Во месец март ќе започне летно сметање на времето, што значи стрелките на часовникот ќе одат еден част напред.

Со поместување на часовникот се зголемува и денот ама се зголемуваат и некои ризици. Промената во летно сметање на времето е поризично за нас отколку зимското. 
Голем дел од луѓето ќе чувствуваат и други последици на навидум малата промена во биоритамот. Колку и да изгледа наивно сепак неколку истражувања ги нагласуват последиците од промената на сметањето на времето.

Оваа промена во сметање на времето прв пат како идеа се спомнува во 1784 од страна на Бенџамин Френклин со цел да се „заштеди на сончева светлина“. Всушност идеата била да се заштеди на свеќи во текот на ноќта и утрото за време на зимскиот период. Сепак оваа идеа преминала во пракса дури во 1966 година, а во нашата земја во почетокот на осумдесеттите години во минатиот век.

Повеќе срцеви напади

Во 2008 година публикувано е истражување на тим на Шведски научници кое укажува на тоа дека при пролетната промена на сметање на времето се јавува зголемување на бројот на срцеви удари за околу 5% во однос на годишниот просек. И во овој случај главен фактор за оваа појава е скратеното спиење во првата недела при пролетната промена на сметање на времето. Ненаспаноста пак, го зголемува лачењето на хормоните на стрес кои понатаму доведуваат до поголеми компликации особено кај луѓето кои веќе се ризична група за појава на срцеви удари.

Повеќе главоболка

Дневнот „биолошки часовник“ ги диктира лачењето на хормоните кои влијаат на нашето расположение, распоредот на јадење и спиење и други функции. Промената во ритамот на живот како последица на промена на времето кај овој „биолошки часовник“ не поминува незабележано. Кај некои луѓе во првите недели при промената на сметање на времето се јавуваат главоболки како најчест пример.

Повеќе губење време на интернет

Иако не е сеуште научно докажано, сепак не поминува незабележан фактот дека ненаспаноста при пролетната промена на сметање на времето резултира во намалена желба за работа и фокусираност на работата. Бесцелното „сурфање“ на интернет за време на работните часови во првиот понеделник при премин во летно сметање на времето е забележано во преку 200 градови во САД. Нормално оваа појава ја намалува продуктивноста на работното место.

Тагови: летното сметање на времето

Бензините од ноќеска на полноќ ќе поевтинат за три, а дизел горивата за 2,5 денари по литар, одлучи денеска Регулаторната комисија за енергетика.

Новата цена на ЕУРОСУПЕР БС-95 ќе биде 64, а на ЕУРОСУПЕР БС-98 ќе изнесува 66 денари. Литар ЕУРОДИЗЕЛ (Д-Е V) ќе се продава за 56, а Екстра лесното масло за домаќинство (ЕЛ-1) за 45 денари.

За 3,175 денари поевтинува и мазутот М-1 НС, и еден килограм ќе чини 30,390 денари.

Во изминатиот седумдневен период референтните цени на нафтените деривати бележат намалување и тоа кај бензинот во просек за околу 10,40%, кај дизелот за 9,63%, кај екстра лесното масло за 9,47%, а кај мазутот за околу 12,01%. Во исто време курсот на денарот во однос на доларот е намален за 0,35%.

Денеска напладне Регулаторната комисија за енергетика ќе ги соопшти новите цени на горивата, кои ќе важат од полноќ.

Минатата недела цените на нафтените деривати се зголемија во прoсек за 1,46% во однос на малопродажните цени на нафтените деривати утврдени согласно Одлуката од 17.02.2020 година.

Од 25.02.2020 година, малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1), се зголемија за 1 денар за литар и со тоа малопродажната цена на ЕУРОСУПЕР БС-95 изнесува 67 ден/лит, малопродажната цена на ЕУРОСУПЕР БС-98 изнесува 69 ден/лит, додека малопродажната цена на Екстра лесното масло за домаќинство (ЕЛ-1) изнесува 47,50 ден/лит.

Малопродажната цена на ЕУРОДИЗЕЛ (Д-Е V) се зголеми за 0,50 ден/лит и сега изнесува 58,50 ден/лит, додека малопродажната цена на мазутот М-1 НС се зголеми за 0,425 ден/кг и изнесува 33,565 ден/кг.

Владата ја поздравува одлуката на институциите и организациите на централно и на локално ниво кои одлучија да ја прифатат препораката да се откажат сите јавни собири до 6 март 2020 година.

Таа ги охрабрува сите останати, како и сите граѓани, да ја почитуваат препораката и со тоа да покажат одговорност и да дадат придонес за спречување на ширењето на корона вирусот.

Ќе се спроведе во целост задолжението до Пазарната инспекција и до Агенцијата за лекови и медицински средства на Република Македонија (МАЛМЕД) да се направи увид и контрола на залихите на заштитните средства за спречување на пренесувањето на вирусот во аптеките, и доколку се утврди неосновано покачување на цените ќе бидат преземени мерки соодветно за законските прописи и овластувања.

Владата ги уверува граѓаните и јавноста дека сите мерки што ги презеде Министерството за здравство, насоките на Управувачкиот комитет за координација и управување во системот за управување со кризи, постојаниот мониторинг од кои произлегуваат секојдневните мерки и препораки на Кризниот штаб, на Комисијата за заразни болести, како и на Институтот за јавно здравје, ги постигнаа очекуваните резултати, и дека превенцијата и контролата за да се спречи ширењето на корона вирусот, се остваруваат целосно, се наведува во соопштението.