Јапонката Масако Ваками (81) се разбира во програмирање подобро од сите нејзини врсници, затоа што во деветтата деценија направила своја прва мобилна апликација.

Пред дапочне да се занимава со програмирање, на свои 60 години, имала 43 години работен стаж во една од водечките јапонски банки. Во чест на јапонскиот Ден на девојките, направила апликација за iOS која корисниците ги учи како правило да ги постават куклите за фестивал.

Хинадан апликацијата од корисниците бара поставување 12 кукли на одредени позиции и играта се завршува кога ќе ги распоредите на правилен начин.

Освен што прави апликации, Масако пишува и блог на јапонски и англиски, дели снимки од нејзините патувања и држи обуки за употреба на Excel за изработка на уметнички дела.

Разговараме со Дејан Џолев, сопственик на едукативниот центар „Џолев и уметностите“ кој нуди курсеви за фотографија, сликање, филм, актерство...

Од кога постои „Џолев и уметностите“?

- Во април годинава полниме цела рака. Пет години. Последниот роденден го прославивме со класичен квартет и шарени колачиња!

Фотографија: Христијан Исајловски

Кои се курсевите што ги нудите и кому се наменети?

- Во моментов, активни се три програми и тоа: „Курс по фотографија“, „Курс по цртање и сликање“ и „Обука за филм и филмски актер“. Започнуваме во средината на месец март, додека пријавувањето за сите заинтересирани е во тек. Програмите се практични за сите коишто посакуваат ново хоби или остварување на стара желба, но секако дека се апликативни и за оние коишто посериозно ги практикуваат овие визуелни уметности, сеедно дали се подготвуваат за приемен испит на факултет или пак, се во потрага по нови професионални и креативни предизвици. Наменети се за посетители на возраст од 7 до 77... И можеби најсуштинското, програмите се наменети за сите оние кои се подготвени за искрени насмевки! :)

Кој сѐ е вклучен во вашиот тим?

- Јас би ги поделил на два тима. Логистичкиот тим кој се грижи за реализација на програмите и вториот тим од предавачи, најчесто универзитетски професори, професионалци од своите уметнички медиуми, идоли - „ѕверки“!

Фотографија: Христијан Исајловски

Уметноста тешко се учи и тешко се пренесува. Што ве прави различни од другите?

- Практичното образование! Работа на реални проекти со завршна промоција, секако истото под менторство на значајни имиња. Различни сме поради тоа што сме единствена школа за уметност и сите програми произлегуваат од уметностите или науките блиски на уметноста. Кај нас нема курсеви за тоа како да лакирате нокти. Ние кон образованието не пристапуваме индустриски, ние не штампаме програми, нашиот третман е внимателно сегментиран, високо морален, но истовремено и бунтовен кон традиционалниот образовен систем. Создаваме нови образовни форми, а меѓу другото и ги стипендираме средношколците со просек под 3,9. Различни сме затоа што во нашето студио се зборува за образование, култура, уметност и љубов и секогаш мириса на ванила.

​​

Кои се последните новости поврзани со „Џолев и уметностите“? Што може да очекуваме во блиска иднина?

- Овој март нѐ очекува учеството на манифестацијата „Fashion & Lifestyle Expo“, кадешто  модните дизајнери од програмата „Обука за моден дизајн“ ќе ги претстават своите дизајнерски трудови. Додека пак, во просториите на „Pablic Room“се подготвуваат две изложби од програмите „Курс по фотографија“ и „Работилница по сликање“. Оваа пролет шоуто ќе продолжи со промоција на првите три академии од „Џолев и уметностите“. Ова веќе подолго крчка, всушност веќе врие, но за ова уште малку би молчел! :)

​​

Колку и како вашите курсеви им помагаат на учениците професионално да се профилираат и знаењето професионално да го применат?

- Горан Поповски (HLVK) подготовките за упис на „Академија за уметност“ во Нови Сад ги помина во нашето фотографско студио посетувајќи ја програмата „Курс по фотографија“, а денес, меѓу другото е фотограф на магазинот „Портрет“. Леон Ристов штотуку се врати од Берлинскиот филмски фестивал, со актерскиот ангажман во „When the day had no name“. Тој првите актерски техники ги развиваше токму со Теа Беговска во програмата „Обука за филм и филмски актер“, а денес секојдневно му пристигаат покани за студии на престижни филмски универзитети. Се разбира, тоа се и природно талентирани личности, но во секоја развојна фаза покрај поддршката од родителите, несомнено е важен образовниот аспект, искрен, темелен, провокативен! Ние не вработуваме, ние сме способни да ве разбудиме и подготвиме, за подоцна вие самите да изберете каде да се вработите или да студирате.

​​

Во продолжение програмите на Џолев и уметностите:

ПРОГРАМА КУРС ПО ФОТОГРАФИЈА: http://wmk-ci.xsoftstatic.com/Write/07014/Files/Photography.pdf

ПРОГРАМА ОБУКА ЗА ФИЛМ И ФИЛМСКИ АКТЕР: http://wmk-ci.xsoftstatic.com/Write/07014/Files/Film.pdf

ПРОГРАМА КУРС ПО ЦРТАЊЕ И СЛИКАЊЕ: http://wmk-ci.xsoftstatic.com/Write/07014/Files/Painting.pdf

ПОВЕЌЕ НА ФАН ПЕЈЏ: https://www.facebook.com/DjolevAndArts/

Без разлика дали неодамна сте ја загубиле или сте подготвени да прејдете од една во друга работа, шансите да ја добиете новата позиција преку реклами е сведена на скоро нула. Добрата вест е дека постојат многу други начини кои можете да ги примените.
Еве ги најдобрите начини да ја зграбите работата од вашите соништа.

1. Социјализирање

Сите знаат некого. Во рамките на вашата постоечка мрежа пријатели постојат веројатно три работни места кои ќе бидат соодветни за вас, но луѓето кои би можеле да ви помогнат да ги отворите вратите кон овие работни места едноставно не помислиле на вас.

2. Направете листа на сите луѓе кои ги познавате

Поставете цел да контактирате 3 личности со кои не сте збореле година или повеќе. Одете на кафе или ручек со нив. Сетете се на 25 највлијателни луѓе во вашата мрежа од пријатели и направете стратегија како да ги зајакнете вашите односи со нив.

3. Kонтактирајте ги вашите познаници со иста професија како вашата

Обично ни се допаѓаат луѓе со кои имаме нешто заедничко, оние кои имаат слични интереси и вредности како нас или пак сме учеле во исто училиште. Зголемета ја вашата мрежа на пријатели на овој начин, додавајќи барем 3 нови пријатели на вашата листа во една недела. Ова ќе ја зајакне вашата позиција во кругот на вашиот профил за работа.

4. Присуствувајте на сите настани

Вклучувајќи ги и оние од добротворен и професионален карактер. На секој настан разговарајте со најмалку едно лице кое сеуште не сте го запознале. Доколку можете да добиете листа на присутните пред настанот, направете го тоа со цел да таргетирате барем едно лице кое би сакале да го запознаете и да направите подготовка за да се поврзете со истото во живо. Без наметнување, барајте изговор за да се надоврзете повторно по средбата.

5. Користете ја KARIERA.mk за максимален ефект

Кariera.mk е моќна алатка за лесно поврзување со вистинските луѓе и работодавци. Врз основа на вашите способности, едукативни достигнувања, интереси, квалификации на најбрз и најлесен начин можете да се поврзете со луѓе од ваш интерес. На пример, ако сте заинтересирани во секторот за осигурување, може да имате за цел да се поврзете со потенцијални шефови и одделенија за човечки ресурси во оваа индустрија на пазарот на начин што ќе се договорите за разговор или пак едноставно да го испратите вашето CV на работодавецот кој бара некој од вашиот профил.

Јужнокорејското обвинителство го обвини првиот човек на компанијата „Самсунг" Џеј Ли и уште четворица извршни директори заради мито и проневера.

Џеј Ли беше уапсен на 17 февруари поради основано сомневање за корупциски скандал, што ја вклучува и отповиканата претседателка на Јужна Кореја, Парк Геун-ху. „Пет директори ќе се соочат со обвиненија кои вклучуваат мито, проневера и криење на имот во странство, а челникот на „Самсунг", Ли, исто така ќе биде обвинет за фалсификат пред парламентот.