Уште последниот месец во кој граѓаните не треба да ги плаќаат замрзнатите кредити. Од октомври секој од граѓаните кои има кредит, а кои не го плаќаше поради корона кризата до сега, ќе треба да се врати на старата обврска. Дали ќе има можност за продолжување на пролонгираната отплата? Сите опции се отворени - гуверенерката Анита Ангеловкса Бежоска во интервју за вечер вели дека наскоро ќе се донесе и конечениот став.

„Постојано го следиме развојот на случувањата и притоа, секако, подготвени сме соодветно да ги приспособуваме политиките и навремено да реагираме во согласност со нашите надлежности. Во тек се анализи, врз основа на кои наскоро ќе се заземе став по однос на ова прашање, водејќи сметка и за потребите на граѓаните, и за стабилноста на банкарскиот систем, вели Ангеловска Бежоска.

Почнувајќи од април годинава, македонските граѓани кои изразија таква желба, а тоа беа дури 70 отсто од кредитокорисниците, беа ослободени од плаќање на ратите и каматите за своите кредити кон банките. За периодот во кој не плаќаа ќе им се пресметува камата.

Повеќе нема потреба од картички и кеш пари, во иднина хотелите ќе прифаќаат и криптовалути. Интернет-платформата за патувања Agoda (дел од Booking Holdings) се здружи со слична крипто-услуга, Тravala.com. Сега повеќе од 600.000 хотели во скоро 200 земји можат да се резервираат so криптовалути.

Bitcoin, Ethereum, Binance Coin и повеќе од 25 дигитални валути се прифаќаат за плаќање. На почетокот на јули, travala.com ги здружи силите со Експедиа, втора туристичка платформа која нуди можност за резервација и изнајмување на повеќе од 700.000 хотели, сместување и други објекти.
Оттогаш, АВА започна да расте брзо, а на почетокот на јули се тргуваше нешто над нивото од 0,3 американски долари. До денес, стапката на алткоин се искачи на 450% на 1,65 $, накратко се искачува на 2 американски долари.
За седум дена, вкупната капитализација на пазарот за криптовалути покажа импресивен раст – за скоро 16 проценти. Во моментов цената на биткоинот на берзите е над 10.000 евра за 1 биткоин, додека Етериумот се тргува за цена од околу 333 евра.
Oд 2021 година и швајцарската банка Баслер Кантоналбанк ќе започне со обезбедување услуги за тргување и складирање со криптокорисници преку филијала на Клер банка. Ова е првпат швајцарска компанија поддржана од владата да влезе во пазарот на дигитални недвижнини.

Регулаторната комисија за енергетика денеска напладне треба да ги соопшти новите цени на горивата кои ќе важат од полноќ.

Минатата недела малопродажните цени на бензините ЕУРОСУПЕР БС-95 и ЕУРОСУПЕР БС-98, и на ЕУРОДИЗЕЛ (Д-Е V) се намалија за 0,50 денар/литар, во однос на малопродажните цени утврдени со Одлуката од 10.08.2020 година и со тоа малопродажната цена на ЕУРОСУПЕР БС-95 изнесува 59,50 ден/лит, малопродажната цена на ЕУРОСУПЕР БС-98 изнесува 61,50 ден/лит, додека малопродажната цена на ЕУРОДИЗЕЛ (Д-Е V) изнесува 52,00 ден/лит.

Малопродажната цена на Екстра лесното масло за домаќинство (ЕЛ-1), не се промени, и изнесува 52,00 ден/лит.

Малопродажната цена на Мазутот М-1 НС се зголеми за 0,244 ден/кг во однос на цената утврдена со Одлуката од 10.08.2020 година и со тоа малопродажната цена на Мазутот М-1 НС изнесува 26,365 ден/кг.

Останува денеска да видиме дали не очекува поскапување или пад на цените.

На што најмногу се жалат граѓаните до Организацијата на потрошувачи?

Извештајот на ОПМ за минатата година говори дека најголем број од поплаките се однесувале на категоријата производи, од кои како најзастапени биле техничките производи, белата техника и производите во домот.

Кај техничките производи најактуелни меѓу оштетените потрошувачи биле мобилните телефони и телевизорите, кај белата техника, најмногу се жалеле на машините за перење, инвертерите и фрижидерите.

Како најзастапен производ во домот, на што се пожалиле граѓаните, во текот на минатата година, а за кој се поднесени најголем број поплаки, се споменува мебелот.

Од категоријата општо во која потрошувачите ги пријавуваат проблемите со попустите,
недоставените производи, барањето на информација и слично, најголем број поплаки се однесувале на категоријата „недоставен производ”, односно се работи за ситуации кога на потрошувачите не им бил доставен нарачан и платен производ на време.

Меѓу услугите најзастапени се поплаките за туристичките услуги, кои се однесуваат на изгубени куфери при трансфер со автобус.

Кај јавните услуги – телекомукациските, електрична и топлинска енергија, имало проблеми во сите, кај телекомуникациските граѓаните се жалеле на сметки, а кај електричната и топлинската енергија за сметки и за застарени сметки.

„Од специјалистичките советувања, најзастапени се проблемите со осигурувањето, додека поплаките за храна и домување беа сведени на минимум (имајќи го предвид фактот дека АХВ има бесплатна линија за поплаки и Одделение за заштита на потрошувачи). Иако бројката на поплаки за финансиски советувања беше мала, дел од советите се однесуваа на проблемите на кредитите, каматната стапка и трошоците за заверување кај нотар, кои дополнително се наплатуваат“, се вели во Извештајот на Организацијата на потрошувачи на Македонија.