Промовирани огласи »

На улица „Илинденска“ веднаш до СЦ „Борис Трајковски“ е лоциран новиот забавен адреналински парк „Мега“.

Забавниот парк нуди над 20 возења, од кои 10 се адреналински атракции, 10 фамилијарни возења, како и неколку интерактивни реквизити. 

Работното време на паркот од понеделник до четврток е од 17:00-00:00, во петок до 01:00, сабота и недела од 10:00-01:00.

Главни атракции во „Мега“ се Камикази, кулата висока над 100 метри, Летечкиот килим, Брејк Денс, Ентерпрајз, Куќа на стравот и Поп Старс- возења какви можеме да видиме низ светските тематски паркови.

Промовирани огласи »

Иако економската криза е најголемиот загушувач на средната класа, сепак во светски рамки таа е во благ пораст. Во моментов, речиси две милијарди лица на земјината топка уживаат во благодетите на средната класа, за десетина години оваа бројка ќе се искачи на 3,2 милијарди лица, а во 2030 година ќе има 4,9 милијарди средно богати лица.

Според критериумот на ОЕЦД, за да се биде дел од средниот слој, дневната потрошувачка треба да изнесува меѓу 460 и 4.600 денари, или од 7,4 до 74,4 евра. За 4-члено семејство да го премине прагот и да стане дел од средната класа, минимално дневно му се потребни 29,6 евра, а месечно 888 евра, или 54.878 денари.

Колку македонски граѓани, односно интелектуалци, професори, лекари, правници, банкари... се дел од средниот слој. Колку од нив имаат семеен месечен приход од минимум околу 1.000 евра. Според Државниот завод за статистика, во земјава работат околу 680.000 лица, а токму тие со своите плати треба да му го овозможат стандардот на семејството.

Статистиката утврдила дека најмногу или 19,6% од вработените имаат примања од 10.000 до 12.000 денари. Процентот на лицата што земаат плата од 12.001 до 14.000 денари е 9,4%, од 14.001 до 16.000 се 8,7%, од 16.001 до 18.000 денари се 6,6%, од 18.001 до 20.000 денари се 7,1%, од 20.001 до 25.000 се 15,5%, од 25.001 до 30.000 примаат 6,9%, а од 30.001 до 35.000 се 3,9%. Статистиката утврдила дека 6,4% од вработените се со плата од над 35.000 денари.

Јазот меѓу богатите и сиромашните граѓани се продлабочува и тој се повеќе наликува на пирамида каде на основата се сиромашните граѓани, а на врвот најбогатите.  Дали средната класа во Македонија постепено ја снемува и доколку ја има, оди ли таа на опера и балет, или ја снемува како што одовде усчезнуваа - операта и балетот. Просечниот македонски граѓанин дури 39% од неговите месечни приходи ги троши на храна и основни животни намирници, 5,9% на облека, додека 11,6% одвојува за комуналии. Македонецот се грижи и за неговото здравје и одвојува околу 3,6% од својата плата, за сообраќај нешто повеќе од 5,9%, а за покуќнина 4,9%.

Трендот на губење на средниот слој е присутен и во земјите од ЕУ. Средната класа во Германија во моментов е застапена со 58%, иако пред десетина години бројката достигнувала 65%. Во Хрватска која на први јули годинава станува дел од ЕУ, само 25% од населението се дел од овој слој, или еден милион од вкупно 4 милиони жители на оваа земја. Во Србија и Бугарија, пак, една петтина од населението е дел од средната класа, а останатите едвај успеваат да ги подмират комуналните трошоци. - Средната класа не може да си купи ниту половен автомобил.

На годишен одмор оди само ако плати на рати, а се почесто купува животни намирници кои се егзистенцијални, а се почесто се откажува од користење на разни услуги - вели српскиот економистот Мирослав Здравковиќ . За професорот Татјана Стојаноска од Институтот за социологија, средната класа е столбот на секое општество, но и рамнотежа, посебно за општествата што настојуваат по сите општествени параметри да се развиваат и унапредуваат.

Таа деновиве за јавноста кажа дека најголемиот процент од граѓаните во современите општества се дел од средниот слој. -За Македонија специфично е, посебно кога се говори за раслојувањето, големата и остра дискрепанца која се јавува помеѓу слоевите.

Од осамостојувањето на државата до денес, транзицијата која за жал ја боледуваме повеќе од дваесет години, придонесе да се раслои средниот слој и полека да почне да исчезнува, при што поголемиот дел од луѓето кои припаѓале по сите белези на него се придвижуваат во надолна линија, а мал дел се искачуваат нагоре и си овозможуваат луксузни добра. За една држава да биде стабилна, носечки столб е средниот слој, кој за жал кај нас полека се тенчи и сето тоа доведува до огромни разлики помеѓу малиот процент на богати граѓани и големиот процент на сиромашни - смета Стојаноска.

Американски сон

Околу 80% од населението на САД е средна класа и сонува еден ден да биде на врвот. Американскиот претседател Барак Обама, деновиве посочи дека директорот на Епл е најдобар пример за остварување на американскиот сон. За Обама најголемата сила на САД отсекогаш била нејзината средна класа во експанзија, каде што секој може да се стреми кон остварување на американскиот сон. Според него, тоа е цел што треба да се остварува со истакнување на личности како што е Џобс кои развиле дури два-три револуционерни производи, врз основа на што се очекува да стекнат капитал. Спротивно од САД, многу европски држави како Шпанија, Италија и Грција каде драстично се намалува средната класа не можат да го доживеат американскиот сон.

Промовирани огласи »

Можно е децата да бидат запишани во прво одделение, а во меѓувреме да се вакцинираат, рече министерот за образование Арбор Адеми, одговарајќи на новинарско прашање што договориле викендов на средбата со министрите за здравство и правда, пишува СДК. 

Тој кажа дека сѐ уште ги разгледуваат сите опции и дека за тоа ќе разговараат и во Влада, со оглед дека основното образование е задолжително, но и јавното здравје мора да се одржи.

„Една од опциите кои ги разгледуваме е децата да се запишат во прво одделение, а од септември ако останат невакцинирани да одиме со теренска вакцинација“, рече Адеми.

Министерот за здравство Венко Филипче викендов кажа дека не отстапуваат од ставот да не се примаат невакцинирани деца во градинките и училиштата, бидејќи само така може да се стави крај на епидемијата со мали сипаници, во која досега починаа 4 деца.

Тој рече дека Министерството за труд и социјална политика веќе го изменило правилникот за прием на деца во градинките, а дека со Министерсвото за образование треба да најдат решение.

Промовирани огласи »

Автопатот Штип-Миладиновци ќе биде пуштен за 10 до 15 дена најави директорот на Јавното претпријатие за државни патишта, Зоран Китанов, кој денеска заедно со министерот за транспорт и врски Горан Сугарески извршија увид во реконструкцијата на регионалниот пат Пробиштип-Злетово, пишува 1тв. 

Потенцираше дека во изминатите месеци се корегирале грешките што се направиле при проектирањето на автопатот, во кои не било предвидено пристап на сервисни патишта за населението од светиниколскиот регион, а се поставува и заштитната мрежа по должината на автопатот.

Од изведувачот „Синхидро“ добивме известување на 19 декември дека автопатот е готов, но повторувам по кој знае кој пат дека бевме во инспекција и видовме дека еден дел од сервисните патишта и што е поважно за безбедноста на учесниците во сообраќајот мрежите, што се покрај автопатот не се завршени. Беа завршени 60 отсто, а 40 отсто не беа завршени и затоа дадовме налог кинескиот изведувач „Синохидро“ да си ги заврши. На мое и на ваше задоволство можам да кажам дека направив увид на некаде десетина километри во моментов не е заврешена мрежата и ако земете во обзир дека некаде на еден километар на ден се поставува мрежа,  значи за 10 до 15 дена ќе биде пуштен патот. На некои места ќе има времен сообраќаен режим, каде што ќе се прават клучките за помошните места, за сервисните патишта за да граѓаните си одат до своите парцели, вели Китанов.

Тој најави дека за два до три месеци ќе почне и изградбата на патарините на автопатот Штип-Миладиновци, каде што на тие места ќе има и времен режим на сообраќај.

Повеќе
КЛИКНИ