Во организација на Националната Асоцијација на иноватори на Македонија (NAIM), денеска во Домот на АРМ  во Скопје, со почеток во 13 часот, ќе биде отворен Третиот Меѓународен саем на пронајдоци, иновации и нови технологии  „ИНОВАМАК 2019“.

На тридневната саемска манифестација што ќе се одржува во Домот на АРМ – Скопје, учество ќе земат над 100 иноватори од повеќе од 20 држави, како и студенти од Машинскиот факултет при Универзитетот Св. Кирил и Методиј.
Помеѓу гостите на саемот се и генералниот директор на Светска Федерација на иноваторски асоцијации – IFIA, Хусеин Хујиќ, проф. д-р Зенгпеи Ксуан од Асоцијацијата на иноватори од Народна Република Кина, како и амбасадорот за СТЕМ образование и менаџер на работната мрежа за млади во IFIA, проф. Винфрид Штурм.
На прес-конференцијата по повод отворањето на саемот ќе се обрати потпретседателот на Националната асоцијација на иноватори Мирко Узелац.

Словенечката авиокомпанијата „Адриа ервејс“ привремено ги прекинува сите летови од своите бази во Љубљана, Приштина и Тирана, а соодветно на тоа и сите летови до и од аеродромот во Скопје.

Адриа Ервејс ги советува патниците доколу патуваат на 24 и 25 септември задолжително да ги контактираат канцелариите од каде ги купиле авионските билети.

Причина за привремениот прекин на летовите е последица на моменталната неликвидност на компанијата неопходна за непречено летање. Компанијата работи на изнаоѓање решенија во соработка со потенциален инвеститор. Целта на сите вклучени е Адриа Ервејс повторно да лета и дека прекинот на летовите е навистина привремен. Компанијата длабоко се извинува за ситуацијата на сите патници и партнери, се вели во соопштението од Адриа Ервејс.

Од Адриа Ервејс им препорачуваат на своите патници и партнери да ги следат онлајн соопштенијата на нивната официјална веб страница www.adria.si. 

Дезинформација е дека се подготвува закон со кој мажите и жените пред пензија би работеле со скратено работно време без да им се намали платата, тврдат и од Организацијата на работодавачи, која учествува во подготовката на законите од работната сфера.

Претседателот на ОРМ, Ангел Димитров, вели дека таа информација е чиста измислица и дека во подготовките на Законот за работни односи, преку кој наводно би се внела таква новина, не станало збор за нешто такво. Претходно демантираше и министерката за труд и социјална полiтика Мила Царовска, откако голем број медиуми, претежно портали, објавија дека со новиот закон за рабoтни односи, кој е во подготовка, Министерството ќе предвиди жените над 60 и мажите над 62 години да работат по шест часа дневно за полна плата, а преостанатите два часа да ги доработуваат млади, кои за тој ангажман би ги плаќала државата.

Таа прецизираше дека во моментов работат неколку работни групи со сите засегнати страни, кои имаат можност да учествуваат и да даваат предлози и размислувања. Кога ќе биде изработен законот, ќе има јавна дебата, па потоа ќе се донесе.

Тоа се дезинформации. Нека потврди медиумот кој известувал за тоа оти таква информација има од МТСП. Донесувањето на законот за работни односи се врши на транспарентен начин, рече таа.

Од Министерството информираат дека во подготовка е сосема нов закон за работни односи, од кој сè уште не можат да се соопштат детали, но се очекува тоа да се направи наскоро.

За  15 години работа во финансискиот сектор во компаниите како Blekstone и  Morgan Stenli, господинот Зак Фридман гледал како компанијата може да заработи, но и да изгуби пари.

Во продолжение ви прикажуваме неколку совети од него како да извлечете најмногу пари:

1. Финансиски изненадувања можат да му се случат на секого но секогаш бидете подготвени за најлошото

Начинот на кој реагирате на финансиското изненадување може да биде еден од вашите најпрофитабилни финансиски потези. Осигурајте се, заштитете ги свoите инвестиции и секогаш имајте план Б. Кога имате резервен план, и тоа неочекуваното делува помалку проблематично.

2. Кога се во прашање Вашите пари, не постојат недолични прашања

Единствено недолично прашање е тоа кое не го поставувате. На пример, доколку не ја разбирате во целост вредноста на финансискиот производ или услуга, не дозволувајте да настане уште поголема забуна, затоа слободно прашајте се што ви е нејасно. Информирајте се и имајте на ум дека сте во право. Вие сте најдобриот заштитник на вашите финансии, а поставување на прашања е најпаметниот начин да се заштитите од донесување на погрешни финансиски одлуки.

3. Бидете внимателни кога се во прашање кредитните картички

Иако нудат бројни погодности, можат да бидат и голема финансиска катастрофа ако ве доведат во големи долгови. Бидете сигурни дека сте способни секој месец да ги покривате вашите долгови кон кредитната картичка ако дојде до тоа. Во спротивно, кредитната картична не е најдобриот избор за вас.

4. Никогаш не престанувајте да учите за парите

Учењето не престанува кога ќе завршите училиште. Со најдобрите вложувања секојдневно ги усовршувате своите вештини. Не се сметајте за најдобри, бидејќи секогаш постои нешто што не го знаете и секогаш има нешто ново што можете да го научите. Кога станува збор за финансиските совети, читањето е еден од наједноставните начини за учење односно може да ви биде една од најголемите инвестиции. Можете да учите и од луѓето за кои работите, со кои работите или кои работат за вас. Внимателно слушајте ги другите, што зборуваат и како размислуваат за парите, од секој човек може да се извлече некој корисен совет.

5. Не е важно колку пари сте имале на почетокот, секогаш е најважен крајот

Секогаш завршната точка е поважна од почетната точка. Кога станува збор за финансиски успех, не е важно од каде доаѓа, не е важно кое училиште сте го завршиле или кого го познавате. Вистината е дека тие работи можат да ви помогнат, но не ви го отежнуваат постигнувањето на финансиска слобода. Ако напорно работите, или трошите одговорно, паметно вложувате и штедите за пензија, со сигурност ќе бидете во добра финансиска состојба и ќе се стекнете со финансиска слобода. Фокусирајте се на посакуваната цел, а не на почетната точка, важна е вашата иднина, а не вашето минато.