Агим Нухиу, заменик-министерот за внатрешни работи, во разговор за грчкиот ЕРТ3 рече дека граѓаните нема да ги плаќаат мини-лепенките со кои привремено треба да се покрие кодот MK на регистарските таблички на возилата.

Во следните четири месеци регистарските таблички ќе бидат заменети кога ќе биде утврден новиот меѓународен код, додека пак лепенките се привремено решение за преодниот период. Во јавноста имаше дилеми кои ќе ги плаќа овие лепенки.

Имаме решение за преодниот период. Подготвивме т.н. бесплатни лепенки за сопствениците на возила додека да го имаме новиот сообраќаен код на земјата, објаснува заменикот министер за внатрешни работи, Агим Нухиу во интервјуто за ЕРТ3.

Направена е ранг листа која покажува како брендовите во светот напредувале или „паѓале“ во период од 7 години. 

На прво место е Coca Cola, на втората позиција е IBM,  а на трето место е Мicrosoft. 

Високо котираат и Гугл, Нокиа, Мекдоналдс, и други компании. 

Заводот за јавно здравје, во Пожеско - славонската жупанија одлучи да им даде по 3.000 куни на сите оние кои 30 дена нема да пушат. 

Ова важи само за полнолетните пушачи кои пушат цигари повеќе од една година. 

Освен овие услови, мора да биде потпишан и еден сведок од семејството кој треба да потврди дека навистина се откажале од пушење. 

Планираат луѓето да ги наградат со извлекување, но освен награда од 3.000 куни, ќе има и секој ден по 750 куни. 

Во Црна Гора секој втор кој е невработен не сака да работи. 

Директорката на Управата за статистика на Црна Гора, Гордана Радојевиќ вели дека во земјата постои голем проблем со неактивност на населението, затоа што секој втор невработен не сака да работи. Овие луѓе не бараат работа.

Дел од населението не работи и не бара работа, односно да им се понуди работа не би ја прифатиле, вели таа.

Секако дека одреден процент на неактивност е неизбежен, особено за младата популација која студира, се усовршува. Меѓутоа, и покрај тоа, Црна Гора е земја со највисока стапка на неактивност во ЕУ и пошироко, изјави Радојевиќ.

Покрај стапката на невработеност која изнесува 14,1 отсто, Радојевиќ тврди дека повеќе загрижува податокот што во просек во Црна Гора неактивни се 45 проценти од популацијата од 15 до 64 годишна возраст.

Економскиот раст за кој говори власта во државата навистина се чувствува, а во прилог на тоа сведочи европската статистика.