Во последните неколку години невладиниот сектор, но и државните статистики и истражувања покажуваат дека иако за исто сработена работа и исти одработени работни часови мажите се платениповеќе од жените во државава.

Иако работат исто трудот на дамите се вреднува помалку во однос на мажите, и тоа цели 18 % помалку, пишува неделната анализа на порталот Portalb.mk.

Според државната статистика од вкупниот број на работници во земјава 60,8% се мажи, а 39,2% се жени.

Од спроведената анализа загрижувачки е фактот што само 1 % од вработените жени во земјава земаат плата поголема од 40.000 денари. Податоците во анализата покажуваат дека вработни мажи коишто земаат плата повисока од 40 000 денари во Македонија се дупло побројни, т.е 2,1 %.

Исто така е поголем бројот на мажи во државата и како работодавачи, односно мажите имаат повеќе сопствени фирми од жените, или 1300 фирми односно околу 19,5% се компании на жени, а останатите 81% на сопствени фирми во Македонија се на мажи.

Разликите во платите можат да се забележат и за исти позиции и за исти сектори, говорат податоците на меѓународната организација на трудот. Стереотипите и конзервативните размислувања за улогата на жената во опшетството се уште се сметаат за главна причина, покажале истражувањата на граѓанскиот сектор.
Секторски, жените доминираат во образованието, администрацијата, финансиските дејности, здравствената и социјална заштита, преработувачката индустрија.

Анализа на Portalb.mk

Владата нема намера оваа година да го прогласи 2 мај за неработен ден за јавната и државната администрација, како што тоа го направи за 2 јануари. Денот по Нова Година не се работеше со посебно донесена одлука за таа намена, иако официјален празник во календарот е само 1 јануари. По празнувањето на Денот на трудот сите ќе треба да бидат на своите работни места. Во минатото 2 јануари и 2 мај беа државни празници, но во 2007-ма беа укинати од владата на Никола Груевски.

Владата нема намера да го прогласи и 2 мај за неработен ден оваа година, како што тоа го направи со 2 јануари - изјави Миле Бошњаковски, портпаролот на Владата.

На почетокот на минатата година, по една од најавите дека ќе се прават измени на Законот за празниците, граѓаните ги преплавија социјалните мрежи со барања 2 јануари и 2 мај повторно да бидат прогласени за неработни денови, а Министерството за труд и социјална политика објасни дека ќе бидат земени предвид сите барања. Место измена на Законот, Владата на 25 декември го прогласи 2 јануари за неработен, но само за државната администрација, со препорака одлуката да ја прифати и приватниот сектор. Без најава и без образложение за одлуката, административците добија уште еден неработен ден во јануари.

По ваквата одлука со специјална намена реагираше Синдикатот и на почетокот од годинава побара од Владата да се работи 7 часа дневно и 2 јануари и 2 мај да бидат неработни денови во празничниот календар..

Во моментов го разгледуваме тоа барање, како што ги разгледуваме сите барања, но оваа година сигурно нема 2 мај да биде неработен ден - додаде Бошњаковски.

Новата власт уште пред изборите ги разгледуваше можните измени на Законот за празниците со можноста за укинување  на дел од неработните денови и воведување на некои други.

Во меѓувреме ќе има еден работен ден помеѓу Велигден во понеделник на 29 април и 1 мај во среда.

Масовните убиства и терористички напади, крвавите пресметките по верска и друга линија, присилната милитаризација на децата, корупцијата... сè се тоа теми кои можат да бидат оставени за другпат. Земјата си ги знае проритетите. 

Ирачкиот клерик Моктада ал-Садр кој е шеф на шиитската милиција и е дел од владеачката коалиција во ирачкиот парламент, напиша писмо со кое бара да се забранат игрите како Фортнајт и ПУБГ (PlayerUnknown’s Battlegrounds), бидејќи предизвикувале зависност и имале негативно влијание на младите. 

„Тоа не е игра за развивање на интелигенцијата ниту пак е воена игра која ќе те научи како правилно се војува,“ пресуди во својата рецензија ал-Садр.

Во образложението на забраната се наведуваат и здравствени, морални, културни и безбедносни закани по ирачкото општество кои ги носат ваквите електронски игри.

Министерството за труд и социјална политика соопшти дека согласно со Законот за празниците, 26 април Велики Петок, петок пред Велигден е неработен ден за граѓаните од православна вероисповед во Република Северна Македонија.

Истовремено, Министерството за труд и социјална политика на граѓаните од православната вероисповед им го честита празникот.