Велика Британија е првата земја во светот што ја одобри вакцината на двете фармацевтски компании Фајзер и Бионтек. Имунизацијата против ковид-19 ќе почне за неколку дена, пишува утринава британскиот сервис Би-Би-Си, и како што наведува, вакцината која обезбедува 95-процентна заштита од ковид-19, е безбедна за употреба.

-Имунизацијата би можела да почне за неколку дена и вакцината прво ќе ја примат високоприоритетните групи, односно штитениците во домовите за стари лица, луѓето над 80 години и здравствените работници.

Велика Британија има нарачано 40 милиони дози од оваа вакцина, што е доволно да се вакцинираат 20 милиони луѓе, бидејќи е потребно секој да прими по две дози. Околу 10 милиони дози ќе бидат наскоро на располагање, од кои првите 800.000 стигнуваат во Велика Британија во  наредните неколку дена.

Сепак, како што пишува Би-Би-Си, и покрај тоа што наскоро ќе почне масовната имунизација, британската Влада препорачува граѓаните и понатаму да останат внимателни и да продолжат да ги почитуваат превентивнте мерки на заштита. 

Швајцарија и скандинавските земји најмногу ги ценат работниците. 

Земја која нуди најмногу можности за работниците е Швајцарија. Таа е пофалена за нејзиниот висококвалитетен образовен систем и фокусот кон таленти. Швајцарија е земја која привлекува професионалци од странство со висок животен стандард и високи плати.

Зад неа се Данска, Луксембург, Исланд и Шведска на светската ранг листа за таленти на IMD. Зад нив се најдоа Австрија, Норвешка, Канада, Сингапур и Холандија. 

Последните 10 години најпопуларна земја за Германците е Швајцарија. И тие се селат во држави кои нудат повисоки плати. 

Месецов работниците ќе треба да добијат К-15. 

Работниците очекуваат да им биде исплатен регрес за годишен одмор до крајот на годинава. Минималниот изос на регресот е 10.884 денари. Но, фирмите кои не оствариле добивка годинава не се обврзани да исплатат К-15. Сепак, за ваквата состојба тие треба да ги информираат работниците. Синдикатите најавуваат тужби како за приватниот, така и за институциите кои нема да ја реализираат обврската.

Сумата е утврдена врз основа на податоците за движењето на нето/бруто платата по вработен. 

Основен услов кој треба да се исполни одреден вработен за да добие К-15 е најмалку 6 месеци да работи во годината кај ист работодавач.

За работодавцачите кои нема да дадат К-15 или пак ќе го побараат назад од вработените, се пропишани парични казни до 4.000 евра.

Со обука на наставници денеска официјално ќе почне пилот-програмата за сеопфатно сексуално образование (ССО) во земјава, кое го најави Министерството за образование и наука.

Воведувањето сеопфатно сексуално образование во основните училишта, според МОН, ќе значи унапредување на родовата рамноправност, но и превенција од сексуалното вознемирување и насилството. Ова образование значи знаења за начините за заштита, однесување и предизвиците коишто ги носат пубертетот и развојот до адолесценција.

Министерката Мила Царовска неодамна соопшти дека пилот-програката ќе опфати четири училишта – две урбани и две рурални со настава на македонски и на албански јазик, за потоа ова образование да се интегрира во наставните курикулуми.

Во процесот е вклучено Бирото за развој на образованието, невладината ХЕРА, како и меѓународни организациии – УНЕСКО, УНДП, СЗО, УНФПА – Фонд за население на ООН.

Како што најави ХЕРА, првиот дел од обуката за наставници ќе се одржува од денеска до 4 декември во хотелот „Александар палас“, а вториот дел ќе биде онлајн.