Министерот за здравство Венко Филипче не може да каже точно кога би биле отворени градинките, но како што вели, тоа сигурно нема да биде во скоро време, поради порастот на бројот на заболени.

 -Тешко е сега да кажеме точно време тајминг кога би се отвориле меѓутоа засега сигурно не, рече Филипче одговарајќи на новинарско прашањепо посетата на Институтот за белодробни заболувања кај децата – Козле, каде сега се примаат пациенти со КОВИД-19.

Тој потенцира дека одлука да се направи скрининг на вработените била донесена во период кога стостојбата со коронавиусот дозволувала да се размислува за отворање на градинките.

-Во моментот кога беше одлучено да се прави скрининг на вработените во градинките, состојбата беше таква што тие можеа да се отворат и заради тоа беше направен. Но со зголемување на бројот на новодијагностицирани случаи сега во овој момент не е време да се отворат градинките, заради тоа што децата апсолутно се големи трансмитери на вирусот кон членови на своите семејства, рече министерот за здравство.

Сања Лукаревска, директорката на Управата за јавни приходи, во предизборната програма на СДСМ најави дека по изборите лимитот на исплата на поврат на ДДВ од скенирањето на фискални сметки ќе се зголеми од 600 на 800 денари.

„За првпат воведовме мерка со која ги враќаме парите кај граѓаните, следните 4 години можеме уште подобро. Се зголемува лимитот за поврат на пари, од 600 на 800 денари“, објави Лукаревска.

Во моментов од проектот „Мој ДДВ“ граѓаните на своите трансакциски сметки максимум може да добијат 600 денари, без разлика колку пари потрошиле месецот.

Џек Ма основач на страната Алибаба која вреди речиси 200 милијарди евра од неодамна се пензионираше. Тој нуди совети кои ќе ви бидат од големо значење во понатамошниот живот.

Тој вели дека е природно луѓето да прават грешки, особено младите. Тој вели дека на грешките гледаме како на приход, пренесува Инвеститор.

Порака за успешен живот и кариера
„Кога имате 20 години, бидете добри студенти. Влезете во претприемништво за да стекнете искуство. Пред 30-годишна возраст, следете некого. Одете во мала компанија. Обично, во голема компанија, добро е да ги научите процесите. „Тогаш сте дел од голема машина“, рече Ма.

Но, кога ќе одите во мала компанија, ќе научите каква е страста, ќе научите да сонувате.

„Научете како да направите многу работи со текот на времето. Пред 30-та, не се работи за тоа во која компанија ќе работите, туку кој шеф ќе следите. Тоа е многу важно “, рече тој.

Од 30 до 40 години, мора да размислите појасно кога работите за себе. Ако навистина сакате да бидете претприемач.

„Од 40 до 50 години, треба да ги направите сите работи во кои сте добри. Не обидувај се да влегуваш во нови области. Доцна е. Можеби сте успешни, но стапката на смртност е превисока “, рече тој.

„Но, кога имате 50-60 години, работете за млади луѓе, затоа што младите можат да сторат подобро од вас. Затоа, потпирајте се на нив и инвестирајте во нив, проверете дали се добри “, додаде тој.

„Кога имате над 60 години, трошете го времето на себе, на плажа. Уживајте“, советува Ма.

Министрите за транспорт и врски и за здравство, Горан Сугарески и Венко Филипче денеска ќе го посетат Меѓународниот аеродром – Скопје каде што ќе имаат средба со менаџментот на ТАВ Македонија.

Посетата доаѓа во пресрет на отворањето на двата аеродроми во земјава за патнички сообраќај, скопскиот и охридскиот.

Отворањето, според владината одлука треба да се случи на 1 јули.

Предвидени се строги протоколи за работа, меѓу кои се и правилата дека патниците ќе треба да пристигнат на аеродромот најмалку три часа пред нивниот лет, да носат заштитна маска постојано, да одржуваат физичко растојание и висок степен на лична хигиена.

Двата аеродрома во земјава се затворени од 16 односно 19 март како дел од мерките за спречување на влез и ширење на ковид-19.