Wizz Air, најголемата нискотарифна авио-компанија во Централна и Источна Европа, прогласена е за авио-компанија за 2019 година, како дел од кампањата 2019 Air Transport Awards, единствената меѓународна награда која ги наградува сите најважни категории во воздушниот сообраќај.

“Почестени сме со фактот што сме препознаени како авио-компанија на годината. Оваа награда е резултат на напорна работа и посветеност на неверојатниот Wizz тим, лојалност и доверба на нашите корисници и подршка од нашите партнери. Компанијата Wizz Air разви бизнис на работење на едноставна премиса со цел патувањето да го направи достапно за секого и на тој начин да се создадат можности за подобар живот и подобар свет во кој живееме, а оваа награда е уште една потврда дека сме на вистинскиот пат. Во иднина, Wizz Air ќе продолжи да го подобрува корисничкото искуство со воведување иновации и трудејќи се да им овозможи на сите да имаат можност да го разубават својот живот благодарение на патувањето”, изјавил заменик-извршниот директор и генералниот директор на Wizz Air Hungary, Стивен Џонс.

Претседателот на 2019 Air Transport Awards, д-р Костас Јатра порачал дека Air Transport Awards станува важен настан во авионската индустрија благодарение на посветеноста на организацијата и поединци во секторот за авијација, и дека е важно да се препознае и да се покаже почит кон најдобрите и да се слави нивното лидерство.

Изборот на кариера е навистина важно и тешко прашање кое сите од нас си го поставуваме, особено во младите години од нашиот живот. Кога ќе ги зголемите Вашите знаења и вештини со текот на времето, секако дека очекувате подобра и побогата кариера.

Во најголемиот дел од случаевите целата приказна станува комплетана кога ќе најдеме работа која е добро платена. Затоа секој од нас се стреми да најде работа со добра плата. Сепак оние најплатените работни места, никако не се лесни или патот до нив не е лесен.

Затоа ние денеска ќе ви ги претставиме најплатените професии денеска во светот.

Според многу истражувања, на прво место како најплатени се хирурзите со просечна плата од 258,900 долари, додека на второ место е орален и максилофацијален хирург со просечна плата од 233,400 долари.

На третото место исто така е професија од медицината, а тоа е гинеколог. Гинеколозите имаат просечна плата од 209,600 долари. Четвртата позиција е резервирана за психијатрите со плата од 197,500 долари, а на пето место се интернистите со 184,800 долари.

Од денеска до 14 мај во редовниот линиски превоз ќе бидат вклучени две привремени линии 100 и 200 кои ќе сообраќаат до СЦ „Борис Трајковски“ за време на одржување на Саемот на книгата.

Автобусот на линијата 100 ќе тргнува од Ново Лисиче во термините од 11 ч., 12:20 ч., 13:40 ч., 15 ч., 16:20 ч., 17:40 часот, а обратно од СЦ „Борис Трајковски“ ќе тргнува од 11:40 ч., 13 ч., 14:20 ч., 15:40 ч., 17 ч., 18:20 часот.

Трасата на движење на автобусот на линија 100 е: улица „Февруарски поход“, булевар „В.С.Бато“, булевар „Јане Сандански“, булевар „К.Ј.Питу“, булевар „Кочо Рацин“, улица „11 Октомври“, улица „Димитрие Чуповски“, булевар „Св. Климент Охридски“, булевар „Партизански одреди“, улица „Бледски договор“, СЦ „Борис Трајковски“ и обратно по истата траса.

Автобусот на линијата 200 ќе тргнува од Дексион во 11:20 ч., 12:40 ч., 14 ч., 15:20 ч., 16:40 ч., 18 часот, а од СЦ „Борис Трајковски“ ќе тргнува во 12 ч., 13:20 ч., 14:40 ч., 16 ч., 17:20 ч., 18:40 часот. Автобусот ќе се движи по улица „Црногорска“, улица „Кузман Шапкарев“, улица „Ѓорче Петров“, булевар „Партизански одреди“, улица „Бледски договор“, СЦ „Борис Трајковски“ и обратно по истата траса.