Вкупните депозити продолжија да растат на месечна основа, што се должи на растот на депозитите на домаќинствата, соопшти Народна банка на Македонија. 

Годишната стапка на раст изнесува 7,9 отсто, како резултат на растот на депозитите на двата сектори, поизразен кај секторот „домаќинства“.

Вкупните кредити продолжија да растат на месечна основа, главно заради зголеменото кредитирање на домаќинствата. Годишниот раст на вкупните кредити изнесува 8,2 отсто и се должи на зголеменото кредитирање на двата сектора, со поголем придонес на секторот „домаќинства“.

На годишна основа, депозитите на корпоративниот сектор и на секторот „домаќинства“ се зголемени за 9 отсто и 8,4 отсто, соодветно.

На годишна основа, кредитирањето на корпоративниот сектор бележи раст од 7,1 отсто. Вкупните кредити на домаќинствата забележаа годишен раст од 9,4 проценти, информираат од централната банка. 

Платите во Соединетите држави се зголемија за 13,7 проценти од 1978 година, и платите на генералните директори за значителни 1,167 проценти, па директорите заработуваат 320 пати повеќе од просечниот работник, пишува порталот Fast Company.

Во извештајот на Институтот за економска политика се утврдува дека просечната плата на директорите во некои од најдобрите американски компании е 21,3 милиони долари, и дека типичен работник во една од водечките компании сега заработува 67.000 долари годишно.

Ваквите „прекумерни“ плати на генералните директори се претежно проблем затоа што придонесуваат за растечката нееднаквост меѓу раководителите и просечните работници.

Соодносот на платите на директорите наспроти работниците во 1965 година беше 21 на 1, потоа во 1989 година се искачи на 61 на 1, а во 2019 година беше 320 на 1, што јасно покажува дека нееднаквоста во платите стабилно се зголеми во последните 50 години.

Надоместокот на извршниот директор сега многу се потпира на акции и награди поврзани со цената на акциите на компанијата, така што заработката на директорите со децении имаше раст на пазарот.

Решението за овој проблем е данок на богатство, се вели во извештајот. Ова вклучува повисоки стапки на данок на добивка, корпоративни даноци за компании кои имаат поголеми нееднаквости во платите помеѓу директорите и работниците и т.н. „луксузни даноци“.

Покрај оданочувањето, владата би можела да донесе закони со кои ќе се промени структурата на корпоративното управување, се вели во извештајот на Институтот за економска политика.

Сите родители на деца на возраст до 10 години и по почетокот на учебната година ќе бидат ослободени од одење на работа како и досега, во рамки на мерките за спречување на ширење на коронавирусот.

Одлуката на Владата за ослободување на работа на еден родител на дете до 10 години ќе се продолжи и од септември и ќе важи и за оние родители чии деца ќе одат на училиштe, дознава „СДК.мк“

„Часовите во основните училишта ќе траат 30 минути. Целодневна настава не е предвидена, со оглед на одлуката родителите да бидат ослободени од работа со присуство на своето работно место“, велат од Министерството за образование.

Кога станува збор за успешни инвеститори, Ворен Бафет, извршен директор на Беркшир Хатавеј, е секако класа за себе. Овој Американец е рангиран како седмиот најбогат човек во светот со богатство од над 78 милијарди долари не сметајќи десетици милијарди што ги донирал за добротворни цели во последните 15 години.

Бафет продаде многу акции во текот на 2020 година. Но, поради хаосот и неизвесноста поради пандемијата на корона вирусот, тој направи и три големи купувања во кои тој и неговиот тим инвестираа помеѓу 563 милиони и 6,8 милијарди долари, пишува BIZLife.rs.

Банка на Америка

Со оглед на тоа што омилената инвестициска индустрија на Бафет е банкарството, можеби е мало изненадувањето што тој инвестираше во Банка на Америка во последните неколку недели.

Откако во април доби одобрение од Федералните резерви да ја зголеми сопственоста на Беркшир во Банка на Америка над вообичаениот лимит од 10 отсто за инвестициските компании, Бафет го зголеми својот удел на вкупно 12 отсто од акциите на банката. Вкупно, околу 2,1 милијарди американски долари се инвестирани во акциите на Банка на Америка во последните неколку недели.

Берик голд

Вредноста на канадската компанија за преработка на злато Берик Голд се зголеми за повеќе од 10 отсто, откако Беркшир Хатавеј објави дека купил удел во таа компанија.

Беркшир Хатавеј во последниот квартал купил 21 милиони акции на компанијата за преработка на злато и бакар, во вредност од околу 564 милиони долари.

Купувањето доаѓа како мало изненадување, бидејќи Бафет во минатото беше критичар на златото. Тој зборуваше дека е подобро да се инвестира во компании, фарми и недвижнини.

Инвестициите во злато привлекоа многу нови купувачи кои сакаат да заштитат барем дел од нивните средства од инфлацијата што ја очекуваат заради „дивото“ печатење на пари од централните банки.

Беркшир Хатавеј

Според кварталните извештаи на компанијата, Беркшир Хатавеј ги купи своите акции во вредност од 6,8 милијарди долари во првиот и вториот квартал, што е повеќе отколку што Бафет го потроши оваа година за купување акции.