Асат дознава дека Владата нема скоро да го ослободи работењето на моловите, обложувалниците и угостителските објекти по завршувањето на состанокот на работната група со Комисијата за инфективни болести. 

Денес се решаваше дали ќе започне транзициската фаза со ослободување на овие мерки, но до истите нема да дојде поради зголемувањето на бројот на заразени лица во последните три дена.
Телевизијата неофицијално  дознава дека нема да има олеснување на мерките, а членовите на Комисијата на ова тема ќе дебатираат повторно некој ден од понеделник па натаму.

Љупчо Маневски, генерален менаџер на „Фешн груп Македонија“ за порталот Факултети го презентираше нивниот предлог за функционирање на продавниците за облека по нивното отворање.

Дел од работната верзија на оваа групација за заштита од коронавирусот на персоналот и посетителите се:

Продавниците ќе работат со скратено работно време од 10:00 до 18:00, а во недела и за празници ќе бидат затворени. Задолжително носење заштитни маски и ракавици на вработените и користење хидроалкохолни гелови. Одржување физичко растојание меѓу купувачите, и меѓу купувачите и продавачите од 1,5 метар до 2. Одредено лице од фирмата пред влезот на продавницата ќе го организира редот и бројот на купувачи. Бројот на купувачи ќе се регулира според квадратурата на продавницата, на 10m² – 15m² продажен простор по еден купувач. На касите за плаќање ќе се обезбеди и регулира растојание од 1,5 – метар помеѓу касиерот и купувачите.
На видливи места ќе бидат поставени едукативно-информативни материјали за почитување на заштитните превентивни мерки: носење заштитни маски, одржување физичка дистанца, редовно дезинфицирање на рацете, правилна респираторна хигиена. Дополнително, преку разглас, на секои 30 минути информирање на купувачите за почитување на овие превентивни мерки. Ограничување за лицата над 65 години, со можност за пазарување до 12 часот. Ад хок протокол во случај на инфекција со Ковид-19 (потврдено или потенцијално) во трговските продажни салони.

Ќe претпочитаме да не се пробува облеката во гардероба, туку дома. Но, ќе бидеме пофлексибилни и ќе овозможиме толерантен однос околу замената – објаснува Маневски.

Тој додава дека вратената стока ќе биде подложена на дезинфекција со вапо-уред и ќе остане во 48-часовен карантин во магацинските простории пред повторно да се пушти во продажба и овие нивни мерки секако ќе се усогласат со мерките што ќе ги наложи Владата по препораките на Комисијата за заразни болести.

ТАВ ќе инвестира во следниот период во бездопирни технологии и на таков начин ќе се обезбедува сигурноста и заштитата од ширење на вируси. Од компанијата за Фактор велат дека кога станува збор за Ковид-19 во иднина, кога ќе се отворат аеродромите, зависно од кризата, некои земји може да бараат сертификати за тест за КОВИД-19, за да ги примат патниците во нивните земји. Сепак нема потврда кога ќе се отворат двата аеродроми во земјава, а за тоа вчера прецизен одговор не даде ни министерот за здравство Венко Филипче.

„Сè уште е рано да се зборува за драматични промени кои ќе бидат имплементирани веднаш. Во првата фаза сите аеродроми ќе применуваат засилени санитарни мерки. Главната цел е да се спречи евентуалното ширење на вирусот од влезот на терминалната зграда сè до авионот, со примена на овие санитарни мерки, и да направиме луѓето да се чувствуваат безбедни. Како и да е, сигурно е дека одредени процедури ќе се сменат во иднина. На пример, аеродромите ќе инвестираат во бездопирни технологии. (touchlesstechnology). Зависи од развојот на кризата со Ковид-19, некои земји можат да бараат сертификати за тест за КОВИД-19, за да ги примат патниците во нивните земји, велат од ТАВ за Фактор.

Повеќе прочитајте на Фактор.мк

Според одлуката на српските здравствени власти, за влез во земјата отсега ќе треба да се приложи негативен тест за коронавирус, кој не е постар од три дена.

Оние што немаат тест на коронавирус, кој е стар најмногу 72 часа, ќе мора да поминат 14-дневна изолација.

Ова за „Курир“ го потврдил и докоторот Бранимир Несторовиќ.