Сојузот на синдикатите на Македонија (ССМ) бара да се повлече избрзаното покачување на цената на електричната енергија, а доколку тоа не биуде направено, тогаш, како што велат, неопходно е да се зголемат сите плати и пензиите во висина на зголемените трошоци за живот или скалесто за најмалку 7,4 отсто.

Во услови на здравствена криза, која имаше и сѐ уште има големо влијание и врз економијата и врз сигурноста на работните места, како и во услови кога годинава Минималната плата е зголемена за само 2,99 отсто, просечната плата од јануари до мај 2020 година е намалена за 4,18 проценти, а трошоците на граѓаните се зголемени заради кризата не се согласуваме да има зголемување на цената на електричната енергија, а особено не поради тоа што истата ќе падне на грбот на работниците, пензионерите, невработените, односно граѓаните – велат од ССМ.

Синдикатот  бара регулаторите да ја преиспитаат одлуката за зголемување на цената на струјата бидејќи тоа ќе се одрази врз животниот стандард на работниците.

Сојузот на синдикатите на Македонија не е организација која ги регулира цените на одредени услуги или производи, но смета дека со Одлуката на  Регулаторната комисија за покачување на електричната енергија за 7,4 отсто, здравствена криза може многу лесно да се претвори и во економска криза – велат од ССМ.

Од синдикатите велат дека не сакаат граѓаните, кои ќе бидат оневозможени да ги подмират зголемените сметки на електрична енергија, да бидат на мета на извршување од извршителите, што е уште една причина за преиспитување на зголемувањето на цената на струјата.

Мој ДДВ веќе брои над 315.000 корисници. 

Министерката за финансии Нина Ангеловска, објавувајќи фотографија како скенира фискална сметка во локал во некое од планинските подрачја на земјава, повторно апелира - барајте ги вашите фискални сметки.

„Барајте ги вашите сметки и скенирајте ги - не само затоа што остварувате право на поврат и може да добиете некоја од дневните и месечни награди туку и поради тоа што учествувате во борбата против сивата економија, против затајувачите!

Барајте ги и скенирајте ги вашите сметки затоа што:

Со неиздавање на сметка вашите 5 или 18 отсто продавачот ги зема за себе, наместо да бидат употребени за доброто на сите!

И трговецот кој не го уплаќа вашиот ДДВ во буџетот го користи здравствениот и образовниот систем.

Со неиздавање на сметка продавчот прави нелојална конкуренција на чесните продавачи кои си го плаќаат данокот!“, пишува Ангеловска.

Додава дека со последните измени како одговор на ковид предизвиците беа направени промени во МојДДВ и #МојаНаграда

Секој ден по случаен избор се доделуваат 20 награди x 1000 ден. и секој месец 15 награди x 20.000 ден.

Повратот на ДДВ за македонски производи сега изнесува 20% и 10% за останатите.

„Причина плус да ги одбереме домашните производи кога купуваме и со тоа да им помогнеме на домашните компании и македонската економија и причина плус да ги бараме секогаш и секаде нашите сметки и да го јакнеме даночниот морал“, пишува Англовска.

Поради „златната треска“ која го зафати светот, можно е цената на златото ќе стигне до 3.000 долари. 

Оваа година златото бележи раст. 

Банката на Америка очекува цената на златото да се искачи на 3.000 долари за унца до 2021 година.

Цената на унца злато за еден ден порасна за 1 отсто и скокна на 2.058 долари за унца со што го сруши претходниот рекорд од 2.030 американски долари поставен пред неколку денови.

Цената расте поради коронакризата и влошените односи меѓу Кина и САД.

Американскиот Стејт департмент синоќа го укина четвртиот степен на препорака за патување во странство за најголем број земји, кое е највисоко предупредување до американските државјани да се воздржат од секакви патувања надвор од САД.

Исто како и голем дел од земјите во светот,  Македонија е ставена во третиот степен пропорака, кој што советува „размислете дали да патувате“.

Како што е наведено на веб-сајтот за конзуларни работи на американскиот Стејт депаратмент, нашата земја ги укинала наредбите да се остане дома и делумно го обновила транспортот и бизнис активностите.

Од надворешно-политичкиот орган на САД советуваат да се следат предупредувањата на државните Центри за контрола на заболувањата и профилактика (ЦДЦ), кои, сепак, имаат издадено „трет здравствен степен за патување“ или највисоко предупредување за воздржаност да се патува во Македонија, освен за итни случаи.

Од ЦДЦ наведуваат дека ризикот од Ковид-19 во земјата се уште е голем.

Засега, само две земји, Тајван и Макао, се наоѓаат во првиот степен со препорака „да се патува со вообичаена претпазливост“.