Возачот на моторно возило, за време на управувањето со возилото не смее да користи мобилен телефон, ниту други уреди на начин кој би ја намалил можноста за реагирање и сигурно управување со моторното возило.  По исклучок, мобилен телефон и други уреди можат да се користат за време на управување со моторно возило, ако притоа се употребува направа која овозможува нивно користење без употреба на раце. Во спротивно предвидена е глоба во износ од 45 евра во денарска противвредност , односно ќе му се регистрираат 25 негативни бода.

Употребата на мобилен телефон додека возачот управува моторно возило, станува причина број еден за одвлекување на вниманието кај возачите. Иако е јасно дека мобилниот телефон ја подобруваа деловната комуникација и придонесува за зголемување на личната удобност и за остварување на секојдневните потреби на луѓето, сепак употребата на мобилниот телефон за време на возењето, станува загрижувачка кога е во прашање безбедноста во сообраќајот.

Истражувањата направени од реномирани меѓународни организации покажуваат дека   одвлеченото внимание на возачот е причина за 20 до 25% од сите сообраќајни незгоди. Причините за одвлеченото внимание кај возачите, како ризик-фактор кој ја загрозува безбедноста на сообраќајот на патиштата, константно прогресираат со развојот на технологијата и со зголемување на нејзината достапност и можност за употреба во моторните возила. Согласно тоа, во наредните години, се очекува проблемот со управување моторно возило под одвлечено внимание дополнитрелно да се влошува.

Употребата на мобилен телефон додека возачот управува моторно возило е спротивно на одредбите на Законот за безбедност на сообраќајот на патиштата и според истиот закон оваа појава се санкционира со 40 евра во денарска противвредност или со 25 негативни бода во возачката книшка.

И покрај тоа, голем број возачи користат мобилен телефон додека управуваат со возилото и на тој начин го прекршуваат Законот и ја загрозуваат безбедноста во сообраќајот. Имајќи ја во предвид оваа состојба, РСБСП направи кратка анализа на истражувањата кои ги прават реномирани меѓународни организации, а кои се однесуваат на користењето мобилни телефони при возење и истите јасно укажуваат за сериозноста на проблемот со користење мобилни телефони при возење.

Истражувањата на светско ниво, според изјавите на испитаниците, покажуваат дека 45% од возачите го користат мобилниот телефон додека возат. Според истражувањата направени во САД, се проценува дека во секој момент во текот на денот, 6% од возачите користат мобилен телефон додека возат, а според истражувањата на РСБСП, во Република Македонија 63% од возачите користеле мобилен телефон додека возат.

Најризична група учесници во сообраќајот се младите возачи (до 25 години) и возачите почетници. Од 18 до 30 % од сите жртви во сообраќајот се млади возачи, иако статистички овој процент опфаќа меѓу 9 и 13% од населението. И покрај тоа, студиите за користење мобилен телефон за време на возењето, покажуваат дека младите возачи се група со висок ризик на однесување во сообраќајот, најподложна на одвлечено внимание предизвикано од мобилен телефон поради нивното интензивно користење.

Младите возачи до 30 години, двапати повеќе користат мобилен телефон додека возат од возачите на возраст над 30 години.

Негативните ефекти од употребата на мобилниот телефон се скоро исти и кај помладите и кај повозрасните возачи. Кај помладите возачи, проблем е да го прилагодат возењето со новата активност – разговор на мобилен бидејќи немаат искуство во возење, а на повозрасните возачи, проблем им е да го прилагодат возењето со разговорот на мобилниот телефон бидејќи послабо слушаат и/или послабо гледаат.

Според други истражувања, пишувањето пораки додека управува моторното возило, ја намалува реакцијата на возачот за запирање на возилото за 18%, а ја зголемува опасноста за предизвикување сообраќајна незгода за 6 пати. Пишување порака додека возите е еднакво на возење со затворени очи цели 6 секунди за кои возило со брзина од 60 км/ч поминува 100 метри.

Истражувањата, исто така покажуваат дека, возачите кои возат на отворен пат надвор од населено место, помалку користат мобилен телефон. Тоа се должи на поголемата брзина со која се управува возилото, но за разлика од тоа, сѐ поголем број возачи користат мобилни телефони во населено место. Намалената брзина со која се одвива сообраќајот и честите застои во сообраќајот во населените места, ги охрабрува возачите да го користат телефонот почесто, отколку кога возат надвор од населено место.

РСБСП потенцира дека, користењето мобилен телефон додека возачите управуваат моторно возило е подеднакво опасно, како во населено место, така и надвор од населено место. Статистиката покажува дека сѐ поголем број сообраќајни незгоди се случуваат во населено место, а голем број од нив се предизвикани од употреба на мобилен телефон. Во ваквите сообраќајни незгоди најчесто страдаат пешаците и велосипедистите.

Имајќи ги во предвид наведените факти РСБСП апелира до возачите да бидат посветени и внимателни во сообраќајот, да се фокусираат на патот и на случувањата во сообраќајот и да не користат мобилен телефон додека управуваат моторно возило.

Еколошката категоризација на возилата нема да биде задолжителна, туку факултативна, но возилата што нема да бидат категоризирани нема да смеат да се управуваат во забранетите зони за движење на возила што ќе ги прогласат локалните власти во услови на зголемено загадување на воздухот и ако ги исполнуваат условите за добивење зелена еколошка налепница. Во деновите кога има забрана ќе можат да се возат само возилата со зелена маркичка.

Ова беше заклучено на денешната амандманска расправа на матичната собраниска Комисија за економски прашања за Предлог-законот за изменување и дополнување на Законот за возила во второ читање на која беа прифатени четири од поднесените 13 амандмани.

Зелена еколошка налепница ќе можат да добијат возилата што го исполнуваат стандардот ЕУРО 5 и повеќе, но и возила со ЕУРО 4 и ЕУРО 3 стандард во кои е вграден плински или метанов уред, како и хибридните и електричните возила. Од категоризацијата се изземаат возилата на војската, полицијата, пожарната и брзата помош, како и возила во кои се возат лица со попреченост. Тие ќе можат да се движат и во зоните каде има забрана за движење поради загаденост на воздухот. Трошокот за еколошката налепница ќе биде на товар на граѓаните, а за издавање на погрешна еколошка маркичка предвидена е глоба од 250 евра во денарска противвредност за одговорното лице во техничката служба.

Во законското решение се предвидени 170 милиони денари за субвенционирање на вградување на плински и метанов уред во возилата со ЕУРО 4 стандард и помалку, како и за купување на ново возило по системот старо за ново. Првично овие средства беа предвидени за субвенционирање на набавка на нови хибридни и електрични возила, но со амандманите е преиначено решението. Сепак, оние што ќе купуваат хибридни и електрични возила ќе можат да користат субвенции од програмата старо за ново возило.

Имплементацијата на законското решение ќе стартува 12 месеци по стапувањето на законот на сила со цел да се усогласи со останатите закони, а во првите три години од спроведувањето на законот ќе им се овозможи на сопствениците на возила со ЕУРО 4 стандард да добијат зелена еколошка налепница доколку побараат.

На седницата на Комисијата беа прифатени само амандманите поднесени од пратеници од владејачкото монзинство, а не беа прифатени девет амандмани поднесени од пратеници од опозицијата со кои се бараше воопшто да нема категоризација на возилата со еколошки налепници. За опозицијата донесените измени се популистички и со нив воопшто нема да се реши загадувањето на воздухот, туку ќе се казнат најсиромашните граѓани кои имаат возила со пониска категоризација и ќе се ограничи нивното движење. Наместо тоа, предлагаат државата прво да спроведе мерки за намалување на загадувањето како што е субвенционирање за вградување плински и метанов уред, па потоа да ги категоризира возилата.

Дека нема да се реши загадувањето со новиот закон за возила се согласи и заменик-министерот за економија Кире Наумов, но тој потенцира дека во секој случај категоризацијата на возилата ќе придонесе за намалување на загадувањето.

Само што се пријавивте за работа на интернет, и добивте повик од регрутер, прашувајќи дали можете да разговарате со менаџерот за вработување.

Вие сте возбудени додека не слушнете дека интервјуто се случува за 48 часа. Два дена. ОМГ!
Не паничи; само подготви се! Ние те покриваме!

Со тајминг и стратегија, подготвивме сеопфатна листа на суштински начини за да се подготвите за вашето интервју.

Генерирајте листа на потенцијални прашања за интервју (и што ќе одговорите!) Однапред.
Напиши ги одговорите на секое прашање што го очекувате и практикувајте ги гласно и самоуверено.
Споредете ги своите вештини и искуство со описот на работното место.
 

12-24 часа пред интервјуто:

• Бидете одморени и хранете се здраво.
• Јадете здрави оброци за деновите пред интервјуто за да имате доволно енергија да го надминете стресот
• Ако сте склони кон вознемиреност, обидете се со техники за дишење или медитација утрото на интервјуто, па дури и неколку минути пред интервјуто.

6-12 часа по интервјуто:

• Следете.
• Продолжувањето на разговорот покажува дека сте страсни за работата. Не се јавувајте секој ден прашувајќи дали сте ја добиле работата, но едноставна благодарност може да зборува многу за вашата посветеност на позицијата.
• И ако не ја добиете работата? Дозволете им да знаат дали сте заинтересирани и да прашате што можете да направите за да бидете попривлечен кандидат во иднина.

Марко Бислимовски, претседателот на Регулаторна комисија за енергетика, очекува во иднина цените на становите во изградба да поевтинат за 100 евра затоа што за таа сума ќе се намали приклучокот на струја со новите регулаторни правила кои се очекуваат да стапат во сила на крајот на август.

Од август се очекува да се одобри новиот ценовник со кој трошокот за стандарден приклучок на  електрична енергија ќе се намали од 500 на 400 евра. Новата цена за приклучување на дистрибутивната мрежа на ЕВН ќе важи од септември годинава.

Го зголемвме и опфатот на стандардни приклучоци со цел да има поголем број на граѓани кои при приклучувањето на своите куќи ќе можат да ги намалат своите трошоци за приклучување на мрежата. Очекуваме намалувањето на стандардниот приклучок да има влијание и на инвеститорите кои градат згради во земјава, бидејќи реално ќе им се намалат трошоците за 100 евра од стан што треба да се одрази и врз цената на становите, рече Бислимовски.