Од синоќа на полноќ возачите ќе точат дел од горивата по нови цени, но и дел од црното злато ќе остане со истата цена, како претходната недела.

Регулаторната комисија за енергетика вчера напладне одлучи да ја зголеми цената на дизелот за половина денар, и од синоќа на полноќ тој се точи по цена од 62.00 денари за еден литар.

Додека бензините остануваат и ова недела со иста цена како и претходната, така што за еден литар „Еуросупер БС 95“ ќе треба да платите 69,5 денари, додека за „Еуросупер БС 98“ ќе треба да платите 71,5 денари за еден литар.

Екстра лесното масло за домаќинство од синоќа на полноќ ве чини 52,00 денари за литар.

Регулаторна одлучи да го поскапи и мазутот и еден килограм се продава за 33,343 денари.

Регулаторната комисија за енергетика денеска напладне ги соопшти новите цени на горивата, кои ќе важат од полноќ.

Во однос на цените утврдени со Одлуката од 29.07.2019 година и со тоа малопродажната цена на ЕУРОСУПЕР БС-95 изнесува 69,50 ден/лит, додека малопродажната цена на ЕУРОСУПЕР БС-98 изнесува 71,50 ден/лит.

Малопродажните цени на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 0,50 ден/лит во однос на цените утврдени со Одлуката од 29.07.2019 година и со тоа малопродажната цена на дизелот ЕУРОДИЗЕЛ (Д-Е V) изнесува 62,00 ден/лит, додека малопродажната цена на Екстра лесното масло за домаќинство (ЕЛ-1) изнесува 52,00 ден/лит.

Малопродажната цена на мазутот М-1 НС се зголемува за 1,163 ден/кг во однос на цената утврдена со Одлуката од 29.07.2019 година и со тоа малопродажната цена на мазутот М-1 НС изнесува 35,343 ден/кг.

Највисоката просечна плата во регионот за мај оваа година е исплатена во Словенија и изнесува 1.113,88 евра, додека најниската во Македонија и изнесува 413,67 евра.

Просечната плата во Хрватска изнесува 886 евра, во Црна Гора за јуни била исплатена плата од 516 евра, Босна и Херцеговина има просечна плата од 472 евра, додека Србија 470 евра.

Властите во Македонија постојано потенцираат дека просечната плата во земјава бележи континуиран раст. Владата на СДСМ се стреми во нејзиниот мандат да достигне до зголемување на просечната плата од 500 евра, што засега делува недостижно.

Со просечна плата од 413 евра, примањата на Македонците се непропорционални со трошоците. Според синдикалната кошница на ССМ на четиричлено семејство во месец јуни му требале 531 евро за да ги покрие основните трошоци. Последните статистики на Евростат, пак, говорат дека 61 отсто од Македонците не можат да си дозволат одмор.

Освен од авто салон, граѓаните може да го заменат старото возило и на авто плацовите каде се продаваат увезени половни автомобили. Но, автомобилите кои ќе ги субвенционира владата треба да бидат со најмалку ЕКО 5 стандарди, дообјасни министерот Крешник Бектеши во вчерашното интервју за Алсат.

Тоа значи дека за да ја добие оваа сума, купувачот не е обврзан да го одјави стариот автомобил и да купи нов само од прва рака.

Граѓаните не треба да мислат дека треба да купат кола од продажните салони, односно со нула километража. Исто така можат да одат да купат во салоните кои увезуваат, но треба да имаат предвид дека возилата треба да имаат еколошки стандард над Евро 5 и на тој начин ние како министерство ќе ги субвенционираме со 3.000 евра – рече Бектеши.

Според Законот за возила кој беше изгласан во Собранието минатата недела, вредноста на автомобилите кои ќе ги субвенционира државата не треба да надминува 12 илјади евра.