Скопскиот градоначалник Петре Шилегов очекува во текот на наредната недела да биде формализирано барањето за добивање лиценца за дистрибуција со топлинска енергија на новото претпријатие АД „Градски енергетски системи“, додавајќи дека ќе се намали цената на овој енергенс.

Одлуките на Советот на Град Скопје и на Акционерското собрание беа изминатиот четврток, се изработуваат, се објавуваат во јавното гласило и претставуваат правен основ да се јави „Градски енергетски системи“ пред надлежните комерцијални банки. Кога ќе се направи тоа, во текот на наредната недела очекувам дека ќе биде веќе формализирано барањето за добивање лиценца за дистрибуција – рече Шилегов.

Градоначалникот Шилегов смета дека ќе дојде до намалување на цената на парното.

Очекувам дека ќе дојде до намалување на цената, со оглед на тоа што Градот во изминативе две години работи со една поинаква филозофија, а тоа е филозофија на добар стопанственик и на економично работење и јавни набавки во рамки на Градот. Сите постапки што сме ги воделе се во просек за дваесетина проценти поевтини во однос на минатото – вели Шилегов.

Со оглед на тоа дека во претпријатието ќе има 110 нови вработувања и дали е можен трансфер на вработени од локалната самоуправа или администрацијата, Шилегов рече дека тоа е неопходниот минимум што треба да работи во првата фаза.

Тоа е неопходниот минимум што треба да работи во делот од првата фаза, тоа е дистрибуцијата на топловодната енергија. Тоа е прашање кое тековно ќе се решава, може да се реши и од постојниот кадар кој работи во рамки на БЕГ, но и од административните кадри, иако таму е потребно повеќе стручна, а не административна работа – појасни Шилегов.

Само во првиот квартал од реализацијата на проектот, повратот на ДДВ изнесува над 3 милиони евра, а апликацијата „Мој ДДВ“ има над 170.000 регистрирани корисници, велат од владејачкиот Социјалдемократски сојуз на Македонија, преку соопштение.

Со оваа мерка, додава СДСМ, за првпат државата враќа пари директно кај граѓаните, а средствата од повратот остварен во јули, август и септември ќе бидат исплатени до крајот на декември оваа година.

По исплатата во декември, на секои три месеци ќе следува нова тромесечна исплата, потсетува владејачката партија.

СДСМ дополнително нагласува дека продолжува посветено да работи на подобрување на животниот стандард на граѓаните, преку реализација на мерки и реформи преку кои парите се враќаат директно кај граѓаните.

извор: Makfax

Повеќе од 1.000 негови поранешни вработени останаа без работа, а по се изгледа на најпознатиот ТВ-готвач на 21. век рестораните му беа затворани како на лента лани.
Сепак, Џејми Оливер (44) си исплатил сам себе повеќе од пет милиони евра бонус, пишува британски „Гардијан“.

Финансискиот крах, се чини, славниот готвач сепак, нема премногу силно да го почувствува на сопствениот џеб иако останал без 20-тина ресторани. Му пресудија енормните трошоци и промашениот концепт, сметаат аналитичарите, а своевремено Оливер прогласи сопствен банкрот.

На Оливер, освен финансиски, пропаѓањето на неговиот бизнис во добар дел го погоди и на човечко ниво. Со многу вработени работел со години и поминал трновит пат, а при затворањето на рестораните им се обрати со емотивен имејл.

Во моментот не можам физички да бидам со вас, но сакав на сите да ви се заблагодарам што го вложивте срцето и душата во нашите ресторани. Нашите прехранбени стандарди секогаш нè издвојуваа од конкуренцијата и многу нешта на што можете да бидете горди, ги охрабрил Оливер поранешните вработени.

Ако сонувате да живеете во Соединетите Американски Држави тоа може да го остварите најлесно преку Лотаријата за таканречените зелени карти.

Американската амбасада во земјава информираше дека Онлајн - регистрацијата за Лотаријата за 2021 година почнува денеска, 2 октомври, во 18 часот и ќе заврши во петок на 5 ноември, во 18 часот“ .

Сите детали што треба да направите читајте ги на овој линк.

Законот дозволува само една електронска форма по учесник во текот на периодот на регистрација. Кандидатите кои поднеле повеќе од едно барање ќе бидат дисквалификувани. Меѓутоа, можно е мажот и жената да поднесат посебна форма со вклучување на нивниот брачен другар, доколку и двајцата ги исполнуваат условите.