Градоначалникот на Скопје Петре Шилегов, во гостувањето на „Топ тема“ најави дека до година жителите на Скопје кои живеат во згради, в година ќе фрлат ѓубре со картички.

Како што појасни Шилегов, контејнерот нема да се отвора доколку не се покаже картичката. Имено, за секоја зграда ќе има наменет контејнер, кој ќе работи со тие картички.

Тој појасни дека и новите контејнери кои ги купи градот и ги распредели во минативе денови по општините, имаат можност да бидат „паметни“, односно да јавуваат дека се полни, за да дојде камионот и да ги испразни

Шилегов вели дека сега ги имаат контејнерите, а се чека да се реализира тендерот за „Смарт сити“, па да се инсталира програмата за „паметни контејнери“.

Неговата визија е секоја куќа во Скопје да има по неколку канти за селектирање отпад, но за тоа треба и да почне со работа „Дрисла“, односно да се воспостави систем на селекција и таму. Инаку, се би било залудно, вели Шилегов.

Тој призна дека и по изгласувањето да се одземе „Дрисла“ на концесионерите, сепак Италијанците се уште ја имаат во владение „Дрисла“, од каде тврди дека не се почитува одлуката на Град Скопје за преземање на депонијата под своја капа.

Заменик министерот за економија Кирил Колемишевски денеска се сретна со Венко Глигоров, застапникот на PayPal во Македонија, и изрази подготвеност да се работи во насока на продажба на македонските производи на странските пазари.

Оваа услуга засега е само достапна за купување на странски производи од граѓаните на нашата земја и тоа е овозможено од државата, но нема можност за продажба на македонските во странство.

Одлична средба денеска со Венко Глигоров, еден  од нашите најискусни претприемачи и претставникот на приватната иницијатива за воведување на PayPal и останати платежни процедури.

Преку овозможување на PayPal сметам дека има голем потенцијал на македонската економија, нашите производи и услуги да се најдат на светскиот пазар. Ова особено е корисно за микро и малите фирми, поединците и професионалците, чии услуги и производи се барани во Европа и Светот, објави Колемишевски.

Колемишевски најави дека заедно со Глигоров же се заложат македонската економија да го динамизира и да овозможи услови за поголем извоз на македонските производи и услуги.

На наплатната станица Миладиновци на Коридорот 8 од денеска патарина може да се плаќа и по електронски пат со М – картичка. Електронската наплата на таа станица ќе се врши само со М-карт, но не и со М-таг како што е на останатите патарини на Коридорот 10.

Воведувањето електронско плаќање е самостоен проект на Јавното претпријатие за државни патишта.

За да врши контрола и да се поврзе со системот на потегот Романовце – Миладиновци спроведовме проект за електронска наплата на Миладиновци со Факултетот за електротехника и информациски технологии, што изработија софтверско и хардверско решение. Направени се тестови и функционира како што треба. На видни места има обележувања дека може да се врши електронска наплат“, вели за МИА Марко Брезовски, раководител на Одделението за наплата на патарини и контрола при ЈПДП.

На почетокот на јули годинава стартуваше електронскиот систем за наплата на патарините Романовце, Отовица, Сопот и Градско на Коридор 10, како и на наплатната станица Петровец, проект што се спроведе со кредит од Европската банка за обнова и развој.

Досега се продадени 10.337 електронски картички и тагови, и со таа бројка, како што вели Брезовски, се надминати проекциите на ЈПДП.  Зголемената продажба, потенцира, е олеснителна околност во поглед на организација на работата на патарините.

Според Брезовски, во текот на месецов ќе профункционира плаќањето патарини за моторџиите со новата воведена прва категорија 1А за нив. Со воведувањето на таа категорија што е подготвена и е вметната во ценовникот на ЈПДП моторџиите треба да плаќаат поевтина патарина на сите станици на коридорите 8 и 10.

Со заем од 13 милиони евра од Европската банка за обнова и развој,  ќе се финансира надградбата за електронска наплата на петте наплатни станици на Коридорот 8, како и изградбата на три нови станици (две на автопатот Миладиновци-Штип и една на автопатот во изградба Кичево-Охрид). Покрај подобрувањата на наплатниот систем, ќе бидат инсталирани и соларни панели на сите 15 патарини со цел да се промовира поголемо користење обновлива енергија.

Со новата комунална опрема, во Скопје конечно се создаваат услови видливо да се подобри состојбата со хигиената на јавните површни.

Во овој процес треба да учествуваме сите заедно – ние како институции, но и граѓаните како луѓе што го сакаат својот град, чист и убав.

Секој во рамките на својата општествена одговорност конечно да го заземе вистинското место и да го даде својот придонес за почисто и поубаво Скопје“-се вели во известувањето од Град Скопје.

Набавени се 540 нови контејнери, 30 нови контејнери за селектирање на отпад, 950 нови корпи за џебен отпад, 12 електрични машини за вакумско чистење и 10 електрични возила за чистење и миење на јавни површини, како и камиони за подигнување на новите контејнери.