за здравство Венко Филипче даден во интервју за Радио Слободна Европа.

Филипче смета дека лекарката згрешила што заминала а тоа го поткрепува со тоа што како вели, се работи за мало место со мал број на жители а потенцира и дека во државава се разработува модел што треба да обезбеди здравствена заштита за граѓаните во руралните средини и во помалите општини преку мобилни патронажни сервиси на домашна посета. 

Според медиумите, во земјава докторката Војновска  работела 11 месеци во село Бојане каде што имала плата од 330 евра.

Медиумите од Хрватска пред неколку дена објавија дека само една лекарка била заинтересирана за огласот кој го објавиле.

Таа таму покрај плата и бесплатен стан, од општината ќе има и бонус од 6 728 евра годишно.  

Докторката Војновска испадна херој во очите на хрватската јавност откако по подолго време се нафати да ги лекува жителите на гратчето Саќурај по положувањето на дополнителните испити кои се бараат според хрватските прописи. Таа веќе изјави дека и се допаѓа мирниот живот на море, наспроти метежот во Скопје.

Коментарите пак на оваа тема во јавноста се разни. Едни ја поддржуваат, други пак негодуваат.

Задолжително породилно отсуство ќе има за мажите во земјите на ЕУ.

 Ова станува јасно од последната прифатена директива наречена „рамнотежа меѓу приватниот и професионалниот живот“ која за прв предвидува задолжително породилно отсуство за мажите.

Иако постигнатиот компромис многумина го сметаат како минимален, усвојувањето на директивата вчера беше поздравено од Европската Комисија како чекор кон „поквалитетен живот за граѓаните на ЕУ“, чекор кон поголема родова еднаквост и „убав ден за социјална Европа“, изјавила комесарката која ги водела преговорите, Маријан Тејсен.

Како што пренесува МИА највпечатлив дел од компромисот е воведувањето на задолжително породилно отсуство за татковците од десет дена минимум во цела ЕУ. Породилното за мажите ќе изнесува онолку колку што чини ден боледување во секоја земја. Европскиот Парламент во преговорите бараше породилното за татковците да изнесува 80 отсто од бруто платата, но земјите членки одбија.

Досегашната директива не предвидуваше ништо за отсуството на мажите по раѓањето на нивното дете и во многу земји сѐ уште се смета за “природно“ мајката да биде единствениот родител кој зема породилно. Во одредени земји членки пак овој компромис не менува ништо суштинско бидејќи тие веќе предвидуваат отсуство за татковците во своето национално законодавство.

Важно е да се напомене дека во директивата концептот е наречен “втор родител“ за да можат да бидат покриени и хомосексуалните двојки. На оваа тема преговорите биле најтешки поради источноевропските земји кои не признаваат геј бракови. Директивата нема да може да се применува на хомосексуалните двојки кои живеат во земји каде ваквата заедница не се признава законски.

Huawei денес официјално го претстави својот нов 5G чипсет Balong 5000 заедно со својот прв 5G уред - Huawei 5G CPE Pro. Двата производи заедно го воведоа најбрзото безжично решение за вашиот паметен телефон и останатите уреди во вашиот дом или канцеларија.

Balong 5000 официјалано ја поставува новата ера на 5G технологијата. Освен смартфоните,чипсетот поддржува широк спектар на 5G производи, вклучувајќи ги и монтираните уреди во автомобилите. Чипсетот ги отвора вратите за сосема нови сценарија базирани на 5G технологијата.

Balong 5000 им открива на потрошувачите еден нов свет“,изјави Ричард Ју, извршен директор на Huawei Consumer Business Group. „Овој чипсет ќе го подобри квалитетот на услугите и ќе обезбеди брза конекција за функционирање на вештачката интелигенција. Huawei 5G CPE Pro им нуди на потрошувачите подобар пристап до интернет и неверојатна брзина на прегледување. Huawei нуди интегриран спектар на услуги во областа на чипови, уреди, cloud услуги и мрежи. На оваа основа и како лидер во сферата на 5G технологијата, ќе им обезбедиме на потрошувачите инспиративно и интелигентно корисничко искуство кое ќе има влијание во секој аспект од нивниот живот, додаде Ју.

Balong 5000: Смело навлегување во ерата на 5G

Со висок степен на интеграција, Balong 5000 поддржува 2G, 3G, 4G и 5G на еден чип. Тоj ефикасно ја намалува латентноста и потрошувачката на енергија на размена на податоци во различни режими и значително го подобрува корисничкото искуство во раните фази на распоредување на 5G технологијата. Balong 5000 бележи многу важен момент во историјата на развојот на чипсетови од серијата Balong.

Balong 5000 е првиот чипсет со забележани врвни резултати за брзина на преземање податоци од 5G технологијата.Со фреквенција помала од 6 GHz (спектар со ниска фреквенција, главно користен за 5G мрежите), Balong 5000 може да постигне брзина на преземање од 4,6 Gbps. Balong 5000 може да постигне брзина на преземање од 6,5 Gbps - 10 пати повисока од најдобрата 4G LTE брзина во моментов достапна.

Balong 5000 е исто така првиот чипсет кој поддржува 5G мрежни архитектури од типот SA и NSA (самостојна и несамостојна архитектура). При NSA, 5G мрежата се гради над веќе постоечката 4G LTE мрежа, додека при SA, како што и кажува називот, станува збор за целосно независнаархитектура. Флексибилноста на Balong 5000 овозможува задоволување на потребите на операторите, без разлика во која фаза се развиваат нивните 5G мрежи.

Balong 5000 е првиот чипсет кој поддржува Vehicle to Everything (V2X) комуникација, обезбедувајќи ниска латентност и сигурни решенија за автомобилите поврзани со интернет врска. 5G смартфоните на Huawei, засновани на Balong 5000, ќе бидат прикажани на овогодинешното издание на "Mobile World Congress" во Барселона.

Huawei 5G CPE Pro: Менување на корисничките искуства во домашните интернет мрежи

Базиран на Balong 5000, Huawei 5G CPE Pro исто како што ја поддржува 4G мрежата,  така ја поддржува и 5G мрежата. Во 5G мрежата, висококвалитетна видео-датотека од 1GB може да се презема за три секунди, а 8K видео може да се проследува без попречувања. Тоа поставува нов стандард за домашните интернет мрежи. Покрај тоа, Huawei 5G CPE Pro може да се користи од страна на малите и средни претпријатија кои имаат потреба од супер брза интернет конекција.

Поддржувајќи ја новата Wi-Fi 6 технологија, Huawei 5G CPE Pro испорачува до 4,8 Gbps. Тоа е првиот 5G CPE за поддршка на Huawei HiLink протоколите воведувајќи ја во домовите новата 5G ера.

Како пионер во 5G индустријата, Huawei започна со своите истражувања во оваа област уште во 2009 година и во моментов е единствениот снабдувач во овој сегмент кој може да понуди комплетни 5G решенија. Во 5G R&D центрите за истражување и развој на компанијата се вработени над 5700 инженери, вклучувајќи повеќе од 500 високо специјализирани 5G експерти. Освен нив, компанијата учествува и во 11 унифицирани иновативни центри за 5G ширум светот.