Руската трговска компанија МЕРЕ влегува во Србија и планира да стане еден од најголемите трговски ланци во српската малопродажба. MEРE е подружница на руската групација Torgservis, основана во 2009 година, која во моментов работи на повеќе од 800 локации низ цела Русија под брендот Светофор и е трет по големина синџир зад трговските компании X5 и Magnit.

"Досега отворивме 1.500 дисконти и работиме во 10 држави. Дојде време да го прошириме бизнисот на српскиот пазар со најмалку 100 дисконти и просечна површина од околу 1.000 квадратни метри. Планираме да работиме директно со производители, под строга контрола на квалитетот и цени пониски за 20 проценти од просечните. Клиенти на маркетите на МЕРЕ се луѓе кои се грижат за своите пари и време, со просечни и пониски приходи“, вели директорот на филијалата на руската компанија во Србија за српскиот портал Retail Serbia.

Со влегувањето на германскиот пазар, МЕРЕ беше принудена привремено да ги затвори своите продавници заради големата побарувачка и недостигот на стоки во залиха. Во нашиот регион, компанијата има свој пазар во Романија, а понудата на рускиот дисконт вклучува и некои српски производи.

Покрај Србија, компанијата планира да го прошири својот бизнис на грчкиот пазар. Продавниците на MERE зафаќаат површина од 800 до 1.200 квадратни метри и нудат од 1.500 до 2000 различни артикли.

Агенцијата за електронски комуникации спроведе јавна расправа за воведување на 5Г технологија во Македонија. Двата постоечки оператори поради кризата, се за одложување на постапката на доделување радиофреквенции за 5G за догодина, додека компанијатаЕОЛО смета дека таа треба да се спроведе во најскоро време. Ставот на Агенцијата како и коментарите на:Intracom Telecom, НЕОТЕЛ, Македонски Телеком, А1 Македонија и EOLO S.p.A. се достапни на веб-страницата на АЕК.

Во анализата АЕК најавува дека постапката за доделување одобренија за 5G технологијата ќе почне до крајот на тековната година и ќе се одвива преку аукција, при што ќе се понудат поединечни одобренија. Од таму појаснуваат, дека операторите не се заинтересирани за целиот опсег туку за дело од опсегот па затоа и такви одобренија ќе се доделуваат.

Во Националниот оперативен бродбенд план (НОБП) е наведено АЕК да распише тендер до крајот на 2020 година. Со започнување на постапката се зголемува и можноста за зголемување на конкуренцијата и од други заинтересирани страни, а секако и дека трет мрежен оператор е и една од целите на АЕК.

Мирјана Јовановска-Стојановска, претседателката на Комората на психолози, смета дека во овој момент оптимално решение е децата од 1 септември да продолжат со онлајн настава.

Како што вели таа за МИА; онлајн наставата има свои предности, бидејќи децата ќе можат од дома, во една сигурна средина да учат и да ја следат наставата, а од друга страна, смета дека ќе има помалку социјализација, децата нема да имаат директен контакт ниту со наставниците, ниту со врсниците да го совладаат подобро материјалот.

„Ќе изгубат, нема да добијат некои работи, но од друга страна ќе го зачуваат здравјето, животот на своите блиски, на луѓето на кои им треба помош“,нагласува таа.

За Британците Македонија е најевтина земја во Европа, сосе кафе, теретана и деловен ручеk. 

Македонија е најевтината земја во цела Европа за Британците да се преселат, според истражувањето.

Врз основа на 11 „типични трошоци“, анализата на  „Ocean Finance “ покажа дека нашата земја е најприфатлива на целиот континент, со просечна цена на живеење за  само 8,484 фунти годишно.

Земени се в предвид трошоците за изнајмување, комунални услуги, Интернет, намирници, транспорт, членство во теретана, чаша кафе, деловен ручек, пивце, паб оброк и ноќна ноќ.

Британците, чии животни трошоци се  30,276 фунти годишно, би можеле да заштедат неверојатни 21.792 фунти годишно со преселување овде.