Од јануари до крајот на октомври годинава на сите наплатни станици во државава била наплатена патарина на  25.275.212 возила при што е остварен промет од 1.707.754.473 денари.

-Целата ситуација поврзана со пандемијата на Ковид 19 остави трага и во работењето на наплатните станици. Резултатите разбирливо не се на проектираната сума, меѓутоа, сепак не се занемарливи, велат за МИА од Јавното претпријатие за државни патишта.

Конкретно, најслаб промет од наплата на патарина по сите основи е регистриран во април кога во сила беа најригорозните мерки за ограничување на движењето, полициските часови и карантините. Наплатени се вкупно 96.115.367 денари. Најголем промет е остварен во август кога се наплатени 203.361.750 денари

-Поради ситуацијата, во голема мера е намален сообраќајот на Коридорот 10 бидејќи отсуствуваат странските возила, немаше туристи и сето тоа се одразува на остварените резултати. Наплатните станици од Коридор 8 функционираат со поголем капацитет и кај нив моментално се остварува поголема наплата, велат од ЈПДП.

Извештајот на ЈПДП за првата половина од годинава покажува дека во тој период е остварен приход по основ на патарина во износ од 892.140.435 денари, односно 29,74 проценти од планираните. Споредено со истиот период од минатата година приходот по тој основ е помал за 20,46 проценти, односно 229.530.675 денари. Приходите од акцизата на нафтените деривати, пак, изнесуваат 1.389.920.116 денари, или 44,84 проценти од планираните, а споредено со првиот квартал лани се поголеми за 1,18 проценти. Од надомест за патна такса што се плаќа при регистрација на моторни возила е остварена повисока наплата за 0,14 проценти.

Продадени 20.602 уреда за електронска наплата

Во рамки на електронската наплата продадени се вкупно 6895 уреди, од кои 4366 електронски МСмарт картички и 2529 електронски уреди Мтаг, со што, годинава е остварен промет само од продажба на уреди во висина од 3.741.400 денари. Направени се 103.326 поединечни надополнувања на уредите и прометот по тој основ изнесува 235.366.191 денари. Извршена е и уплата на 5650 Билети за ненаплатена патарина (VT билети) со што е остварен промет од 1.006.100 денари.

Од започнувањето на електронската наплата на патарина, па до 15-ти месецов се продадени вкупно 20.602 електронски уреди.

-Ова укажува дека електронската наплата на патарина функционира успешно. Нашите корисници брзо се прилагодија на новиот систем за наплата затоа што самиот систем си има бенефити, брз проток, брз транзит, плаќање на фактури и онлајн, следење на состојби и транзити преку веб портал со што се избегнува дополнителна документација и слично. Фидбекот е позитивен, а тоа го покажуваат и остварените резултати, информираат од ЈПДП за МИА.

Во тек е евалуација на втората фаза од тендерот на ЈПДП за проектот за изградба и инсталација на електронски систем за наплата на патарини долж Коридорот 8 и автопатот Миладиновци – Штип. Во првата фаза понуди доставија пет компании од кои три се квалификуваа за втората фаза.

Проектот опфаќа, модернизација на постоечките наплатни станици на Коридорот 8 со електронски систем за наплата на патарина и изградба на нови наплатни станици на автопатот Миладиновци-Штип.

Вкупната вредност на проектот е 13,7 милиони евра, од кои 13 милиони евра се обезбедени од Европската банка за обнова и развој, а 700 илјади евра од Јавното претпријатие за државни патишта од својот буџет. Временската рамка за реализација на проектот е 12 месеци од потпишување на договор, нагласуваат од ЈПДП.Доколку при поминување патарина сте го заборавиле паричникот ќе ви биде издаден билет со бар код (ненаплатен билет), за кој што дополнително се прави уплата. Билетот за ненаплатена патарина со налог за плаќање се издава на наплатните станици на кои е воведен електронскиот систем за наплата на патарина.

Во евиденцијата на Јавното претпријатие стои дека од почетокот на годината до крајот октомври била извршена  уплата на 5650 билети за ненаплатена патарина (VT билети).

-Доколку корисникот на патот – сопственик на возилото не ја плати патарината или на кој било начин одбива да го стори тоа, му се издава билет за ненаплатена патарина со налог за плаќање во рок од 24 часа од моментот на издавањето, појаснуваат од ЈПДП.

Билетот за ненаплатена патарина со налог за плаќање се издава на наплатните станици на кои е воведен електронскиот систем за наплата на патарина. Корисниците на патот на кои им е издаден билет за ненаплатена патарина со налог за плаќање можат да го платат на секоја сообраќајна лента на наплатните станици каде се врши продажба и надополнување на електронските уреди и на официјалната веб страница на Јавното претпријатие за државни патишта, стои во член 10 од Одлуката за висината и начинот на наплата на патарини.

Полицијата го следи и го санкционира говорот на омраза на социјалните мрежи поврзан со актуелните случувања со Бугарија. 

Министерот за внатрешни работи Оливер Спасовски изјави дека за ова соработуваат со бугарските колеги. 

„Ги следиме, преземени се одредени истражни дејства за одредени Фејсбук-групи и на други мрежи. И ова не е само за ситуацијата туку и генерално, бидејќи проблемот со говорот на омраза е сериозен, создава непријателства и во други држави, иако во овој период е малку поизразено поради состојбата“, изјави министерот. 

Секојдневно соработуваат и со бугарското МВР, за вакви случаи таму и за секое друго прашање.

И премиерот Зоран Заев во интервјуто за БГНЕС се пофали дека брзо реагирале за да го расчистат случајот со палењето на бугарското знаме, но и дека го разрешиле новинарот Зоран Иванов од Извршниот одбор на МИА поради Фејсбук статус. 

- неверојатни 50 GB мобилен интернет за корисниците на А1 Neo M+

- ексклузивни смарт телефони по најповолни услови

- 20.000 денари попуст во А1 Combo за било кој тип уред со фиксен пакет A1 Net M + TV M и две мобилни линии A1 Neo M+

Во пресрет на новогодишните празници, кои оваа година се поинакви од секои досега, А1 Македонија со големо задоволство ја најавува најновата промоција за корисниците во сите сегменти, специјално креирана да одговори на корисничките потреби на целото семејство, деловните субјекти и секој поединец, за зголемено количество мобилен интернет, ексклузивни смарт телефони и дигитални уреди кои го олеснуваат секојдневието. 

„Новата 2021 година ќе ја дочекаме на невообичаен начин, но тоа е повод плус да бидеме покреативни и да најдеме нови модели на забава за силно да посакаме здравје, среќа и радост во сите семејства. Со искрени желби да придонесеме за празничната атмосфера, креиравме специјална промоција со која корисниците добиваат можност да ја дочекаат новата година со уште повеќе комуникација, можност да добијат атрактивни смартфони и уреди по најповолни услови, со многу повеќе содржини и услуги кои овозможуваат премиум корисничко искуство”, изјави Елена Панова, директорка на продажба маркетинг за приватни корисници од А1 Македонија.

Со новогодишната промоција на А1, корисниците кои ќе склучат нов договор или ќе направат обнова на тарифниот модел А1 Neo M+ добиваат неверојатни 50 GB мобилен интернет како и можност да изберат смарт телефон Samsung Galaxy A21 по цена од 169 денари месечно или Samsung Galaxy A31 по супер цена од 399 денари месечно, кој е ексклузивно достапен во продажната мрежа на А1 Македонија. Дополнително, корисниците ја добиваат опцијата за замена на неискористените гигабајти сочувани во А1 Net Sef за други услуги.

А1 Македонија подготви новогодишно изненадување и за корисниците на А1 Combo со кое, покрај можноста да ги комбинираат своите услуги и да заштедат, овозможува зголемен попуст за набавка на било кој тип на уред. Така, овие празници, покрај смарт телефон, корисниците ќе можат да изберат од богатата понуда на телевизори, лаптоп, таблети, итн. Попуст од 20 илјади денари добиваат корисниците кои ќе склучат договор на најпродаваната комбинација одфиксен пакет A1 Net M + TV M и две мобилни линии A1 Neo M+.

Новогодишната понуда на А1 Македонија е доказ повеќе за посветеноста на компанијата на креирање производи и услуги кои ги пресретнуваат потребите на дигиталното секојдневие, кои носат уште повеќе комуникација и богати содржини за целото семејство и секој модерен деловен субјект.

Германија не сака да го исклучи контроверзниот кинески добавувач на мрежна опрема, Huawei, од мобилната мрежа 5G, но планира строги контроли. Ова е предвидено во соодветниот нацрт-закон од федералната влада што е достапен во весникот „Ханделсблат“.

Одлуката ќе има далекусежни последици за проширувањето на мрежата, бидејќи Huawei е веќе централен снабдувач на опрема за сите три мрежни оператори во Германија: Дојче Телеком, Водафон и Телефоника.

Конкретно, 5G мобилните комуникации имаат за цел да го промовираат вмрежувањето на индустријата. Затоа, стравот од шпионажа и саботажа е особено голем. Покрај европските компании Ериксон и Нокиа, кинеската компанија Huawei е една од најважните снабдувачи на мрежна опрема за 5G.

Сепак, американските и германските безбедносни власти го идентификуваа Huawei како безбедносен ризик. Компанијата не се согласува и Huawei не сакаше да коментира на тема нацрт-законот.

Нацрт-законот за „Втор закон за зголемување на безбедноста на системите за информатичка технологија“, наречен IT-Sic 2.0 во Берлинскиот жаргон, предвидува производителите на опрема како Huawei да издадат гаранција во која ќе уверат дека нивната технологија нема можност за позадински пристап од страна на сајбер напаѓачи.

Покрај технички тест, треба да има и политичка забрана. Ова треба да им даде на вклучените министерства можност да ја ограничат употребата на мрежна технологија од политичка перспектива. Планот е во насока на спречување можноста за позадински далекусежни интервенции од страна на кинеската влада во компаниите во земјата.

Мрежните оператори во Германија сега се соочуваат со проблем. Не сакајќи повеќе да чекаат за политичката одлука во Берлин тие веќе ги проширија своите 5G мрежи со опрема Huawei. Во повеќето случаи, тие ги надградија своите постојни мрежи 4G со 5G. Дури и за 4G, процентот на компоненти на Huawei во безжичните мрежи е многу висок: околу 65 проценти во Телеком, 55 проценти во Водафон и 50 проценти во Телефоника.

Демонтирањето на опрема од одреден снабдувач е сложено и скапо. Портпаролот на Дојче Телеком изјави: „Во моментов детално го проценуваме обемниот нацрт закон и нема да коментираме за тоа однапред“. Водафон вели: „Нацрт законот е многу обемен, ќе го разгледаме внимателно и ќе го искористиме периодот на консултации за да формулираме какви било проблеми - спроведувањето во секој случај ќе ни претставува голем предизвик.

Портпаролот на Телефоника рече: „Важно е предвидената сертификација брзо да создаде правна сигурност за употребата на одредени компоненти“. Тој побара федералната влада да дозволи доволно време за демонтирање доколку се исклучи давател на услуги. Спротивно на тоа, неколку политичари во Берлин ги критикуваа мрежните оператори за потегот што веќе ја започнале експанзијата на 5G без да почекаат одлука за тоа како да постапуваат со Huawei.

„Ханделсблат“ дознава од корпоративните кругови дека операторите првично ќе продолжат да се потпираат на кинеската компанија за проширување на мрежата. Трошоците би биле превисоки за да се префрлат сега - германските мрежни оператори не се зависни од ниту една компанија како од Huawei. Сепак, компаниите најверојатно ќе преземат голем ризик.

Бидејќи ако владата го искористи своето право на вето и стапи на сила условот за забрана, мрежните оператори ќе мора да се справат со значителни тешкотии и трошоци. Канцеларијата и Федералното Министерство за економија долго време се спротивставуваа на создавањето предуслови за исклучување на давателот од политички причини - од страв од реакцијата на Кинезите. Со оваа позиција, тие не можеа да се спротивстават на СПД (Социјалдемократска партија на Германија) и делови од ХДУ (Христијанско-демократска унија).

За американската влада, планираната одлука во Германија не е доволна. „Не може да има доверба кога добавувачите на телекомуникациска опрема се предмет на авторитарна влада како Народна Република Кина, каде што нема независно судство или владеење на правото“, изјави за „Ханделсблат“  портпарол на американската амбасада во Берлин. Заштитата на телекомуникациската мрежа мора да биде најголем приоритет. Во спротивно владините агенции, компании и граѓани би биле загрозени.

Добро поврзаниот телекомуникациски консултант Џон Странд дури и ја оцени планираната одлука во Германија како успех за Huawei. Компанијата сега има подобар пристап до пазарот во Германија од многу германски компании во Кина, рече Странд. За разлика од другите земји, во Германија нема мрежен оператор кој не се потпира на Huawei како снабдувач.

Ова значи дека компаниите во Германија немаат друг избор освен да се потпрат на давател на услуги без кинеска опрема во нивната телекомуникациска мрежа, предупреди Странд. „Да бев извршен директор на германска компанија, ќе бев загрижен за безбедноста на моите податоци“, рече Странд.

Мартин Шалбрух, експерт за ИТ безбедност на универзитетот ЕУМТ (Европски Универзитет за Менаџмент и Технологија), го критикуваше фактот дека нацрт-законот не го разјаснува основното прашање за справување со Huawei. Дури и ако Huawei го положи техничкиот тест, некое министерство подоцна може да изрази политичка резерва. Конечната пресуда сѐ уште чека. „Неизвесноста опстојува, користењето на Huawei ќе стане потешко, давателите на услуги сè повеќе ќе се оддалечуваат од Huawei“, рече Шалбрух, сумирајќи го нацртот.

Кинескиот дописник за пратеничката група на СПД во Бундестагот, Метин Хакверди, е „среќен што Канцеларијата и Министерството за економија конечно направија чекор по повеќемесечен отпор“. Тој најави: „Секако дека многу внимателно ќе ја разгледаме постапката за утврдување на политичката сигурност во парламентарниот законодавен процес“.

САД, Австралија и неколку европски земји, вклучително и Франција и Велика Британија, исто така, го исклучија Huawei од проширувањето на нивните мрежи. Неодамна, Шведска исто така одлучи да го забрани Huawei, одлуката сега е во надлежност на шведското судство.