Центарот за граѓански комуникации во својот полугодишен извештај за периодот од 1 јануари до 30 јуни забележува дека, поради различните толкувања на Законот во мониторираните тендерим туристичките агенции можеле да да конкурираат за набавка на авионски карти и по цена од 0,01 денар.

Трите институции чии постапки се следеле постапиле дијаметрално различно, наспроти пристапот на понудувачите кои најчесто постапуваат исто и провизијата за авионските карти ја позиционираат на 0,01 денар. Притоа, туристичките агенции, на побараните образложенија за ниската цена, одговараат дека тие воопшто не наплаќаат за својата услуга поради тоа што имаат други бенефиции што ги добиваат преку продажба на што поголем број карти. Но, клучното прашање е како постапуваат институциите. 

Првата мониторирана постапка беше за набавка на авионски карти во вредност од 2 милиони денари без ДДВ, од страна на институција од областа на културата. Две од петте агенции понудиле цена од 0,01, што било причина за поништување на тендерот од страна на договорниот орган со образложение дека: Комисијата не можела во целост и со сигурност да утврди правилна евалуација на понудите при евентуално прифаќање на таквите понуди од 0,01 денар како валидни. 

Во вториот мониториран тендер за авиокарти, вредноста на набавката исто така изнесуваше 2 милиони денари без ДДВ и го спроведуваше научна институција. Во овој тендер, во 5 од добиените 7 понуди авио-картите се нуделе со провизија од само 0,01 денар. Но, овде е избрана една туристичка агенција со која е склучен договорот. Со оглед на истата цена од 0,01 денар, изборот на агенцијата е направен според времето на добивање на понудите. Во одлуката за избор на најповолна понуда се вели: Комисијата за јавни набавки направи рангирање според времето на поднесување на понудите на електронскиот систем за јавни набавки и на основа на тоа даде предлог за избор на најповолна понуда. Во 10 документацијата добиена од овој договорен орган не можеше да се утврди точното време на добивање на прворангираната понуда. Но, во секој случај, ваквото постапување отвора можност за манипулација, со тоа што на посакуваниот понудувач ќе му се најави времето на објавување на огласот за јавна набавка. 

Во третиот мониториран тендер за набавка на авионски карти во вредност од 1 милиони денари и спроведен од образовна институција е применет сосема различен пристап од претходните два. Имено, објавен е оглас за склучување рамковна спогодба со сите економски оператори кои ги исполнуваат условите за способност и за квалитативен избор. Во овој случај добиени се 8 понуди, склучен е договор со 5 од нив, меѓу кои и со агенциите кои нудат 0,01 денар. Но, овде е клучно тоа што поединечните договори ќе се доделуваат со повторно прибирање понуди, при што критериум за избор ќе биде економски најповолната понуда, која значи најниска цена на понудените авиобилети кога ќе се знае дестинацијата и нивниот број. Дури тогаш, доколку две или повеќе понуди имаат иста цена, за најповолен понудувач ќе биде избран оној кој прв ја поднел понудата. Третиот применет модел се чини дека е и единствениот правилен. 

Имено, во првиот случај тендерот не е склучен, а во вториот случај провизијата изнесува 0,01 денар, но тоа секако не е гаранција за ниска и поволна цена во време кога ќе се побараат картите за конкретните дестинации. 

Регулаторната Комисија за енергетика и овој понеделник како и секој понеделник во неделата, ќе одлучи и ќе ги соопшти новите цени на горивата.

Според последната одлука, малопродажната цена на бензинот ЕУРОСУПЕР БС-95 се зголеми за 0,50 ден/лит и со тоа ЕУРОСУПЕР БС-95 изнесува 67,50 ден/лит, додека малопродажните цени на бензинот ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемија за 1,00 ден/лит, и со тоа новата цена на ЕУРОСУПЕР БС-98 изнесува 70,00 ден/лит, малопродажната цена на дизелот ЕУРОДИЗЕЛ (Д-Е V) изнесува 62,50 ден/литaр.

Цените кои РКЕ ќе ги соопшти денеска, стапуваат на сила од вторник, пред стартот на Новата Година.

Вкупно шест продолжени викенди не очекуваат во годината која ни тропа на врата.

Од вкупно 10 неработни денови за сите граѓани, шест се поврзуваат со викендот, за разлика од минатата година, кога имаше седум продолжени празнични викенди за сите граѓани.

Првиот продолжен викенд за сите граѓани ќе биде за време на христијанскиот празник Велигден, кој в година како неработен е на 20 април, понеделник.

Сепак, граѓаните од православна вероисповед, првиот продолжен викенд ќе го имаат за време на Божик бидејќи за нив, освен 7 jануари (вторник), неработен е и 6 jануари (понеделник).

Продолжен викенд ќе има за 1 Мај, Денот на трудот, кој е в недела, поради што се префрла в понеделник, така што граѓаните ќе одмораат уште еден продолжен викенд.

Неработниот ден за 24 Мај – Св. Кирил и Методиј, Ден на сесловенските просветители, е в петок, a истиот ден е неработен и поради празникот Рамазан бајрам.

Продолжен викенд има и за Денот на Републиката – 2 Август, кој е в недела, поради што неработниот ден се префрла в понеделник.

Денот на народното востание – 11 Октомври е уште еден неработен ден што се врзува со викенд, бидејќи исто така е в недела и се префрла в понеделник. Продолжен викенд ќе има и за 23 Октомври – Денот на македонската револуционерна борба, кој е в петок.

За сите граѓани неработни денови се и 1 јануари (среда), Денот на независноста – 8 Септември (вторник) и 8 Декември – Свети Климент Охридски (вторник).

За граѓаните од православна вероисповед неработни се и Бадник, 6 јануари, ден пред Божик, 19 јануари – Богојавление (недела), 17 април Велипеток, пред празникот Велигден, и 5 јуни (петок) за Духовден. Неработен ден за нив е и 28 август (петок), Успение на пресвета Богородица.

За граѓаните од католичка вероисповед неработни се и 13 април (понеделник) – Велигден, вториот ден на Велигден, 1 ноември – недела, Празникот на сите светци, како и 25 декември (петок) – првиот ден на Божик.

За граѓаните од муслиманска вероисповед неработен е и 31 јули (петок) – Курбан бајрам.

Програма на неработни денови за 2020 година

Во согласност со Законот за празниците на Република Македонија (Сл. весник на РМ број 21/98 и 18/07) во 2020 година неработни денови се:

За сите граѓани:
• 1 јануари (среда), Нова година,
• 7 јануари (вторник), Божик, првиот ден на Божик според православниот календар,
• 20 април (понеделник), Велигден, вториот ден на Велигден според православниот
календар,
• 1 мај (петок), Ден на трудот,
• 24 мај (недела), Св. Кирил и Методиј, Ден на сесловенските просветители, односно 25 мај
(понеделник) е неработен ден,
• 24 мај (мај), Рамазан бајрам, првиот ден на Рамазан бајрам, односно 25 мај (понеделник) е
неработен ден,
• 2 август (недела), Ден на Републиката, односно 3 август (понеделник) е неработен ден,
• 8 септември (вторник), Ден на независноста,
• 11 октомври (недела), Ден на народното востание, односно 12 октомври (понеделник) е
неработен ден,
• 23 октомври (петок), Ден на македонската револуционерна борба,
• 8 декември (вторник), Св. Климент Охридски.

За граѓаните од православна вероисповед:
• 6 јануари (понеделник), Бадник, ден пред Божик,
• 19 јануари (недела), Богојавление (Водици),
• 17 април (петок), Велипеток, петок пред Велигден,
• 5 јуни (петок), Духовден, петок пред Духовден,
• 28 август (петок), Успение на пресвета Богородица (Голема Богородица).

За граѓаните од католичка вероисповед:
• 13 април (понеделник), Велигден, вториот ден на Велигден,
• 1 ноември (недела), Празникот на сите светци,
• 25 декември (петок), првиот ден на Божик.

За граѓаните од муслиманска вероисповед:
• 31 јули (петок), Курбан бајрам, првиот ден на Курбан бајрам.

За граѓаните припадници на албанската заедница во РМ:
• 22 ноември (недела), Ден на албанската азбука.

За граѓаните припадници на српската заедница во РМ:
• 27 јануари (понеделник), Свети Сава.

За граѓаните припадници на ромската заедница во РМ:
• 8 април (среда), Меѓународен ден на Ромите.

За граѓаните припадници на влашката заедница во РМ:
• 23 мај (сабота), Национален ден на Власите.

За граѓаните припадници на еврејската заедница во РМ:
• 28 септември (понеделник), Јом Кипур, првиот ден на Јом Кипур.

За граѓаните припадници на бошњачката заедница во РМ:
• 28 септември (понеделник), Меѓународен ден на Бошњаците.

За граѓаните припадници на турската заедница во РМ:
• 21 декември (понеделник), Ден на наставата на турски јазик.

Турскиот претседател Реџеп Таип Ердоган го претстави SUV моделот на првиот турски автомобил на електричен автомобил што ќе се произведува целосно во Турција и треба масовно да се продава за три години..

Турскиот претседател седеше на возачкото седиште за време на на презентација на возилото што се одржа во Коџаели. Ердоган беше придружуван од турскиот министер за технологија и индустрија и од извршен директор на турскиот конзорциум за автомобилска иницијатива во Турција (ТОГГ), основана од пет индустриски групи, кои всушност треба да ја произведуваат марката.

Предвидено е да се произведуваат до 175.000 електрични возила годишно, план што се очекува да чини 22 милијарди турски лири за 13 години. Планот за производство на исклучиво домашен автомобил е одамна цел на Ердоган и на владејачката партија.

Во говорот што го даде за време на церемонијата на презентација, турскиот претседател истакна дека Турција има за цел не само да го продава автомобилот на домашниот пазар, туку сака и да стане меѓународен бренд, почнувајќи од Европа.

„Денес е историски ден за нашата земја. Заедно, гледаме дека се оствари 60-годишниот сон на Турција “, рече тој, осврнувајќи се на изминатите неуспешни планови за изградба на автомобил целосно во Турција.

„Кога ќе го видиме овој автомобил на улиците низ целиот свет, ќе ја оствариме нашата цел“.

По неговиот говор, на местото на настанот се појави црвен теренец и сив седан, со ознаката ТОГГ на конзорциумот што ќе ги произведува.