Во Собранието стаса законот за финансиска поддршка на граѓаните – предвидува на сметка да добијат по 6.000 денари граѓаните со низок доход, пензионери кои имаат до 15.000 пензија, корисници на право на социјална сигурност на стари лица, млади лица од 16 до 29 години, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници. Конечната листа кој се ќе добие помош сепак ќе ја изготвуваат неколку институции, а ќе биде објавена на kupuvamdomasno.gov.mk откако Законот ќе биде изгласан во Парламентот и ќе биде објавен во Службен весник. Кога ќе се стаса со ова законско решение е непознато, затоа што материјалот само што е пратен во собраниските служби, но во него стои дека парите кои ќе ги добијат граѓаните ќе треба да ги потрошат до 25 декември годинава.

Фактор ви открива детали од законот – парите ќе легнуваат на сметка во банка во коjа физичкото лице има постоечка трансакциска сметка и која во рок од пет дена од денот на влегување во сила на овој закон потпишала договор со Владата. Ако нема сметка во банките кои со Владата потпишала договор тогаш лицето корисник на помош ќе треба да отвори сметка во таква банка.

Целиот текст прочитајте го на Фактор.мк

На 26 ноември ќе се одржи 6 FMCG Summit 2020, во организација на магазинот InStore и агенцијата „Кликер маркетинг“.

Станува збор за најголемиот трговски настан во Македонија, кој едуцира, информира и ги обединува професионалците од секторот. Самитот се одржува еднаш годишно и секоја година има над 350 посетители. Годинава истиот ќе се одржи онлајн и ќе може да се следи бесплатно само на 26 ноември.

Ексклузивен гостин - говорник е д-р Надја Жексембаева, бизнис сопственик, едукатор, говорник и автор, жената нареченa „гуру за реинвенција“ и „кралица на повторното откривање“.

Говорници се:

- Антонио Зрилиќ, експерт за Supply Chain и логистика и основач на компанијата „Логико“

-Кина Демирел, директорза маркетингкомуникација и CRM воMigros Ticaret A.Ş.

-Иван Крушковиќ, SEFF CommercialLeader Adriatic's во „Нилсен“

-Митка Мојсовска, финансов директoр на"КОЛА" Скопје

-Ана Јелачиќ, партнер и сениор фасилитаторDesignThinkers Academy Adriatic

-Петар Ќорлука, сопственик на “Виолета“,БиХ

-Јелена Кнежевиќ Влаховиќ, консултант и поранешен директор за набавка во Mercator S и Delhaize

-Поликарп Арсеновски, основач и генерален менаџер на THRIVITY

-Филип Станковиќ, научник за карактеризација на производи, Сектор за истражување и развој на Филип Морис Интернешнал, Нојшател Швајцарија.

Пријавете се БЕСПЛАТНО на следниов линк http://fmcg-summit.mk/#service

Министерката за труд и социјална политика Јагода Шахпаска објави дека во насока на прифатената иницијатива на Владата недела да биде неработен ден, изминатите денови ресорот има интезивни работни средби со претставници на сите засегнати страни со цел да се подготви законското решение.

„Синдикатите, Стопанските комори, Организација на работодавачи со кои заедно со претставници од Министерствата за економија, финансии, информатичко општество, разговаравме и ги отворивме сите прашања, со цел изнаоѓање на најприфатливо и најиздржано решение.

Во таа насока беше и денешната средба со претставникот од Независната угостителска комора со цел да се слушне и мислењето на угостителите во однос на ова прашање.

Иницијативата недела -неработен ден која треба да биде преточена во законско решение е со цел денот недела биде ден за семејството, во насока на негување на традиционалните вредности.“, напиша Шахпаска на Фејсбук.

Министерката проачува дека сепак во денот недела исклучоци во некои ситуации ќе мора да има, што ќе бидат пропишани со овој закон, а тоа ќе се однесува, како пто вели таа, за дејностите кои се од витално значење и од кои зависи функционирање на општеството.

Биткоинот постојано се сметаше за неуспешен проект, но во последните неколку недели, најстарата и најголема криптовалута во светот повторно зајакна поради надежите за нагло зголемување на побарувачката, велат аналитичарите.

На почетокот на коронакризата, биткоинот се сметаше дека е голем губитник. Од средината на февруари до средината на март, неговата цена падна за повеќе од 50 проценти – на само 4,9 илјади американски долари. По кратка фаза на опоравување, цената долго време беше до границата од десет илјади долари, до пред неколку недели, пишува Дојче веле.

Во меѓувреме, најважната криптовалута не само што успеа да ја надомести драстичната загуба од пролетта, туку нејзината цена се зголеми за повеќе од 53 проценти од почетокот на септември. Само во октомври, биткоинот доби вредност од околу 30 проценти, пренесува СЕЕбиз.

Аналитичарот Тимо Емден вели дека поради неизвесниот изборен резултат во САД и во потрага по алтернативни можности за инвестирање – некои инвеститори прибегнале кон криптовалути.

Тој смета дека на овој начин, инвеститорите сакале да се заштитат од турбуленциите на берзата.

Исто така, крипто-валутите во моментов се повеќе се тема на разговор на ниво на централните банки. На пример, Европската централна банка (ЕЦБ) е скептична во однос на биткоинот, но размислува за воведување на дигиталното евро.