Проверете дали сте еден од добитниците на награда. Се разбира ако скенирате фискални сметки. Министерката за финансии Нина Ангеловска синоќа сподели на фејсбук дека се извлечени новите среќници. Тие добија по 100.000 денари, а во март ќе биде извлечена и премијата односно наградат од три милиони денари.

„Со #МојаНаграда сите кои скенираат имаат 3 главни придобивки – поврат, награди и придонесуваат во борбата против сивата економија. Секоја фискална сметка е важна! Во март следува извлекувањето за првата голема премија од 3.000.000 денари  Помалку сива економија – подобри јавни услуги за сите“, напиша Ангеловска.

Ова е второ извлекување.

На вработените во државната администрација од оваа година ќе им се исплаќа регрес за годишен одмор (К-15). Оваа одлука беше донесена на денешната владина седница, а министерот за информатичко општество и администрација Дамјан Манчевски е задолжен да го потпише Гранскиот колективен договор со репрезентативниот синдикат УПОЗ.

Со оваа одлука се опфатени и судовите, јавни обвинителства, казнено-поправни и воспитно-поправни установи, државното правобранителство, единиците на локалната самоуправа, агенции, фондови, центри за социјални работи и други органи основани од Собранието на Република Северна Македонија.

Ова ќе биде прв Грански колективен договор за административните службеници и правосудните органи после 1995 година, со кој администрацијата се стекнува со право на К-15, дневници за трошоците за превоз и трошоците за ноќевање за службени патувања во земјата на кои до сега немаа право. Исто така се утврдува право на денови на платено отсуство заради лични и семејни околности и тоа до седум работни дена во годината, правото на неплатено отсуство, како и други права на работниците и обврски на работодавачите, велат од Владата.

ИКЕА освен по своите уникатни парчиња мебел, позната е и по тоа што во последниве две години на нејзино чело стои одличен директор.

Главен извршен директор на култната шведска компанија за мебел ИКЕА е Џеспер Бродин. Тој на својот профил на LinkedIn објави фотографија на која се гледа како облечен во кујнска престилка подготвува оброци во кујната на Икеа.

Секоја година, сакам да бидам сигурен дека ќе одвојам време за неколку дена да работам во нашите кујни. Многу ми е значајно да ја согледам реалноста на нашите вработени и клиенти што е од голема важност за нас како компанија, стои во напишаното.

Самиот Џеспер Бродин има работено како мијач на садови во еден ресторан во Гетеборг, Шведска. Тој е дел од ИКЕА повеќе од 16 години, а во компанијата има започнато како Бизнис менаџер во одделот за храна.

Со исплатата на јануарската пензија, во месец февруари, ќе имаме зголемување од 722 денари на сите пензии во нашата држава. Како што расте економијата и минималата плата, така ги зголемуваме и пензиите, и сега имаме одржлив раст на пензиите. На овој начин ги остваривме барањата на пензионерите, истакна вицепремиераката за економски прашања и координација со економските ресурси, Мила Царовска на денешната средба со претставници на Сојузот на пензионери.

Царовска додаде дека со реформата што ја поставила Владата, заштедени се двојно повеќе финансиски средства, односно се очекувало да бидат заштедени две милијарди денари, а биле заштедени 3,7 милијарди. Со ова, како што појасни Царовска, се докажало дека навистина има одржливост во растот на пензиите.

– Покажавме дека како што расте економијата, како имаме раст на приходите кај работноспособно население или раст на минималната плата само минатата година од 15 отсто и пет отсто на просечната плата, на тој начин ги зголемуваме и пензиите во нашата држава, заради тоа што само на тој начин може да имаме одржлив раст на пензиите, рече вицепремиеарката.

Според претседателката на Сојузот на пензионери, Станка Трајкова која присуствуваше на денешната средба, пензијата претставува лично материјално и неотуѓиво право утврдено со Закон.

Од 1 јануари 2020 година се утврди дека сите пензии за сите категории на пензионери, нивната пензија ќе им биде зголемена за 722 денари. Тоа значи дека овој износ од 722 денари ќе биде засметан во висината на пензијата и тој ќе се користи трајно и неограничено. Овој износ ќе претставува основа за усогласување на другите зголемувања што ќе следуваат во иднина, додаде Трајкова.

Кога станува збор за усогласувањето на пензиите, Трајкова потенцира дека Сојузот на здружение на пензионери го следи Институтот за усголасување на пензиите и параметрите, односно индикаторите од кои зависи усогласување на пензиите и тогаш кога ќе бидат исполнети условите, Сојузот ќе побара да се оствари нивното законско право.

Директорот на Фондот за пензиско и инвалидско осигурување (ПИОМ), Шаип Зенели, на средбата истакна дека по долго време, првпат во земјава Владата имала слух да ги слуша и експертите од ПИОМ во делот на реформите што се одвивале последните три години, а сега даваат резултати.

Треба да се напомене дека зголемувањето на пензиите не беше линеарно, туку е зголемување на основицата на пензијата. Тоа значи дека ова ќе трае, а се надеваме и дека во наредните години како што одат реформите, како што се зголемуваат приходите на Фондот на пензиско и инвалидско, ќе имаме и дополнително зголемување на пензиите, истакна Зенели.

Тој напомена дека последната година имало зголемување на приходите на Фондот за пензиско и инвалидско осигурување од 10 отсто, што според него, е плод на сите реформи. Зенели додаде и дека растот на стапката на придонеси за 0,4 отсто, која годинава ќе биде поголема за уште дополнителни 0,4 проценти, исто така има голема улога во зголемување на бројот на вработени во земјава.