Иако не е многу често, сепак, не е ни така ретко да се случи резервоарот да остане без гориво и тоа во време додека го управувате автомобилот. Едноставно може да заборавите. Ве мачат грижи на работа или во семејството и во возењето се случува да останете без гориво.

Прашањето е дали може во таква ситуација да му се случи нешто на автомобилот односно може ли да дојде до поголеми дефекти?

Произведувачите на автомобили тврдат дека нивните нови модели се така конструирани што нема да има проблеми да останете без гориво. Поточно, не би требало да има дефекти на моторите.

И покрај тоа не чекајте резервоарот да се испразни бидејќи во тој случај во составот ќе бидат вбризгани и нечистотиите од дното на резервоарот. За нив би требало да се погрижи филтерот на горивото односно да се спречи да влезе во моторот, но подобро е да не се предизвикува среќата.

Кај постарите автомобили, ако останете без гориво, можни се дефекти на инјекторите и дизел пумпите за гориво. Главно, секогаш реагирајте на време и возете до најблиската бензинска пумпа.

извор: 24auto.mk

Според Програмата на неработни денови за 2020 година на Министерството за труд и социјална политика, неработни денови во 2020 година се:

За сите граѓани на РМ

1 јануари (среда), Нова година;

7 јануари (вторник), Божиќ, првиот ден на Божиќ според православниот календар;

20 април (понеделник), Велигден, вториот ден на Велигден според православниот календар;

1 мај (петок), Ден на трудот;

24 мај (недела) Св. Кирил и Методиј, Ден на сесловенските просветители, односно 25 мај (понеделник) е неработен ден;

24 мај (недела), Рамазан Бајрам, првиот ден на Рамазан Бајрам, односно 25 мај (понеделник) е неработен ден;

2 август (недела), Ден на Републиката, односно 3 август (понеделник) е неработен ден;

8 септември (вторник), Ден на независноста;

11 октомври (недела), Ден на народното востание, односно 12 октомври (понеделник) е неработен ден;

23 октомври (петок), Ден на Македонската револуционерна борба;

8 декември (вторник), Св. Климент Охридски

За граѓаните од православна вероисповед

17 април (петок), Велики Петок, петок пред Велигден;

5 јуни (петок), Духовден, петок пред Духовден;

28 август (петок), Успение на Пресвета Богородица (Голема Богородица);

За граѓаните од католичка вероисповед

13 април (понеделник), Велигден, вториот ден на Велигден;

1 ноември (недела), Празникот на сите светци;

25 декември (петок), првиот ден на Божиќ;

За граѓаните од муслиманска вероисповед

31 јули (петок), Курбан Бајрам, првиот ден на Курбан Бајрам;

За граѓаните припадници на албанската заедница во РМ

22 ноември (недела), Ден на албанската азбука;

За граѓаните припадници на српската заедница во РМ

27 јануари (понеделник), Свети Сава;

За граѓаните припадници на ромската заедница во РМ

8 април (среда), Меѓународен ден на Ромите;

За граѓаните припадници на влашката заедница во РМ

23 мај (сабота), Национален ден на Власите;

За граѓаните припадници на еврејската заедница во РМ

28 септември (понеделник), Јом Кипур, првиот ден на Јом Кипур;

За граѓаните припадници на бошњачката заедница во РМ

28 септември (понеделник), Меѓународен ден на Бошњаците;

За граѓаните припадници на турската заедница во РМ

21 декември (понеделник), Ден на наставата на турски јазик.

Дигиталните уметници низ светот ги израдува веста за новиот отворен конкурс за промоција на модерните творби во необична соработка на компанијата Samsung Electronics и премиум платформата Niio. Конкурсот насловен како Samsung The Wall x Niio Art Awards има за цел да ги открие најинспиративните дигитални уметнички дела, како на неафирмираните, така и на веќе признатите уметници. Покрај приликата нивната работа да биде претставена на вкупно десет изложбени локации насекаде низ светот, вклучувајќи ги Јужна Кореја, Сингапур, Велика Британија и Соединетите Американски Држави и тоа на најновиот Samsung телевизор The Wall, тие меѓусебно ќе се натпреваруваат и за парична награда во износ до 15.000 долари.

Од неодамна достапен на пазарите ширум светот, The Wall телевизорот е најнов пример на иновативната 4K MicroLED технологија, која што има моќ да се прилагоди на било која големина и резолуција на екранот, разубавувајќи го изгледот во секој простор. Меѓутоа, овој пат оној кој што ќе биде разубавен е The Wall и тоа со најдобрите дела од овој конкурс. За победниците ќе одлучува жири составен од светски признати експерти за дигитална уметност, а критериумите кои ќе водат до победа ќе бидат креативноста и оригиналноста по прашање на концептот и деталите.

„Соработката на нашата компанија со Niio Art платформата и нејзината глобална заедница на создавачи, им оддава почит на оние кои што поседуваат талент за дигитална уметност, нудејќи им простор каде што нивниот талент ќе биде видлив и достапен за сите. Овој конкурс исто така ќе одигра значајна улога во претставувањето на новата ера на конзумирање на уметност, која што оживува на екранот на The Wall телевизорот“, рече Hyesung Ha, потпретседателка на сегментот Visual Display Business во компанијата Samsung Electronics.

Niio е најголемиот каталог на подвижни слики во светот, кој што секојдневно ги инспирира љубителите на визуелната уметност, давајќи им прилика да уживаат во неа на уредите во своите домови. Благодарејќи на напредната технологија, оваа премиум платформа опфаќа повеќе од 4.000 уметници, галерии и партнери од повеќе од над 70 земји во светот, кои што на едно место можат да ја складираат и да ја објавуваат својата уметност, како и да позајмуваат или пак да купуваат туѓа.

„Во светот во кој што сме меѓусебно поврзани, креативните луѓе сè повеќе ги користат дигиталните алатки за да ни ја раскажат нивната приказна. Поради истото навистина ни е многу драго што остваривме соработка со Samsung и што им се пружи прилика на современите уметници да ги изложат своите дела на ваков посебен уред, кој што е самиот по себе уметничко дело“, рече Rob Anders, генерален директор на платформата Niio.

Сите кои што се заинтересирани за конкурсот можат да ја посетат веб страницата https://www.niio.com/get/the-wall-open-call/, каде што можат да ги постават своите дела, да ги најдат потребните информации за пријава, условите на конкурсот, роковите и наградите.

За повеќе информации за телевизорот The Wall, посетете ја веб страницата https://displaysolutions.samsung.com/led-signage/the-wall.

Иако вредноста на извозот порасна, бројот на часовници продадени на странски пазари е намален за повеќе од 13 проценти.

Вредноста на извозот на часовници од Швајцарија минатата година пораснал за 2,4 проценти, благодарение на добрите резултати во неколку источно азиски земји, кои го ублажија падот на продажбата од 11,4 проценти во немирите кои го зафатија Хонг Конг, објави швајцарската индустрија за часовници.

Хонг Конг, најголемиот швајцарски пазар за часовници и регионален центар за дистрибуција на луксузни производи, повторно беше задолжен за 12,3 проценти од швајцарскиот глобален извоз на часовници, чија вредност минатата година достигна 21,7 милијарди швајцарски франци (22,3 милијарди долари).

„Хонг Конг е тешко погоден од протестите кои таму се одржуваат од јуни“, се вели во соопштението на здружението.

Иако вредноста на извозот порасна, количината на продадени часовници на странски пазари се намалил за повеќе од 13 проценти, на 20,6 милиони парчиња, спуштајќи се на нивоа од почетокот на 1980-тите години.

Пад на вкупниот извоз и увоз

За минатогодишното зголемување на извозот исклучиво е заслужна повисоката продажба на многу скапи часовници, вклучувајќи механички часовници и часовници од скапоцени метали, кои се продаваат по цена поголема од 3.000 франци.

Швајцарските производители во сегментот на поевтин кварц и часовници од челик забележале пак помала продажба.

Минатата година најмногу пораснала продажбата на швајцарски часовници во Јапонија, Кина, Сингапур, Велика Британија и САД, додека на европските пазари стагнирала.

Меѓу најголемите предизвици за иднината на овој бизнис се силниот швајцарски франк, политичката парализа во Хонг Конг, претседателските избори во САД и епидемијата на коронавирус во Кина.

Во 2019 година, според одделни податоци на царинската управа, Швајцарија забележала пад на вкупниот извоз и увоз, и тоа за ​​1,2 односно еден процент во однос на претходната година.