Интелигенцијата на човекот може да се зголемува со текот на годините, особено ако човек се посвети на тоа. Денес ви предложуваме неколку начини преку кои можете да ја зголемите интелигенцијата. Доколку ги правите овие работи секојдневно, ќе постигнете огромен напредок и постојано ќе се надградувате.

1. Испробувајте нови работи

Не се држете постојано за познатото. Правете работи кои не ви се познати и на тој начин ќе совладувате и учите нови вештини. Читајте за работите кои не ги знаете, правете активности кои досега не сте ги правеле. Проширете ги хоризонтите.

2. Предизвикувајте се самите себеси

Не заборавајте да си поставувате предизвици. Мозокот, како и мускулите, подобро работи кога се соочува со отпор. На тој начин ќе морате да барате најразлични алтернативи за да го надминете предизвикот, а со тоа и мозокот ќе ви работи поинтензивно. Со тоа оставате огромен простор за надградување и личен развој.

3. Бидете креативни

Отфрлете ги шаблоните и клишеата. Без разлика дали се работи за проект на работа или изненадување за најблиските, бидете креативни. Обидете се да смислите нови работи и нови пристапи кон решавање на работите и донесување на одлуките. Некои луѓе кога се опишуваат себеси велат дека не се креативни. Тоа не е вистина. Секој човек е креативен доколку се реши да биде.

4. Не го бирајте полесниот пат

Човечки е луѓето да сакаат да си поминат полесно и да го бираат полесниот пат. Но, тоа понекогаш може да направи човек да стане помрзлив и да се труди помалку. Се разбира, ова не значи дека треба да си го направите животот пеколен, но одвреме-навреме избирете го патот кој носи повеќе предизвици. На пример, наместо да користите GPS кога одите некаде, обидете се сами да се снајдете. На овој начин мозокот ќе ви биде поактивен.

5. Мешајте се со луѓе

Можеме да научиме многу од другите луѓе. Запознавањето нови луѓе и дружењето со пријатели ќе ве изложи на нови идеи, нови мислења и погледи на светот кои можат да ве инспирираат за многу нови нешта. Со слушање на туѓите искуства можеме да ги надградиме своите, така што, не се плашете од мешањето со луѓето, напротив, обидете се колку што е можно почесто да учите од нив.

Иако бизнисот не го дели истото мислење, Владата не отстапува. Покачување на минималната плата ќе има ама не се знае колку и кога.

Се прават анализи и консултации а според зборовите на Заев се внимава и да не им се наштети на компаниите.

Против ново покачување на минималецот е текстилниот сектор.

Од текстилната индустрија посочуваат дека ново зголемување на минималната плата ќе значи удар за нив бидејќи велат не се опоравиле од претходнот удар.

Оние кои едвај чекаат покачување на платите пак се токму работниците во текстилството. Тие имаат најниски плати. И покрај законот кој вели дека 12 илјади треба да изнесува минималецот, многумина ги злоупотребуваат работниците и бараат дел од парите да им вратат на сопствениците.

Во земјава има околу 5.000 слободни работни места. 

Во Агенцијата за вработување во моментов има отворени огласи преку кој македонските компании бараат кадри за ангажирање на околу 5.000 слободни места.

Се бараат директори, трговски раководители, менаџери, комерцијалисти, возачи, медицински сестри, општи работници, продавачи, инженери, магацински работници, економисти и друго. 

Овие огласи ги има на веб сајтот на АВРМ. 

Во сите општини и региони се бараат работници. 

Скопјани се жалат дека долго траат процедурите за вадење или замена на лични документи со промена на име, презиме или адреса.

Со овој проблем најчесто се соочуваат иселениците, брачните парови кои имаат нова адреса на живеење, како и сопругите кои го прифатиле презимето на мажот. Вакви постапки најчесто се покренуваат преку лето кога во тек се летните одмори, а воедно зголемен е и бројот на склучени бракови.

Барањето за промена на личното име се поднесува на шалтер односно канцеларија во подрачната единица на Министерството за внатрешни работи според живеалиштето на подносителот.

Кон барањето  се доставуваат следните докази:

• доказ за идентитет на подносителот (лична карта или патна исправа);
• уплатница за уредно наплатена административна такса во износ од 300.00 денари;
• согласност од малолетно дете за кое се бара промена на личното име доколку истото има наполнето 10 години;
• уредно полномошно доколку барањето за промена на личното име е поднесено преку полномошник;
• ако барањето за промена на личното име се однесува на малолетно дете барањето се поднесува од страна на двајцата родители, освен во случај на отсуство односно спреченост на едниот родител, кога може да се приложи изјава заверена на нотар или во дипломатско-конзуларните претставништва на Република Македонија во странство.

Документи кои треба да се достават:

• препис од Матична книга на родени заради обезбедување точни податоци односно споредување со евиденцијата на матичен број на подносителот на барањето (по службена должност).;
• уверение односно известување од надлежен суд дека за подносителот на барањето не се води кривична постапка за кривично дело за кое се гони по службена должност;
• уверение односно известување од надлежен центар за социјални работи дека подносителот на барањето ги има регулирано имотно-правни и други законски обврски што произлегуваат од брачниот однос и од односот на родители и деца кон лица кои живеат во Република Македонија (по службена должност).

Временски рок : 30 дена.

Замена на лична карта со промена на адреса

• Барање
• Уплатница190,00 денари
• Или преку Пос терминал уплата од 190,00 денари
• Купопродажен договор за куќа или стан заверен на нотар или имотен лист
• Старата лична карта