Започна исплатата на повратот на ДДВ за граѓаните за третото тримесечје, односно за јули, август и септември.

На сметките на лицата кои скенираат фискални преку апликацијата МојДДВ треба да легнат околу 430 милиони денари од вкупно остварен промет за јули, август и септември од 29,8 милијарди денари. Од нив прометот од македонски производи изнесува 7,8 милијарди денари, а прометот од останати производи 21,9 милијарди денари.

Од платениот ДДВ за македонските производи на граѓаните им се враќа 20, а од странските 10 проценти.

Повратот за ова тримесечје е малку подоцна од вообичаениот термин, затоа што овој месец се враќаше ДДВ и од „Викенд без ДДВ“, кој требаше да биде реализиран за  два дена, но се раздолжи во една недела, поради што подоцна започна и регуларниот поврат на ДДВ.

Регулаторната комисија за енергетика ги објави цените на горивата кои ќе стапат на сила од полноќ.

Согласно одлуката малопродажната цена на бензинот ЕУРОСУПЕР БС-95, се намалува за 0,50 денар/литар, во однос на малопродажната цена утврдена со одлуката од 16.11.2020 година и со тоа малопродажната цена на ЕУРОСУПЕР БС-95 изнесува 59,50 ден/лит.

Малопродажната цена на бензинот ЕУРОСУПЕР БС-98, не се менува, односно останува на исто
ниво како што била определена со одлуката од 16.11.2020 година и со тоа малопродажната цена на
ЕУРОСУПЕР БС-98 изнесува 61,50 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ1), се зголемуваат за 0,50 денар/литар, во однос на малопродажните цени утврдени со одлуката од 16.11.2020 година и со тоа малопродажната цена на ЕУРОДИЗЕЛ (Д-Е V) изнесува 51,50 ден/лит и малопродажната цена на Екстра лесното масло за домаќинство (ЕЛ-1) изнесува 51,50 ден/лит.

Малопродажната цена на Мазутот М-1 НС се намалува за 0,099 ден/кг во однос на цената утврдена со одлуката од 16.11.2020 година и со тоа малопродажната цена на Мазутот М-1 НС изнесува 27,481 ден/кг.

А1 Македонија од денеска започна со Black Friday и распродажба на телефони преку онлајн каналите за продажба, A1 oнлајн продавницата и A1 Live Shop, а на корисниците им нуди смартфони и уреди со онлајн попуст и купување на рати.

Како дел од целосната онлајн понуда е и ексклузивниот A1 Alpha 20+ за 69 денари/месечно, како и новиот Xiaomi Realme достапен за месечна рата од 169 денари, со А1 Neon+. Целата понуда на телефони корисниците може да ја видат на официјалната веб страница на А1 Македонија на линкот.

Тоа што овој Black Friday го прави уште подобар е со избор на A1 Neon+ тарифниот модел, достапен ексклузивно преку A1 oнлајн продавницата или A1 Live Shop, корисниците може да добијат 30GB промотивен мобилен интернет, до 100GB Net Sef опција со можност за размена на неискористени GB, како и вклучена ноќна опција за неограничено сурфање од полноќ па сè до 6 часот наутро.   

Понудата е достапна и важи за нови и постоечки корисници на мобилни услуги на тарифните модели A1 Neon и A1 Neon+, кои ќе направат активација или обнова на корисничкиот договор преку еден од горенаведените канали за продажба, со договорна обврска од 24 месеци. 

Промоцијата Black Friday трае до 30ти ноември, а количините се ограничени.

Независната угостителска комора со денеѓното соопштение вели дека 20 милиони евра оваа Нова Година ќе останат непотрошени од компаниите за корпоративни празнични забави што ги организираат за своите вработени.

Затоа велат дека започнуваат со кампањата #ИнвестирамЗаДаПомогнам за инвестиции и поддршка на угостителската индустрија, со која ќе ги поттикнат фирмите дел од својот планиран корпоративен буџет за предновогодишната забава да го пренаменат и да го инвестираат или донираат во угостителската индустрија или кај, како што наведуваат во соопштение,#МојотОмиленУгостител затоа што и тој #ЗаслужуваПоддршка.

-Денес македонскиот угостителски бизнис оставен на времето и сам на себе, навреден и деградиран, игнориран од државата и мерките за финансиска помош и поддршка од Владата, полека но сигурно ја губи битката со Ковид-19. Се повеќе угостители поради несоодветните и рестриктивни мерки на Владата за ограничување на работното време и посебните услови и протоколи за работа донесени по предлог на Комисија за заразни болести последните месеци не остваруваат доволно приходи, поради што генерираат енормни загуби и веќе не ја гледаат својата иднина во овој бизнис.Оставени сами на милост и немилост без конкретна и директна помош и поддршка што Владата можеше изминатите месеци да ја направи за нив, го чекаат денот кога ќе бидат доведени пред колапс и приморани трајно да ги затворат своите локали и да се откажат од своето минато, својот труд и својата иднина, тврди Здравко Јосифовски, претседателот на НУК.

Тој ги повикува фирмите кои традиционално своите предновогодишни прослави ги организираат кај одредени угостители, истите да ги поддржат и оваа година и да им помогнат, како што вели тој, на омилените угостителски објекти да опстанат оваа зима .

„Од НУК очекуваат безмалку сите финансиските институции банки и осигурителни компании, телеком друштвата, фирмите од фармацевтската индустрија, друштвата кои тргуваат со електрична енергија, производителите и добавувачите на храна и пијалоци и сите останати кои оваа година ќе остварат добивки со планираните средства за предновогодишната прослава и забава да се приклучат кон кампањата и ги инвестираат или донираат во целост буџетите за предновогодишните прослави за опстанок на угостителската индустрија и омилениот угостител. Ги покануваат и сите останати фирми и индивидуалци кои можат и сакаат да се приклучат кон кампањата #ИнвестирамЗаДаПомогнам на #МојотОмиленУгостител и опстанокот на угостителската индустрија“, додава Јосифовски.