Последната недела во март започнува летното сметање на времето. Во 2 часот по полноќ стрелките на часовникот ќе се помрднат за еден час напред. Таа ноќ ќе имаме еден час помалку за спиење.

Овој систем е предложен во 1905 г. од Вилијам Вилет, а првпат бил широко применет во 1916 г. како военовременска мерка насочена кон заштеда на јаглен. И покрај несогласувањата, многу земји го користат овој систем. Денес во Европа е прифатена конвенцијата летното сметање на времето да започнува во последната недела од март, а да завршува во последната недела на октомври.

Во САД летното сметање започнува во втората недела на март, а завршува во првата недела на ноември. На јужната полутопка почетокот на летното време е обратен од северната.

Mark Zuckerberg на Фејсбук објави дека го очекува своето второ дете со својата сакана жена Присила.

Парот своето прво дете, Макс, го доби во 2015-та година после 3 спонтани абортуси.

Ова е неговата објава на FB:

Присила и јас сме среќни да споделиме дека очекуваме уште едно бебе!

После тешките искуства кои ги имавме додека ја добиеме Макс, не бевме сигурни дали да очекуваме дека ќе добиеме второ дете. Кога Присила и јас откривме дека таа е повторно бремена, прво се надевавме дека детето ќе биде здраво. Следно, се надевавме дека ќе биде девојче. Не може да ми текне да поголем подарок од тоа Макс да има сестра и среќен сум што Макс и новото дете ќе се имаат себеси една за друга.

Пораснав со три сестри и тие ме научија да учам од паметни, силни жени. Не ми беа само сестри, туку и најдобри пријателки. Напишаа книги, одлични се во своите настапи, музика, спорт, готвење и нивните кариери. Ми покажаа како да се натпреваруваме и сè уште да се смееме после тоа.

Присила порасна со две сестри и тие ја научија на важноста на семејството, грижењето за другите и напорната работа. Се подржуваа една со друга како студентки и во нивните напредувања со кариерата во медицина и бизнис. Имаат многу заеднички шеги - такви какви што само сестри може да ги разберат.

Сите ние сме посилни заради силните жени во нашите животи - сестрите, мајките и пријателките. Едвај чекаме да му кажеме добредојде на малечкото и да направме што е можно повеќе за да израснеме силна жена.

Дополнителните 30 милиони евра помош за санирање на последиците од бегалската криза во Западен Балкан, што ги одобри вчера Европската унија, треба да се користат за потребите за управување на границите и бранот мигранти, за обезбедување сместување и услуги за мигрантите и бегалците, како и за поддршка на локалните заедници.

Од Европската комисија наведоа дека овие средства се одобрени покрај 59-те милиони евра кои веќе се доделени на Македонија и на Србија од почетокот на мигрантската криза во 2015 година.

– Одобрениот пакет ќе помогне во понатамошно подобрување со управувачките капацитети кога се во прашање границите и миграцијата во регионот. Ќе овозможат продолжување на поддршката на пограничната полиција со цел контролата на границите да се спроведува со согласност со европските стандарди и со цел запирање на криумчарењето на луѓе. Средствата ќе обезбедат понатамошна поддршка за тие кои се одговорни за обезбедување на основните потреби на мигрантите и бегалците, како што е сместувањето, здравствените услуги, но и заштита, посебно на ранливите групи, се наведува во соопштението на ЕК.

Некои имиња на оваа листа можеби ќе ве изненадат, додека некои воопшто нема да претставуваат изненадување. „Нешнл географик“ го открива петте држави кои се сметаат за најстари на светот…

Сан Маринo

Географски, трета по ред најмала држава во Европа, според легендата основана во 301 година, кога клисарот и христијанскиот светец Свети Марин во 297 година емигрирал од далматинскиот остров Раб. Тој бегајќи од прогонот на римските цареви на врвот на планината направил манастир и капела во која се собирале христијани и луѓе кои ги делеле неговите верувања.

Папата ја признал сувереноста и независноста на Сан Марино во 1631 година, а француската држава дури под власта на Наполеон била прва земја која официјално ја признала независноста на Сан Марино. Останатите европски земји тоа го направиле во 1797 година на Виенскиот конгрес.

Народна Република Кина

Позната уште и како најбројна држава на светот, Кина е една од најстарите цивилизации на човештвото. 221 година п.н.е. често се зема за година на нејзиното основање, бидејќи таа тогаш била обединета во големо царство, а првиот кинески цар Чин Ши Хуанг прв ја обединил. По кинеската граѓанска војна завршена во 1946 година, комунистичката партија ја презела власта над главниот дел на Кина. Кинеската народна партија Куоминтангот се повлекува на Тајван кој не бил под власта на комунистите и Мао Це Тунг на 1 октомври во 1949 година ја прогласува Народна Република Кина.

Јапонија

За основач на островското царство на Далечниот исток се зема царот Џинму од 7 век пред новата ера. Сепак, западните историчари и современите јапонски историчари веруваат дека приказната за царот Џинму е легенда, иако голем дел од јапонската културна историја се темели на вистинитоста на таа приказна. Археолошките истражувања покажуваат дека луѓе во Јапонија живееле дури и во периодот на горниот палеолит.

Египет

Речиси истовремено со појавата на палеолитскиот човек во Европа, човечки траги се појавуваат и на утоката на Нил. Најстарите наоѓалишта на неолитски човек од Египер најдени се во Фајума и датираат од 4400 до 4200 година п.н.е. Археолозите нашле камени клинови и керамички чинии во фрагменти кои за разлика од други наоѓалишта од тоа време во Европа не се наоѓале на местото на нивниот настанок, туку биле донесени од Нил. Дури во неолитот, кога луѓето стануваат овчари и земјоделци, настанува и почнува историјата на Стариот Египет.

Фараонот Менес ја основал државата Египет и почнал династија на фараони која владеела со земјата над 3000 години. Големата пирамида и Сфингите останале како тестамент на историјата на древниот Египет.

Иран

На подрачјето на Иран, поточно во Белуџистан, најдени се остатоци на човечко делување уште од времето на долниот палеолит, од кои најстарите датираат и до 80.000 години. Иран е т.н. родно место на Персиското царство кое почнало со обединување на древните ирански народи – Меѓаните или Медијаците. Со археолошки истражувања најдени се докази дека Иран има многу стара цивилизациска историја и дека на таа територија биле основани градови дури пред 5.000 години.