Над 300 матуранти од земјава и од балканскиот регион добија стипендии од Програмата за стипендии при Меѓународниот балкански универзитет.

Учениците кои се прогласени за најдобри во генерација, што се докажува со потврда од средното училиште, добиваат целосна стипендија и ќе бидат целосно ослободени од школарина.

Аплицирањето за програмата за стипендии на Меѓународниот балкански универзитет ќе трае до 25 септември 2020 година.

Стипендијата од 80 проценти ќе важи за учениците со среден успех 5.00, а школарината за нив ќе изнесува 200 евра по семестар. Учениците со среден успех од 4.50 до 4.99 ќе добијат стипендија од 70 проценти, односно ќе плаќаат школарина по 300 евра од семестар. Стипендија во вредност од 60 проценти, односно школарина од 400 евра по семестар, е предвидена за учениците со среден успех помеѓу 4.00 и 4.49, додека стипендија од 50 проценти или школарина од 500 евра од семестар, може да добијат учениците со среден успех од 3.00 до 3.99.

Од Универзитетот велат дека најмногу се радуваат на фактот што матурантите што аплицираат се квалитетни ученици и имаат висока просечна оценка од средното образование.

– Бевме убедени дека новата програма за стипендии ќе има голем ефект во општеството. Прво, ќе им помогне на најдобрите матуранти и нивните семејства од финансиски аспект, добивајќи стипендии до степен на целосно ослободување од школарина. Второ, таквата политика ги мотивираше најуспешните матуранти да аплицираат за стипендија, па така се придонесува најдобрите идни студенти да останат во државата и тука да се стекнат со високо образование. И трето, што е многу важно, низ нашиот модерен образовен систем ориентиран кон кариера и професионалност, идните дипломци со нивното стекнато знаење и практични вештини ќе помогнат за севкупниот развој на државата и општеството, истакна Висар Рамадани, Генерален секретар на Меѓународниот балкански универзитет.

Рамадани додава дека се горди на фактот што програмата за стипендии на Меѓународниот балкански универзитет низ која досега поминаа над 1.200 студенти прераснува во најистакнат општествено-одговорен проект во високото образование во државата и регионот

Програмата за стипендии на МБУ за сите матуранти нуди меѓународни стандарди, најдобро рангиран универзитет во категоријата настава и учење според последната Шангајска ранг-листа, студии на англиски јазик, активни програми за размена на студенти со преку 200 универзитети во 40 земји од светот, одлични можности за практична работа и вработување по дипломирањето во најреномирани институции и компании и целосно нов универзитетски кампус во Скопје.

Аплицирањето се врши онлај на веб страната  www.scholarships.ibu.edu.mk   

Досега 36 училишта, од кои 15 се средни и 21 основно, поднеле барања за дозвола да организираат настава со физичко присуство.

Денеска истекува докот за доставување на барањата, кои ги разгледува владина комисија, по што ќе даде конечна оценка дали можат да огранизираат настава со физичко присуство согласно здравствените протоколи за фунционирање во време на КОВИД-19 пандемија.

– Денеска е конечниот рок, значи се уште може да пристигнуваат и дополнително, имаме обврска да почекаме три дена за да стасаат и оние кои се испратени по пошта. Комисијата тековно ги работи како пристигнуваат. Веројатно на следната владина седница овие коишто досега се пристигнати ќе поминат и веднаш оние коишто ќе стигнат по пошта ќе бидат исто така поминати на владина седница за училиштата да може да добијат конечни одговори. Секако дека училиштата се подготвуваат, и оние коишто поднеле барање за физичко присуство и оние за онлајн настава, заради тоа што епидемиолошката слика може да се менува и е динамичен процес, така што ни е важно сите тие да бидат подготвени и за онјалн настава, рече министерката за образование и наука Мила Царовска, одговарајќи на новинарско прашање на денешната прес-конференција.

Таа појасни дека владината комисија е составена од претставници на Кабинетот на претседателот на Владата, на министерствата за образование и наука и за здравство и на Комисијата за заразни болести и оти таа индливидуално одлучува за секое поднесено барање.

– Секако дека пооптоварените училишта, поголемите училишта кои имаат многу ученици се ризик за отпочнување со физичко присуство. Но, сепак, јас не би сакала да ја коментирам работата, ниту на владината Комисија, сакам тие да ги донесат одлуките и ние како институција која што ги креира политиките во делот на образованието ќе ги спроведеме како конечни, рече министерката Царовска.

Одговарајќи на новинарско прашање дали може да се јави недостиг на кадар во училиштата, бидејќи и таму има родители на деца помали од шест години, министерката рече дека одлуката за ослободување од работа во секој момент може да претрпи измени.

– Тоа е одлука која што е донесена од страна на Владата и која што во секој момент може да претрпи одредени измени согласно новите случувања, како што се случуваше и за хронично болните, како што се потврди да кажеме одлуката за бремените, но тоа е, исто така, динамички процес. Владата согласно околностите одлучува одредени лица да се вратат или не се вратат на работа. За децата кои беа во градинка родителите беа ослободени. За децата кои што беа во училиште одлката за ослободување на родителите беше променета кога заврши школската година, истакна министерката за образование и наука.

Во врска со можноста за отворање на ученичките и студентските домови, Царовска информира дека протоколите се подготвени и се на разгледување во Комисијата за заразни болести. Штом ќе имаме официјален став од Комисијата за заразни болести, рече министерката, ќе ја известиме јавноста.

А1 Македонија со задоволство ја најавува најновата и усовршена верзија на виртуелниот експерт базиран на вештачка интелигенција –  „Славчо”, со уште повеќе функционалности, дизајниран да понуди помош и поддршка за сите прашања на корисниците поврзани со услугите на А1.

„Четботот ‘Славчо’ е дел од А1 Гуру платформата преку која корисниците имаат можност да добијат одговори на своите прашања без да посетуваат продажни салони или да се јавуваат во Контакт Центарот и на едноставен начин да пристапат до виртуелниот асистент што ќе одговори на сите нивни прашања, но и ќе им помогне во надминување на било каква техничка потешкотија со нивните услуги. Со неговото усовршување, А1 Македонија ја потврдува својата определба да обезбеди дигитални алатки кои овозможуваат наједноставен и најлесен начин за комуникација со своите корисници и го прави процесот на набавка и користење на услугите од богатото портфолио пријатно искуство”, изјави Методија Мирчев, Извршен директор на А1 Македонија.

„Славчо” е првиот виртуелен експерт во форма на четбот со човечки карактеристики кој може да комуницира на македонски јазик, притоа разбирајќи кирилица и латиница. Освен помош при избор на телефонски уред, виртуелниот експерт може да понуди помош и техничка поддршка за користење на мобилни и фиксни услуги на А1 – интернет, телефонија и телевизија, помош за брзо, безбедно и едноставно плаќање на месечните сметки, проверка на состојбата на сметка и надополнување на кредит за припејд корисниците, активирање, деактивирање на услуги и пакети, како и информации за тарифи и промоции.

Четботот се справува со повеќе области на знаење со тоа што инкорпорира комбинација на модули за длабинско учење и машинско учење кои се одговорни за разбирање на контекст и составување на пораки.

Комуникацијата со „Славчо” е целосно бесплатна, a за да се допишуваат со него, корисниците треба едноставно во пребарувачот да пристапат преку веб страницата на А1 Македонија или преку апликациите Viber и Facebook Messenger.

Крешник Бектеши, министерот за економија, денеспа пред средбата со Сојузот на стопански комори, одговарајќи на новинарско прашање, рече дека од следната недела ќе започне процесот на ребалансирање на буџетот поради корона-кризата и најавениот четвртиот пакет на економски мерки.

- Ќе има ребаланс на буџетот, одлука следната недела ќе се донесе, кога го очекуваме и предлогот од Министерството за финансии, изјави Бектеши, при тоа не откривајќи какв мерки од четвртиот сет за справување со економските последици од коронавирусот ќе бидат донесени. 

Бектеши најави дека главно ќе се работи за даночни олеснувања и директни субвенции за претпријатијата, особено од секторите кои се најмногу погодени и кои се уште немаат дозвола за работа од државата.

Данела Арсовска, претседателката на ССК, рече дека државата од сите останати во регионот процентуално најмалку одвоила од своето БДП за економска помош и дека голем број на дејности се уште не смеат да работат, а немаат право на субвенции уште од јули месец.

Првото прекројување на државната каса се случи во мај на безмалку два месеци по појавата на пандемијата во земјава со кој се дополнија буџетите на одредени министерства како клучни за борба со Ковид-19, а се укинаа одредени мерки кои се сметаа за ирелевантни и се редуцираа одредени трошоци.