Нема веќе едноставно исклучување од системот на парно греење. 

Ова следува откако властите го укинаа паушалот кој претходно го плаќаа исклучените граѓани од парно, но и откако беше намален данокот на додадена вредност за сметките за топлинска енергија, од 18 отсто, на повластената стапка од 5 проценти. 

Граѓаните за да се исклучат од парно, веќе од вчера, мора да докажуваат дека ќе се топлат на подобар енергенс, предвидува Законот за енергетска ефикасност кој стапи на сила.

„Граѓаните приклучен на системот на топлинска енергија ќе има можност да се исклучат од системот за греење само во случај кога новиот систем на кој планираат да се приклучат обезбедува подобри енергетски перформанси“, велат од Министерството за економија кое го подготви ова законско решение.

Исто така, овие граѓани ќе треба да обезбедат писмена согласност за исклучување од системот за централно греење од мнозинството од вкупниот број сопственици на зградата.

Оние граѓани, пак, кои ќе сакаат да се приклучат на парното, односно да се вратат во системот, доколку претходно биле исклучени, тоа ќе можат тоа да го сторат веднаш, со поднесување барање за враќање во системот.

Швајцарија и Норвешка се најскапи земји кога се во пршање производите и услугите.

Анализата на деловниот магазин Ceoworld состави листа со 132 земји во светот кои се најскапи за живеење. На листата се најдоа и најприфатливи условите за живот. 

Заклучокот е дека Швајцарија е на прво место, Норвешка на второ место, а потоа следуваат Исланд, Јапонија, Данска, Бахами, Луксембург, Израел, Сингапур и Јужна Кореја, пишува порталот „Новац.хр“.

Истражувањето ги мери трошоците за храна, облека и обувки, даноци и комунални услуги, интернет, транспорт и ресторани. 

Македонија е на 113-то место и е една од најевтините земји за живот. 

Министерството за внатрешни работи ќе издава пасоши во редовна постапка само за граѓани на кои им е неопходен, односно критериумите за приоритет во наредниот период ќе бидат неодложно лекуваат во странство, бизнис-активности, на работници кои работат во странство, за професорите и експертите кои треба да учествуваат  ба меѓународни конгреси, студенти во странство и слично.

Ова МВР синоќа го расправало на итен состанокм бидејќи во моментов има петнаесетината илјади баратели, а на располагање има само четири илјади обрасци за пасоши.

Во моментов дневно има 700 барања за овој документ, а итната постапка за вадење патната исправа е во „мораториум“.

Ваквата рестрикција се очекува да биде активна до крајот на март, до кога ќе се чека фирмата, според договорот, да ги испорача новите образци.

Министерот за внатрешни работи Наќе Чулев пред две недели алармираше дека образците не се набавени на време.

Истата треба да ги изготви германската компанија „Веридос“ која е 40 проценти во сопственост на германската држава. 

Сите оние кои немаат „СКОПСКА„ картичка за возење во автобусите на ЈСП , од денес ќе може си купат билет за едно возење. 

За 50 денари билет, ЈСП го врати хартиениот билет за едно возење во скопските автобуси, а истиот ќе може да се купи и во автобус и на билетарница. 

Билетите се приспособени да може да се употребуваат на постоечките валидатори.

Се очекува враќањето во употреба на билетот за една употреба најмногу корист ќе имаат граѓаните од внатрешноста но и туристите кои досега не можеа да ги користат услугите на автобусите во главниот град .