Мали се шансите да се заразите со коронавирусот, а уште помали се шансите да починете од овој вирус, вели за „РТЛ-Хрватска“, Игор Штагљар, хрватски научник специјализиран на подрачјето на молекуларна биологија.

- СЗО објави дека вкупно 79.300 луѓе се заразени со коронавирусот. Од овие луѓе, или поточно 77.000 се Кинези, а најмногу се од градот Вухан кој брои 11 милиони жители. Ако претпоставиме дека од 77.000 заразени сите се во Вухан, тоа значи дека 0.7 отсто од жителите на овој град се заразени, а 99.3 отсто од жителите на Вухан немаат вирус – вели Штагљар.

Тој додаде дека Вухан е важен затоа што е жариште на коронавирусот, што значи дека е најопасно место во светот по прашање на можноста да се заразите со него.

- Ако имате 85 години, тоа значи дека имате 0,7 отсто шанси воопшто да се заразите со вирусот, па ако го фатите, тогаш имате уште 14,8 проценти шанси да умрете од него, односно вкупно 0,103 проценти се шансите да умрете од тој вирус. Тоа значи дека шансата дека нема да умрете од тој вирус е дури 99,897 проценти! За еден 45-годишник, тие две шанси помножени изнесуваат 0,0028 проценти дека вирусот ќе ве убие, а 99,9972 дека нема. За еден 35-годишник веројатноста дека ќе умрете од вирусот е 0,0014 отсто, а дека нема да умрете е 99,9986 проценти. Тоа е 0,7 отсто дека ќе го добиете и 0,2 проценти да умрете од него, ако сте под 40 години старост – изјави Штагљар.

Најбогатиот граѓанин во државата е жителка на Скопје која, во 2018 година ја има остварено и највисоката капитална добивка во последните 10 години, а бруто приходите што ги пријавила се 1.056.992.055 денари (околу 17 милиони евра). Втор на листата со остварен годишен бруто приход од 453.517.731 денар е, исто така, жител од Скопје. Во првите 10 со пријавени највисоки бруто приходи во 2018 годна се и жител од Гевгелија, Струмица и Тетово, соопшти на денешната прес-конференција на директорката на Управата за јавни приходи Сања Лукаревска.

Според претставените податоци, највисоката годишна бруто плата е исплатена во секторот здравство во износ од 183.806.532 денари (речиси три милиони евра), а на листата на највисоки рангирани бруто плати се платите исплатени во секторот трговија со тутун и тутунски производи, компјутерско програмирање, производство на метални производи, аптеки и изградба на станбени и нестанбени објекти.

Граѓанин од Скоје има остварено највисоко лично примање по друг основ во износ од 119.268.921 денар.

Во 2018 година остварен највисокиот износ на капитална добивка во поседните 10 години од страна на граѓанин во Скопје во износ од 841.164 илјади денари. По основ на дивиденди и други приходи од учество во добивката, скопјанец пријавил заработка од 407.262.693 денари. Кај самостојните вршители на дејност доминираат оние од Скопје со приход од кои највисокиот износ е 46.024.172 денари. Во дестте топ рангирани се и адвокати, нотари, извршители и угостители.

Од сопствени земјоделски производи највисок износ има во јужниот регион, каде граѓанин од Гевгелија остварил приходи од продажба на сопствени земјоделски производи во износ од 25.319.395 денари и жител од Валандово кој остварил приход 19.744.161 денар.

Тетовец пријавил највисок бруто приход од имот и имотни права  во износ од 84.039.667 денари, додека скопјанец пријавил највисок годишен бруто приход од 22.612.966 денари од авторски права по основ на индустриска сопственост.

Од игри на среќа во Скопје е пријавен вкупен бруто приход од 53.611.197 денари.

По основ на пензија, пензионер од Скопје има највисок бруто приход по овој основ во износ од 5.738.783 денари, а од пензиски надоместок за доброволно пензиско осигурување е пријавен приход во Скопје во износ од 2.798.737 денари.

Најстариот жител кој остварил приход од над еден милион денари во 2018 година имал 99 години, а над 10 милиони денари 93 години.

На листата со приходи остварени над еден милион денари по основ на дивиденда е и лице родено во 2018 година, а во групата над 10 милиони денари најмладото лице има 21 година.

Управата за јавни приходи, како што информира Лукаревска, во текот на минатата година има доставено пополнети годишни даночни пријави до 795.953 граѓани, кои имале вкупни бруто приходи од 309.058.476.787 денари со 18.460.162.575 денари персонален данок.

Автоматски се потврдени 480.085 даночни пријави, кај 139.961 годишна пријава се потврдени од страна на граѓаните, додека корекции се направени само кај 6.454 годишни даночни пријави.

Од минатата година Управата за јавни приходи доставува до граѓаните претпополнета годишан даночна пријава, која гаѓаните треба да ја потврдат или доколку има потреба да ја коригираат.

Лукаревска оцени дека минатата година  која беше прва година во која граѓаните не поднесуваа сами годишни даночни пријави, процесот успешно се спровел.

Најави дека и оваа година ќе ги повикаат граѓаните да ги проверат корисничките профили, кои ги има над 700 илјади, да ги проверат доставените годишни даночни пријави и да ги потврдат или коригираат во законски утврдениот рок до 31 мај. Управата за јавни приходи годишните даночни пријави има законска обврска да ги достави во период од 1 до 30 април.

Од 1 јануари минатата година се воведе новата процедура за пријавуање и пресметување персонален данок на доход со поднесување на електронска пресметка за приход и данок до УЈП преку системот е-Персонален данок e-pdd.ujp.gov.mk.

Министерот за здравство, Венко Филипче на својот Фејсбук профил повторно ги посочи телефонските броеви на кои граѓаните може да пријават доколку имаат сомнителни симптоми налик корона вирусот.

Сергеј Николајевиќ Лазарев е руски психолог, научник, духовник и исцелител. Тој неодамна е вратен од Кина, каде коронавирусот првично зема замав и однесе во смрт над 2000 луѓе.

Лазарев пред неколку дена ја коментираше појавата на коронавирусот притоа одговарајќи на прашањата на читател меѓу кои :

„Зошто вирусот е под знак прашалник?“ , Зошто се крена толкава галама во целиот свет?, Колку заработиле фармацевтските компании од претходната епидемија на грип?,  Зошто избувна епидемијата баш во Кина? Кој е феноменот на кинеската економија?,  Што е информативна војна? Како изгледа моралното распаѓање? Како е уништено стратешкото размислување на кинескиот народ? и уште неколку други на кои одговорот ќе може да го погледнете сами во видеото ставено на Јутјуб каналот на Лазарев а ќе го најдете на крајот од оваа статија.

* Колку е сериозна ситуацијата? Можеби се преувеличува или ублажува? Дали тоа е можеби некој знак за кинескиот народ, држава, или цела цивилизација. Ако е така, мошне интересно е зошто баш Кина, а не САД или Европа? - го прашува читателот Лазарев...

-Овде постојат многу верзии. Јас слушнав дека политолозите говорат дека во Америка исто така владее епидемијата но тоа не се открива и дека има повеќе заболени и починати. Но ако се потпреме на официјалната верзија, тоа дури не е ниту епидемија, вели Лазарев, прашувајќи го читателот дали го гледал филмот за корона вирусот во кој доктор Бондаров зборува за тоа што е епидемија и зошто сегашниот вирус е под знак прашалник. Кога добива одговор од читателот дека не го гледал филмот и дека не знае за што се работи, Лазарев продолжува:

-Значи вирус на грип се смета за епидемија кога бројот на заболени се зголеми за 20 - 30% . т.е. постојат просечни бројки а доколку дојде до зголемување за 20-30% тоа може да се смета за епидемија.

Овде динамиката е пониска од онаа која можеме да ја означиме како епидемија . Прашањето е зошто се тоа предизвика толку голема паника во цел свет-додава Лазарев.

Тој посочува дека овде не се во прашање толку медицинските проблеми, колку што се проблемите на бизнисот и политиката, бидејќи , пресметано со паниката во цел свет, на економијата може да и се нанесе огромна штета. Во случајот - на кинеската. На пример, на Америка не и е неопходно да војува со Кина, туку со помош на интелигентна кампања која ќе предизвика страв кај сите жители на Земјата, и може да ја уништи економијата и на најсилните држави.

На пример. дали знаете колку заработија фармацевтските компании на претходната епидемија на грип? Од птичјиот грип? - Некаде околу 2,5 - 3 милијарди долари-вели Лазарев, додавајќи колкави би биле тие бројки доколку би знаеле однапред. 

-Тогаш тоа е гарантирана заработка. Затоа кога зборуваат дека можеби Америка го уфрлила тој вирус во Кина ,најверојатно тоа го направиле фармацевтските компании, тие се повеќе заинтересирани за тоа-образложува научникот и психолог од Русија.

Тој вели дека тоа апсолутно е бизнис проект, одговарајќи на прашањето на читателот.

Сепак, Лазарев вели да се остават на страна сите теории на завера. Вели дека тоа може да биде масло и на фармацевтски компании и некои земји кои од тоа имаат корист а може и да е природна појава.

Ако се погледне тој вирус од природна гледна точка, тогаш најопасната епидемија која се случила, многу раширила била познатата шпанска грозница. Околу 100 милиони луѓе починале а повеќе од 500 милиони заболеле. Тоа е реална епидемија при што основна причина на смртноста била во белите дробови. Овде сликата е слична, грип со проблеми во респираторниот систем-смета Лазарев.

Сите одговори на прашањата за кои споменавме погоре може да ги погледнете сами во видеото: