Половина од граѓаните се на став дека во Македонија има полова дискриминација при вработување, а исто толку процент на граѓани се на ставот дека мажите и жените земаат иста плата за исто работно место. Вакви резултати дава најновото истражување на јавното мислење кое за Детектор го спроведе Институтот за политички истражувања Скопје.

 Според него, 49,5% од анкетираните се на став дека во земјава има родова дискриминација при вработување, додека високи 40,6 се убедени во спротивното. Младите во поголем процент сметаат дека родовата дискриминација при вработување е појава која постои во земјава. Таков став делат 64,9% од анкетираните кои се помлади од 30 години, додека само 28,1% од нив велат дека родова дискриминација при вработување нема.

Точно половина од анкетираните сметаат дека и мажите и жените за исто работно место земаат иста плата. 30,8% сметаат дека мажите се повеќе платени додека само 4,6 се на став дека жените земаат повеќе плата од мажите вработени на истото работно место.
Кога одговорите на анкетираните ќе се поделат според полот, бројките велат дека 57,8% мажи и 42,4% жени сметаат дека за исто работно место и мажите и жените земаат повеќе плата.
23,1% мажи и 38,4% жени сметаат дека мажите се повеќе платени додека само 5,6% мажи и 3,6% жени се на став дека жените земаат повеќе плата од мажите со кои работат на истото работно место.

Анкетата на Институтот за политички истражувања Скопје по нарачка на Детектор е спроведена во периодот од 28 до 31 јануари врз репрезентативен примерок од 1083 испитаници.

Согласно Одлуката за висината и начинот на наплата на надоместокот за употреба на пат (патарина) со која воведува нова категорија на видови возила, Прва Категорија А за моторни возила со карактеристики на мотоцикли (со две тркала), се имплементира во системот за наплата на патарина како Категорија 1А и започнува со ефективна употреба и наплата од 10.02.2020 година од 00:00 часот (понеделник, од полноќ).

Во категоријата „1А“ спаѓаат мотоцикли чија работна зафатнина на моторот не е поголема од 125 см³ и чија сила на моторот не е поголема од 11 kw и соодносoт на јачината на моторот и масата на возилото не надминува 0.1 kw/kg, како и трицикли со моќност помала од 15 kw.

Ова се цените по наплатни станици за надоместок за употреба на пат (патарина)

1. Романовце 40 денари / 0,50 евра. 2. Петровец 20 денари / 0,50 евра. 3. Сопот 50 денари / 1,00 евро. 4. Отовица 50 денари / 1,00 евро. 5. Стоби 40 денари / 0,50 евра. 6. Миладиновци 20 денари / 0,50 евра. 7. Тетово 20 денари / 0,50 евра. 8. Гостивар 20 денари / 0,50 евра. 9. Глумово 20 денари / 0,50 евра. 10. Желино 20 денари / 0,50 евра. 11. Гевгелија 60 денари / 1,00 евро

Извор: 24Ауто.мк

Градот Скопје продолжува со доделување субвенции за чистење на оџаците, со цел намалување на загадувањето на амбиентниот воздух.

За таа цел, Град Скопје го објави Јавниот повик за субвенционирање на домаќинства и на други субјекти на подрачјето на Град Скопје за чистење оџаци за 2020 година.

Со овој повик, Градот Скопје ќе надомести дел од трошоците на граѓаните и на други субјекти за чистење на оџаците, во нето износ најмногу до 1.200 денари, а на јавниот повик можат да учествуваат физички и правни лица чие живеалиште, односно седиште е на подрачјето на Град Скопје. Изминатите години субвенцијата беше во износ најмногу до 1.000 денари, соопштика денеска од Град Скопје.

Субвенциите важат и за исчистени оџаци од 01.01.2020 година, a Јавниот повик трае заклучно со 30.11.2020 година, и ќе биде реализиран по принципот „прв дојден прв услужен“, односно до реализирање на средствата предвидени за оваа намена со Буџетот на Град Скопје за 2020 година.

Целта на овој проект што Град Скопје го реализира континурано, стои во соопштението, е намалување на загаденоста на амбиентниот воздух во градот, особено со партикуларните честички (ПМ10 и ПМ2,5).

Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците. Мерката има цел да постигне краткорочни и некои подолгорочни ефекти, како што се постигнување на подобро согорување, намалување на штетните отпадни гасови, појава на саѓи и трошоците за затоплување, како и подигнување на јавната свест кај граѓаните за потребата за чистење на оџаците, се вели во соопштението.

Град Скопје оваа мерка ја реализираше и во 2018 и 2019 година, кога беа доделени вкупно 634 субвенции. 

Осумнаесетти март е датумот кога ќе се извлекува среќниот добитник од наградната игра Мој ДДВ.

Премија од три милиони денари ќе издрадува некој кој скенирал фискални сметки. Претходно на 4ти март ќе се извлекуваат добитниците на 100.000 денари.

Со МојаНаграда сите кои скенираат имаат 3 главни придобивки – поврат, награди и придонесуваат во борбата против сивата економија.

Се скенираат се повеќе фискални сметки. Почнувајќи од февруари почна исплатата на „МојДДВ“ второто тримесечие односно за месеците октомври, ноември и декември.

Тоа значи дека парите од поврат на ДДВ може да ви легнат секој ден овој месец.