Комисија за инфраструктура, урбанизам и транспорт на ВМРО-ДПМНЕ обвинува дека по 146 години од воведувањето на железничкиот сообраќај во Македонија, од денес нашата земја остана без единствената редовна меѓународна линија Белград – Скопје – Солун.

Нивниот став го пренесуваме во продолжение: 

ПО 146 ГОДИНИ, МАКЕДОНИЈА СТАНА ЖЕЛЕЗНИЧКИ ИЗОЛИРАНА ЗЕМЈА

По 146 години од воведувањето на железничкиот сообраќај во Македонија, од денес нашата земја остана без единствената редовна меѓународна линија Белград – Скопје – Солун.

На 9 април 1873 година, првиот воз влечен од парна локомотива пристигнал во железничката станица во Велес и тогаш почнало поврзувањето на Македонија со остатокот од светот, поврзувањето со железница своевремено претставувало највисоко техничко и технолошко достигнување.

Но од тогаш до денес, наместо да станеме држава со технолошки развиена и усовршена железница, ние станавме железнички изолирана земја. Денес 19.09.2019, после 146 години укинат е единствениот меѓународен патнички воз кој сообраќаше на релација Белград-Скопје-Солун и обратно. На патниците им се скрати можноста да ја користат единствената железничка порта кон Европа.

Со тоа Македонија дефинитивно стана железничко слепо црево. Македонските возови немаат никаква алтернатива за излез од државата, железничкиот патнички сообраќај е целосно парализиран. Во услови кога Владата на Р. Македонија секојдневно промовира европски вредности и се повеќе не убедува дека сме на чекор до влез во ЕУ, дозволува да се укине единствениот патнички воз кој не поврзува со Европа.

Но не само изолација на меѓународен железнички план, полека се укинуваат и линиите кои сообраќаат во внатрешниот железнички сообраќај. Еве помина повеќе од 1 година како “времено“ е укинат и единствениот брз воз кој сообраќаше на релација Скопје-Битола и обратно. Тоа беше популарниот воз “Пелагонија“ кој најмногу го користеа патниците од Пелагонискиот дел на Македонија. На патниците им се скрати и таа можност, да патуваат брзо и удобно без застанување на секоја железничка станица. Негрижата за железничките возни средства и железничката инфраструктура, предизвикува постојано намалување на расположливоста на железничките возни средства, а со тоа и укинување на железнички линии.

Причините за катастрофалната состојба на железниците во Македонија лежат исклучиво во тоталната незаинтересираност на Владата за овој важен сектор. НЕМА нови проекти, НЕМА инвестиции за одржување и ремонт на пругите и возовите. За жал мораме да констатираме дека железничкиот сообраќај во нашата држава е во тотален колапс. Македонија никогаш не била во полоша состојба во делот на железничкиот сектор.

Ова уништување што поскоро мора да запре. Доаѓа времето кога некој ќе мора да понесе одговорност за предизвикување на железничко “цунами“ во нашата држава.

Најбогатиот српски бизнисмен Мирослав Мишковиќ на својата последна прес-конференција рече дека е повторно заинтересиран за инвестирање во Македонија по неуспешниот обид во 2005 и 2006 во периодот кога дојде до промена на власта во земјата.

Сопственикот на Делта Холдинг за "Фактор" наведе дека групацијата стапила во контакт со Владата на премиерот Зоран Заев.

Јас во Македонија имав една многу лоша авантура пред повеќе од 10 години. Сега сме подготвени да вложиме во недвижнини и аграр. Ние ќе одиме преку Владата на Македонија но ќе работиме независно, вели првиот човек на компанијата која лани оствари годишен приход од половина милијарда евра.

Од Делта Холдинг велат дека во околината на Скопје бараат во моментов локација од 25.000 метри квадратни за изградба на хотел. 

И директорката на секторот што работи со недвижнини, Зорана Бурлиќ, ја потврди намерата. 

Има контакти а ние сме финансиски подготвени да делуваме но најважно од се е капиталот да биде сигурен и правилата на игра да бидат јасни, изјави Бурлиќ.

Мишковиќ одржуваше контакти со поранешниот македонски премиер Владо Бучковски со намера да инвестира повеќе од 100 милиони евра и да изгради шопинг мол во близина на хотелот "Александар Палас" но идејата се изјалови под контроверзни услови со доаѓањето на Никола Груевски на власт.

Во меѓувреме Делта Холдинг отвори шопинг молови во Бања Лука, Варна и Белград. Поседува и два хотели во Белград и еден во Љубљана. Во тек е изградба и планови за изградба на молови и хотели во неколку града на Балканот. Групацијата продаде разни бизниси за 2 милијарди евра и со тие пари започна да разработува други. 

На владата на Заев и порачува да го одреди она во кое што Македонија може да биде најдобра во Европа и да се сконцентрира посебно на тој приоритет.

Македонија има многу сонце и вода. Треба да знае како тоа да го искористи на најдобар начин, тврди тој.

На прес конференција Мишковиќ повика голем број на новинари од Србија, Хрватска, Словенија, Македонија, БИХ и Бугарија со цел да ги покаже своите амбициозни планови во регионот. 

Повеќе од три месеци како почна електронската наплата на патарините кај Романовце, Отовице, Сопот и Градско на Коридорот 10, како и на наплатната станица Петровец а во оваа статија ќе се обидеме да ви објасниме како се врши и колку чини плаќањето.

Наплатата на патарина ќе се врши комбинирано преку отворен систем и затворен систем за наплата на патарина, составен од наплатни станици а постојат три видови на плаќање:

•  готовински и со банкарски картици (дебитни и кредитни),
•  електронски со бесконтактни смарт картици и со уред за електронска наплата на патарина и
•  билет за ненаплатена патарина со налог за плаќање

Купувајќи бесконтактни смарт картички или уред за електронска наплата на патарина (таг) сите правни и физички лица ќе може да ја плаќаат патарината, додека пак уредот за електронска наплата овозможува плаќање без застанување.

Со бесконтактните смарт картички можете само да плаќате со приближување на картичката до читачот.

Како се движат цените:

• 100 денари е сумата која ќе ја платите за бесконтактните смарт-картички и таа ќе се надополнува со најмалку 300 денари, додека за таговите, што ќе се поставуваат на предното ветробранско стакло за да може електронскиот систем да ги чита од далечина, ќе чинат 1.200 денари со надополнување преку Интернет.
• Со секое наредно надополнување на бесконтактните смарт-картички и уредите за електронска наплата на патарина (ТАГ) корисниците добиваат попуст на надополнетиот износ на патарина кој се пресметува при секое поминување на наплатна станица

Како се одвива плаќањето со смарт-картички

• Системот за автоматска класификација на возилата поставен на почетокот на лентата ја определува категоријата на возилото пред тоа да пристигне до кабината на сообраќајната лента.
• Возилата мора да застанат пред читачот на картички заради плаќање. Автоматската рампа не се подига доколку не се изврши валидна трансакција, односно плаќање на патарината.
• Возачот ја доближува смарт-картичката до уредот за читање и рампата се подига ако картичката е важечка и ако на неа има доволно средства.
• Доколку плаќањето е неуспешно, рампата не се подига, а на дисплејот за корисници кој се наоѓа над читачот на картичките се прикажува известување за причината поради која обидот за плаќање е неуспешен (на пр., недоволно средства).
• Во случај на неуспешно плаќање, возачот има две можности:
• Да купи важечка картичка или да ја надополни картичката на продажното место поставено во кабина на лентата и да помине по лентата (при што возачот нема да треба повторно да го користи читачот за картички);
• Да плати готовински и или со банкарски картички (дебитни и кредитни), или
• Да го повика одговорниот на наплатната станица да му издаде билет за ненаплатена патарина со налог за плаќање и истиот може да го плати подоцна на секоја сообраќајна лента на наплатните станици каде што се врши продажба и надополнување на електронските уреди, во контролниот центар Петровец и на веб-страницата на Јавното претпријатие за државни патишта или во банка.Што значи Поминување со уред за електронска наплата на патарина -или уред наречен ТАГ ?
   
• Системот за автоматска класификација на возилата поставен на почетокот на лентата ја определува категоријата на возилото пред тоа да пристигне до кабината на сообраќајната лента.
• Возилата со уред за електронска наплата на патарина (ТАГ) се детектираат автоматски при влегувањето во зона на комуникација покриена од антената.
• Износот на патарината што треба да се наплати го определува системот и штом возилото се приближи до рампата, таа автоматски се подига, доколку плаќањето се реализирало успешно. Дисплејот за корисници поставен на островот на сообраќајната лента го покажува износот на наплатена патарина, категоријата на возилото одредена со преткласификација на возилата (the Pre-AVC class) и салдото на сметката.
• Доколку плаќањето е неуспешно, рампата не се подига, а на дисплејот за корисници кој се наоѓа на островот на сообраќајната лента се прикажува известување за причината поради која обидот за плаќање е неуспешен (на пр., недоволно средства).
• Во случај на неуспешно плаќање, возачот ги има истите две можности како при неуспешно плаќање со смарт-картички.

Купување и дополнување на припејд-уред

Електронските уреди (бесконтактни смарт-картички или уред за електронска наплата) може да се купат на секоја сообраќајна лента на наплатните станици и во контролниот центар Петровец, а можат да се надополнуваат на секоја сообраќајна лента на наплатните станици, во контролниот центар Петровец и на веб-страницата на Јавното претпријатие за државни патишта.

Новото име на државата ќе стои и на банкнотите . Ова беше најавено уште во март со одлука објавена во во Службен весник, а потпишана од гувернерката Анита Ангеловска-Бежовска. 

Најпрво ќе се врши промена на банкнотите од 10 и 50 денари кои ќе го добијат новото име на Народната банка. 

Во одлуката пишува: „Народна банка на Република Македонија“, се заменува со зборовите „Народна банка на Република Северна Македонија“.

На почетокот на 2020-та година се очекува промената на првите нови банкноти и потоа, да бидат целосно заменети најдоцна во рок од 5 години од отварањето на релевантното ЕУ поглавје.

Дел од медиумите пренесоа дека НБРМ веќе склучила догобор согласно кои ќе се прави промена на банкнотите односно ќе се набават нови и банкноти со 10 и 500 денарки, со истиот дизајн на кој само ќе биде додадена Северна во името на Република Македонија.