Претседателот Доналд Трамп и републиканските конгресни лидери се обидуваат да најдат доволно гласови да го поништат и заменат законот за реформи во здравството, познат како Обамакеар.

По мерката требаше да се гласа вчера, на седмата годишнина откако стана закон.

Иако контролата во обата дома на ја имаат републиканците, усвојувањето на предлогот е далеку од извесно, заради противењето од конзервативците кои велат дека не е доволно остар и умерените во партијата, кои стравуваат дека премногу Американци ќе го загубат здравственото осигурување.

Трамп имаше средби со републиканското раководство и на Капитол хил и во Белата куќа, во обид да издејствува доволен број гласови за усвојување на новиот план.

Ова е голем ден за здравственото осигурување. Работиме напорно, е Твитер-пораката на претседателот Трамп од средата.

Тој вчера се состана со членовите на групата во Претставничкиот дом, каде членуваат најконзервативните законодавци.

Само неколку часа пред гласањето, поранешниот претседател Барак Обама издаде соопштение предупредувајќи ги законодавците против промените коишто не би го подобриле здравственото осигурување за Американците.

Ако републиканците се сериозни за намалување на трошоците истовремено проширувајќи го здравственото осигурување на оние на кои им е потребно. Доколку се подготвени да соработуваат со демократите и лицата кои вршат објективни евакуации за да се најде решение за поставените цели, тогаш тоа е нешто што треба сите да го поздравиме, рече Обама.

За многу луѓе од Соединетите Американски Држави ова би било шок и со неизвесност се очекуваат промите кои сака да ги направи новиот претседател Трамп

Но, треба да почнеме од основата – дека во случај на какви и да било промени, нашиот систем за здравствена заштита ќе биде подобар, а не полош за Американците кои вредно работат. Тоа треба да биде нашиот приоритет - рече Обама

Трибина за регистрирањето за плаќање на ДДВ на физичките лица кои извршуваат стопанска дејност ќе се одржи денеска во организација на Центарот за даночна политика и Асоцијацијата на економски истражувачи.

На трибината „ДДВ за физички лица – за и против“, како што е најавено, ќе бидат разгледани прашањата за тоа дали е оправдано и физичките лица кои вршат стопанска дејност да бидат обврзници за плаќање на ДДВ, дали ова претставува двојно оданочување, зошто беше намален прагот за регистрација од 2.000.000 денари на 1.000.000 денари и слично.

До крајот на годината Прилеп ќе добие современ трговски центар, кој ќе биде изграден на местото од стариот млечен пазар. Инвеститор е компанијата „Тинекс“, а инвестицијата ќе чини 2,7 милиони евра. Деновиве интезивно се одвиваат градежните работи на оваа локација.

Станува збор за објект со бруто површина од 4.300 м2. Има три целини, подземна гаража со паркинг простор за 60 возила, потоа прв спрат кој ќе биде наменет за „Супер Тинекс“ и кој ќе се простира на површина од 1.200 м2, а третиот спрат, кој ќе биде исто со големина од 1.200 м2, ќе биде деловен простор кој ќе се изнајмува за угостителски објекти, бутици и слично. Според динамиката на работа мислам дека до крајот на оваа година може да очекуваме трговскиот центар да биде пуштен во функција – изјави Раде Петкоски, инженер во „Тинекс“ за координација на објектите во градба.

Од општина Прилеп велат дека отворањето на новиот трговски центар ќе донесе и отворање на стотина нови работни места.

Компанијата „Тинекс“ во Прилеп го гради еден од поубавите трговски центри, не само во градов, туку и во Македонија. Со трговскиот центар овој дел на градот уште повеќе ќе се разубави и ќе се зголеми движењето во централното градско подрачје. Исто така ќе се отворат и стотина нови работни места, а со подземната гаража ќе се растерети и паркирањето во тој дел на градот. Се надевам дека до крајот на годината тој ќе биде готов, а после завршувањето на градежните активности на трговскиот центар ќе започнеме со допоплочување и уредување на пешачката улица„Борка Талески“. Таа е намерно оставена во оваа состојба затоа што тука ќе поминуваат камиони и механизација за изградбата на трговскиот центар, а потоа оваа улица ќе прерасне во една навистина прекрасна пешачка зона – изјави Марјан Ристески, градоначалник на Прилеп.

Пасошите во целиот свет пристигнуваат во многу нијанси, но во само четири основни бои, сина, црвена, зелена и црна. Како што јави Business Insider, постојат неколку причини за тоа.

Сини: Се верува дека оваа боја ја избираат новата лига на нации, која ги вклучува: Индија, САД и Канада и јужноамериканските држави, како и Австралија.

Црвени: Црвената боја се поврзува за комунизмот и за источниот блок, па оваа боја и натаму ја имаат земјите кои имаат комунистичко минато, Кина, Србија, Летонија и други.

Зелена: Во овој случај религијата има клучен збор. Зелената се врзува за муслиманскиот свет, па земјите како што се Саудиска Арабија и Пакистан ја избираат оваа боја, додека африканските нации како што се Нигерија и Сенегал имаат вакви пасоши поради припадноста на Економската заедница на западноафриканските држави, чија заштитна боја е зелената.

Црна: Оваа боја најмалку се користи, а освен африканските пасоши на Замбија и Ангола, познат е и новозеландскиот пасош, затоа што црната е национална боја.

Како што се истакнува, САД ги тестирале сите четири бои, додека Канада имаше привремени бели пасоши, а причината беше техничката, најлесно било да се набават такви примероци.