Следниот неработен ден е во среда. 

На 28 август, среда, се паѓа празникот Успение на Пресвета Богородица (Голема Богородица) и тој ден е неработен за православните верници во земјава.

На 15-тина дена до стартот на учебната година не се знае што ќе биде со невакцинираните првачиња. Дали ќе останат дома или ќе тргнат на училиште па при теренска вакцинација ќе ги примаат задолжителните вакцини од министерството за образование не добивме одговор.

Ресорното министерство нема ниту статистика на колку деца од мај досега им биле примени документите, но не биле запишани бидејќи немале уреден вакцинален картон.

 По неколку месечни препукувања меѓу здравство и образование пролетта Владата на седница одлучи во септември во училишните клупи да седнат само децата кои ги примиле сите вакцини, но од друга страна и основното образование остана задолжително. Казните за двата прекршоци се 1500 евра. И Филипче и Адеми си ги бранеа законите секој за својот ресор.

Нема да отстапиме да се примаат само вакцинирани деца, изјави на 11 мај министерот за здравство д-р Венко Филипче.

Се предвидени казни и кога детето не следи образовен систем и не е дел од основното образование, изјави на 15 мај министерот за образование и наука Арбер Адеми.

Целата прашина се дигна по прогласувањето на епидемијата на морбили. Иако имаше масовна вакцинација, сепак во државата уште има околу 8.600 деца до 14 години кои не примиле МРП.

Во земјава досега регистрирани се близу 1900 заболени од мали сипаници, а 4 деца починаа.

Родителите во минус на сметката, наставниците незадоволни од платите, власта го преиспитува бројот на вработени и можностите на буџетот, несраземерен однос меѓу наставниците и учениците, децата жалат поради крајот на распустот, но и се радуваат на повторната средба со другарчињата.

За неколку дена почнува учебната година, нова, а со стари проблеми, најчесто исти секоја година - недостиг од пари. Сепак, поаѓањето на првачињата во училиште е радосен настан во семејството, па родителите сметаат дека за овој свечен момент, освен прибор, првачето мора да добие се ново, од патика и јакна, до маица. За да се подготви еден првоодделенец потребен е прибор, дрвени боички, пластелин, фломастери, темперни бои, тетратки, боенки, работни листови, глина, ножички, блокчиња, линијари, папки, хартија во боја, ранец и облека. Голем дел од родителите веќе имаат набавено дел од школскиот прибор и облеката, но велат дека дополнително денеска на првиот училишен час ќе се информираат од учителките дали ќе треба да докупат уште нешто.

По обиколката на книжарниците во главниот град дојдовме до сума дека само за купување на ранец и училишен прибор родителите ќе треба да одвојат најмалку 2000 денари и тоа доколку купуваат на пазарите или во кинеските продавници. Во книжарниците цените се повисоки, а најмногу чини ранецот. Чантата за училиште со ликовите на омилените цртани херои на децата во книжарницата чини околу 2500 денари. 

- Првачињата се најмногу возбудени и бараат да им се купи се, а најмногу одбираат тетратки и ранци на кои на предната страна ги има нивните јунаци од сериите. Школскиот прибор деновиве најмногу се бара - велат од книжарниците.

Облеката е задолжителен дел од подготовките. Секако гардеробата за првачето чини далеку повеќе од приборот. Иако детска, оваа облека веќе одамна е дури и поскапа од онаа за возрасните. За да остават добар впечаток пред новите другарчиња, родителите често се одлучуваат на дечињата да им купат и квалитетна и брендирана облека за првиот час, се разбира, доколку може тоа да си го дозволат. Сепак една јакна, дуксер, панталончиња, маица, чевли и патики во просек родителите ќе ги чини околу 5 000 до 6 000 денари. Се разбира цените варираат во зависност од местата од каде облеката е купена, па на пазарите таа може да чини и многу помалку.

Школски прибор

• ранец 500-2500 ден.
• комплет прибор 356 ден.
• тетратка 20 ден.
• молив 30 ден.
• фломастери 130 ден.
• дрвени боици 99 ден.
• темперни 240 ден.
• пластелин 50 ден.
• блокче 30 ден.
• кеса за блокче 35 ден.

Облека

• палто 1500 ден.
• дуксер 1000 ден.
• маица 500 ден.
• фармерки 1200 ден.
• патики 1500 ден.
• чевли 1500 ден.
• балетанки 600 ден. 

Експертите велат дека доколку сте во можност препорачливо е подобри гуми да имате на задните тркала. Тоа е општо правило кое се применува без оглед на тоа дали автомобилот има преден погон, заден или погон на сите четири тркала, објаснуваат германските експерти.

Задната оска има клучна улога во стабилноста на возилото и ако гумите се постари или истрошени, а се ставени на задните тркала, тоа може да предизвика лизгање на нагли промени на правецот.

Како да одредите колку навистина ви троши автомобилот

Во вредноста за потрошувачката на гориво што е прикажана на патниот компјутер не треба да се верува секогаш. Отстапувањата од вистинската потрошувачка на гориво обично се движат меѓу пет и десет проценти, но постојат и случаи кога се јавува неточност од 10 проценти.

Тоа е разлика што некои возачи ќе ја сметаат како незначителна, но други возачи нема да се помират со оваа непрецизност, па ќе сакаат да ја преземат работата во свои раце. Вистинската вредност на потрошувачката се одредува едноставно, со малку внимание при полнењето гориво и со калкулатор.

Наполнете го резервоарот на возилото до крај, најдобро до првото исклучување на пиштолот за точење. Поништете ја дневната километража. Тоа обично се врши со задржување на копчето под бројчаникот. Возете неколку стотина километри, резервоарот не мора да се празни до крај. Секако дека треба да се вози со вообичаениот стил, како секој ден.

Следи решавачкиот момент, односно дополнувањето на гориво во резевоарот. Повторно полнете до првото исклучување на пиштолот. Би било умно да се користи и истата пумпа за точење гориво, тие исто така подлежат на баждарење. Запишете ја количината на наполнетото гориво и прочитајте ја вредноста на километражата.

Формула за просечната потрошувачка на гориво:

Наполнета количина гориво во литри / Извозени километри х 100 = Потрошувачка во L / 100 km

Пример: Имате извозено 634 километри, а резервоарот е дополнет со 53,2 литри гориво

53,2 l / 634 km х 100 = 8,39 L / 100 km

Најпрецизен увид во потрошувачката на гориво ќе добиете кога повеќепати ќе ја извршите оваа процедура и ќе го пресметате просекот од сите одделни вредности.

А, колку изнесува трошокот за гориво за секој изминат километар?

Од голема корист за намалување на трошоците во домашниот буџет може да биде сознанието, колку се плаќа за гориво за секој извозен километар со возилото. Вистинската вредност на потрошувачката на гориво ја имаме, потребно е само уште да се погледнат цените на горивата. Цените по „првомајстото“ поскапување за два денари се 70 денари за литар 95-октански бензин и 62 денари за литар дизел.

Трошок за гориво по километар

Формула за цена за гориво од поминат километар:

Просек во l/100 km x Цена за литар бензин / 100 = Цена за километар

Со вредноста за просечната потрошувачка од 8,39 литри бензин од нашиот пример:

8,39 l/100 km х 70 ден. / 100 = 5,9 денари за еден километар.

Овој податок понатаму може да се користи на најразличен начин, почнувајќи од најосновниот, дека за секои 100 километри пат ќе се потрошат 590 денари за гориво. Скопје-Охрид-Скопје за околу 2.000 денари, без патарини.

Да земеме за пример дека секојдневната рута до работното место и назад изнесува 6,8 километри. Би рекле дека тоа е незначително растојание. Но, пат од 6,8 километри помножен со 5,9 денари за секој километар, дава 40,1 денари. Секој работен ден по толку, односно околу 800 денари месечно.