Владата на вчерашната 21 седница ја разгледа и усвои Информацијата за регулирање на надомест на плата за привремена спреченост од работа на вработени лица заболени од новата болест, вработени лица кои се во изолација заради спречување на зараза, но се асимтоматични и на вработени лица кои имале контакти со заразени лица и се во самоизолација.

Во вториот заклучок по оваа точка се наведува дека висината на надоместокот на плата за привремена спреченост од работа на вработени лица во министерствата и органите на државната управа, организациите утврдени со закон, другите државни органи, правните и физичките лица на кои со закон им е доверено да вршат јавни овластувања, како и на општините, градот Скопје и општините на градот Скопје, заболени од новата болест, вработени лица кои се во изолација заради спречување на зараза но се асимтоматични (односно немаат знаци на болест), а за кои е констатирано дека се заболени, ќе се пресметува и исплатува согласно закон и колективен договор.

Согласно заклучоците, се препорачува висината на надоместокот на плата за привремена спреченост од работа на заболени вработени лица од оваа болест, вработени лица кои се во изолација заради спречување на зараза, но се асимтоматични (односно немаат знаци на болест), а за кои е констатирано дека се заболени, а се вработени во приватниот сектор, да се пресметува и исплатува согласно закон и колективен договор.

Висината на надоместокот на плата за привремена спреченост од работа на вработени лица кои имале контакти со заразени лица, а кои се вработени во министерствата и органите на државната управа, организациите утврдени со закон, другите државни органи, правните и физичките лица на кои со закон им е доверено да вршат јавни овластувања, како и на општините, градот Скопје и општините на градот Скопје и се во самоизолација, да се пресметува и исплатува согласно закон и колективен договор.

Со заклучок на Владата по оваа точка се препорачува висината на надоместокот на плата за привремена спреченост од работа на вработени лица кои имале контакти со заразени лица, а кои се вработени во приватниот сектор и се во самоизолација, да се пресметува и исплатува согласно закон и колективен договор.

Угостителите сметаат дека не смеат во ниту една варијанта да бидат опфатени во ограничувањата и начините предвидени за работа в недела и оттаму велат дека целокупната угостителска индустрија мора да биде изземена од иницијативите, недела да биде неработен ден, соопштија утринава од Независната угостителска комора.

Од комората потенцираат дека за нив не постои друго алтернативно решение, како што е најавено, со што дел од угостителите би можеле да работат и во недела со обезбедување дополнителни потврди или лиценци за нивна оправданост.

-Какво било ограничување со кое на дел од угостителите ќе им биде ограничено или условено работењето во кој било ден, не само недела, е дискриминација и деградација, истакна НУК во изјава за медиумите.

Комората ја поздрави и прифатената иницијатива на Владата и потребата од законско прогласување на недела за неработен ден, но велат дека за разлика од минатото кога семејните неделни ручеци, слави и веселби се правеле во домовите, денес тие многу често се прават во кафеани.

Американскиот онлајн ритејлер Амазон денeска стартуваше сo сопствена интернет-аптека „Amazon Pharmacy“, од каде може да се порачуваат лекови на рецепт.  

Новиот сервис можe да стане сериозен конкурент на обичните ланци на аптеки и фармации во САД поради уривање на цените, уште повеќе поради тоа што потписниците на „Амазон прајм” ќе можат да порачуваат со бесплатна достава и други разни попусти. 

Во САД, во услови на пандемија, порачката на прехранбени продукти и лекови онлајн со достава на домашна адреса, станува мошне популарна. 

Сервисот на Амазон стартува неделава во 45 сојузни држави, а потоа ќе стане достапен насекаде низ САД. За купување на лекови на рецепт корисниците треба да приложат рецепт што може да биде испратен од лекарот, или корисникот може да побара пренос на рецептот во аптеката на Амазон од која било друга обична аптека каде тој бил претходно испратен. Сепак, некои лекови чие тргување во САД е построго, не можат да бидат купени во „Amazon Pharmacy“, како на пример многу опијати. 

Онлајн гигантот и претходно се обидуваше да влезе на фармацевскиот пазар на САД, чиј обем изнесува 300 милијарди долари годишно. Така, во 2018 година компанијата ја откупи онлајн аптеката „Пилпак”, која изработува лекови на рецептура за пациенти со хронични заболувања. 

По стартувањето на „Amazon Pharmacy“, падна вредноста на акциите на многу аптеки ии фармации. Така, вредноста на акциите на најголемиот ланец на аптеки во САД, „Walgreens Boots Alliance“, се намали за девет отсто, кај „CVS Health” за 7.3 отсто, а кај „Rite Aid” за 14, додека пак цената на акциите на Aмазон денеска порасна за  еден процент.

Министерството за труд и социјална политика соопштува дека, согласно со Законот за празниците на РМ (,,Службен весник на РМ,, бр.21/98 и 18/07), 22 ноември 2020 година (недела), Денот на Албанската азбука, е неработен ден за граѓаните припадници на албанската заедница во Република Северна Македонија.

Министерството за труд и социјална политика на граѓаните припадници на албанската заедница им го честита Денот на Албанската азбука.

Во продлжение погледенете ја листата на неработни денови за 2021 година – Согласно со Законот за празниците на Република Македонија (Сл.весник на РМ број 21/98 и 18/07), Министерството за труд и социјлана политика го објави календарот на неработни денови за 2021 година.

За сите граѓани на РМ:
1 јануари (петок), Нова Година

7 јануари (четврток), Божиќ, првиот ден на Божиќ според православниот календар

1 мај (сабота), Ден на трудот

3 мај (понеделник), Велигден, вториот ден на Велигден според православниот календар

13 мај (четврток), Рамазан Бајрам, првиот ден на Рамазан Бајрам

24 мај (понеделник) „Св. Кирил и Методиј“ – Ден на сесловенските просветители

2 август (понеделник), Ден на Републиката

8 септември (среда), Ден на независноста

11 октомври (понеделник), Ден на народното востание

23 октомври (сабота), Ден на Македонската Револуционерна Борба

8 декември (среда), „Св. Климент Охридски“

За граѓаните од православна вероисповед:
6 јануари (среда), Бадник, ден пред Божиќ

19 јануари (вторник), Богојавление (Водици)

30 април (петок), Велики Петок, петок пред Велигден

18 јуни (петок), Духовден, петок пред Духовден

28 август (сабота), Успение на Пресвета Богородица (Голема Богородица).

За граѓаните од католичка вероисповед:
5 Април (понеделник), Велигден, вториот ден на Велигден

1 ноември (понеделник), Празникот на сите светци

25 декември (сабота), првиот ден на Божиќ

За граѓаните од муслиманска вероисповед:
20 Јули (вторник), Курбан Бајрам, првиот ден на Курбан Бајрам.

За граѓаните припадници на албанската заедница во РМ: 22 ноември (понеделник), Ден на Албанската азбука

За граѓаните припадници на српската заедница во РМ: 27 јануари (среда), Свети Сава

За граѓаните припадници на ромската заедница во РМ: 08 април (четврток), Меѓународен ден на Ромите.

За граѓаните припадници на влашката заедница во РМ: 23 мај (недела), Национален ден на Власите.

За граѓаните припадници на еврејската заедница во РМ: 16 септември (четврток), Јом Кипур, првиот ден на Јом Кипур.

За граѓаните припадници на бошњачката заедница во РМ: 28 септември (вторник), Меѓународен ден на Бошњаците.

За граѓаните припадници на турската заедница во РМ: 21 декември (вторник), Ден на настава на турски јазик.