Кривично дело е издавањето на викендици на групи на луѓе кои не се од исто семејство, посочи министерот за внатрешни работи, Оливер Спасовски.

Тој кажа дека веќе има оперативна акција од полицијата и се проверува издавањето на викенд куќи. Според него, за време на новогдишните празници, полицајците ќе прават увид и ќе поднесуваат пријави онаму каде ќе има групирања, што е спротивно на одлуките од Владата.

„Владата донесе сет на мерки кои ќе допринесат за спречување на ширењето на коронавирусот. Тоа се мерки кои не се популарни, но се неизбежни затоа што од една страна имаме ширење на болеста и ставање во опасност на животот и здравјето на граѓаните, а од друга страна е нормалното живеење на граѓаните. Секој од нас треба да допринесе да го спречиме ширењето на вирусот. Еден од заклучоците беше и во однос на издавањето на викендици за луѓе кои се групираат во групи. Нема забрана за издавање на викенд куќи за семејства, но кривично дело е издавање на викендици на групи на луѓе. Ние како МВР сериозно работиме, имаме оперативна акција за издавање на вакви викендици, веќе постапуваат колегите, превентивно реагираме уште сега до издавачите на викендиците за да знаат што може да ги очекува ако го прават тоа. Плановите за контрола се прават, а ќе почнат од наредната недела“, рече Спасовски.

Тој упати апел до издавачите на викенд куќи да внимаваат при издавањето на викенд куќи, а полицијата ќе постапува врз основа на законот.

„МВР ќе постапува врз основа врз основа на законот. Таму каде имаме сознанија дека има групирања на лица, во издадени викенд куќи, ќе се направи увид и ќе се поднесе пријава. Тоа е кривично дело. Апел до издавачите, колку и да пари добивате за таа вика или викендица за новогодишната вечер, не се доволно за чувството дека ќе допринесете за здравјето на граѓаните. Да помогнеме на лекарите, државата, системот. Сите заедно да ги почитуваме мерките, ќе дојдат моменти на запирање на вирусот и организирање на прослави“, додаде Спасовски.

Министерот за внатрешни работи Оливер Спасовски денеска најави дека многу скоро ќе биде распишан оглас за најмалку 500 нови полициски службеници.

– Имаме обука што траеше и требаше да биде завршена до крајот на годината, но заради тоа што беше прекината продолжува до март, а од март ќе ни треба нова група на кандидати кои ќе тргнат на обука за полициски службеници, Врз основа на  потребите што ги има МВР во наредниот период ќе се распише тој оглас за најмалку 500 нови полициски службеници, информира Спасовски на денешната прес-конференција на која говореше за она што е сработено во МВР во изминатите 100 дена.

Прашан за именувањето на Филип Андов за директорот на КПД Затвор Скопје, министерот Спасовски потенцира дека тоа не е надлежност на министерот за внатрешни работи, ниту е надлежност на МВР.

– Тоа е исклучиво во надлежност на Владата на РСМ и затоа ќе мора сите информации кои ви се потребни да ги побарате од Владата. Инаку, јас не сум член на Комисија за избори и именување во Владата во овој мандат, одговори Спасовски.

На барање на новинарите да одговори на кој начин се бираат овие директори, Спасовски појасни дека заседава Комисија за именувања, дава предлог до Владата, а Владата одлучува.

Упати сите прашања во однос на кој било именуван функционер од страна на Владата да се бараат од вадините портпароли.

Од утре почнува примената на рестриктивните мерки што ги донесе Владата по препорака на Комисијата за заразни болести. Со мерките кои ќе бидат во сила до 20 јануари, работното време на угостителските објекти се скратува до 18 часот, а се забранува и организирање и одржување прослави на претстојните новогодишни и верски празници.

Мерките не дозволуваат ниту организирање Нова Година на отворен и затворен простор од физички и правни субјекти. Ова се однесува и на јавните институции, поради што на општините и на сите организации основани од локалната самоуправа им се укажува дека освен што е забрането секакво групно собирање и организирање прослави по повод претстојните новогодишни и верски празници, треба да се откажат и прославите што се веќе евентуално закажани.

Во рестриктивните мерки е вклучена и забраната за хотелите за организирање прослави по повод претстојните новогодишни и верски празници. И тие, ако веќе имаат организирано новогодишни прослави, треба да ги откажат.

Во угостителско-сместувачките објекти (хотели, мотели, хостели) и нивните ресторани се ограничува работното време до 21 часот. Тие ќе може да работат исклучиво за пансионските гости и само за време на послужување на оброците. Се ограничува работното време и во кафетериите, баровите и шанковите во угостителските сместувачки објекти до 18 часот.

Со новите мерки се забранува и изнајмувањето викендици и други туристички капацитети за сместување, за групно собирање и организирање прослави по повод претстојните новогодишни и верски празници, освен за лица од едно, исто семејство.

Вчера, КОВИД-билансот беше 865 нови случаи, 641 оздравен пациент и починати 25 лица. Порака да се остане дома за празниците упатија и министерот за здравство, Венко Филипче и претседателот на државата, Стево Пендаровски и здравствените работници, а Владата почна кампања за одговорно празување.

Филипче повторно апелираше и да не се излегува надвор во овој период ако за тоа нема некоја вистинска, голема потреба. Тој оцени дека отворените граници не се ризик за влошување на епидемиолошката ситуација. Напротив, рече, локалната трансмисија е главниот можен ризик и затоа се такви рестриктивните мерки.

Луѓето да не се групираат на штандовите. За време на претстојните празници, слави, на новогодишната ноќ граѓаните да останат во рамките на своето семејство, заради тоа што видовме дека мини кластери потекнуваат таму каде има поголем број луѓе од повеќе семејства, истакна Филипче.

Во годишното обраќање претседателот Пендаровски ги повика граѓаните претстојните празници да ги прослават во кругот на семејствата, со најблиските.

Изминатава година, како народ, поминавме низ најголемата голгота каква што не паметат ниту нашите највозрасни граѓани. Плативме огромна цена, над 2100 наши сограѓани го изгубија својот живот, многу семејства останаа унесреќени за навек. Честитајќи ви ги на сите престојните празници, сакам, не само како претседател, туку како еден од вас, да ве замолам да ги прославите дома во кругот на најблиските за да го сочуваме најскапоценото што го имаме – здравјето и животот. Кога издржавме цела година, со маски, карантин, изолација и ограничено движење, ве молам, да издржиме уште некој месец пред да почнеме да се враќаме во нормала. Ќе има време и за излегување и за дружење и за муабети со пријателите и другарите. Но, премногу луѓе изгубивме за да си дозволиме нови човечки и семејни трагедии, рече Пендаровски.

Претседателот посебно се задржа на претстојната кампања за вакцинирање, укажувајќи дека не смее да се дозволи за вакви сериозни прашања, полуписмени шарлатани и надрилекари да доминираат над најголемите научни имиња кои изминатите два века, откривајќи ги вакцините, спасија милиони човечки животи.

Она што сигурно нѐ очекува е нов бран  негативни кампањи кои ќе ги обесхрабруваат луѓето да се вакцинираат преку ширење теории на заговор на социјалните мрежи. Затоа, кампањата за вакцинирање, кое секако ќе биде на доброволна основа, ќе мора да се води и преку лични примери. Не смееме да дозволиме, во 21-от век, за вакви сериозни прашања, полуписмени шарлатани и надрилекари да доминираат над најголемите научни имиња и институти кои во изминативе два века, од појавата на првите вакцини, спасија милиони човечки животи, потенцира Пендаровски кој по обраќањето имаше средба со министерот Филипче, началникот на Генералштабот на Армијата, генерал-потполковник Васко Ѓурчиновски и директорот на ЦУК, Стојанче Ангелов на која беа разменети информации за актуелната ситуација со КОВИД-19, како и за мерките и активностите на надлежните органи за сузбивање на пандемијата.

Здравствените работници ја поддржуваат кампањата „Празнувај одговорно“. Има време, велат, за големи журки и забави. Не смееме сега да се опуштаме, мора да избегнуваме групирања.

Ако нешто нѐ научи оваа 2020 година тоа е сигурно дека најважни се нашите семејства и нашите најблиски. Во тој дух да ги прославиме и претстојните новогодишни празници, во кругот на најблиските. Поминавме исклучително тешка година и да се потсетиме дека не смееме да се откажеме, посебно не сега, во последните мигови. Има време за големи журки и забави. Да не се опуштаме сега, да избегнеме собири, ќе има други прослави на Нова Година. Сега е важно сите да останеме дома, да не се групираме. Граѓаните новогодишните празници да ги поминат во кругот на најтесното семејство, без да се групираат, за да може наредната Нова Година да биде сосема на друг начин прославена. Направете го тоа за вашите најмили, а со тоа ќе не заштитите и нас. Оваа состојба ќе заврши еден ден и ќе имаме многу подобро утре, порачуваат здравствените работници.

Апелираат до сите граѓани сѐ што можат да одложат за следните нови години да ни бидат подобри, да ги почитуваат мерките за заштита и превенција за да излеземе од ситуацијата како победници.

Вкупната бројка на КОВИД-дијагностицирани во земјава од почетокот на епидемијата изнесува 75.597, оздравеле 51.493 пациенти, а починале 2.194. Бројот на активни случаи е 21.910.

Довербата може да биде многу незгодна работа за совладување. Некои луѓе природно се чувствуваат сигурни во себе, додека пак на други им се лоши од самата помисла на самопромоција.

Според Форбс, самодовербата има исто толку влијание врз вашата плата како и врз вашата когнитивна способност.

Исто така, како што неодамна објави Инк, истражувањето сугерира дека довербата и успехот се прилично поврзани. Самодовербата прави луѓето да изгледаат попривлечни; ги тера да преземаат повеќе ризици и дава сугестија дека тоа лице подобро ке се справи со задачите кога ќе биде под притисок. 

За жал не постои копче кое ќе ја уклучи самодовербата кај луѓето за да покажат посигурна верзија за себе, но затоа има неколку начини на кои може да се стекне истата. Еве неколку совети за тоа како може да се постигне тоа:

Обрнете внимание држењето на вашето тело:

Според Inc, лошото држење на телото е еден од најголемите индикатори за нивоата на самодовербата кај некоја личност. Затоа, пробувајте да бидете исправени кога седите или стоите. Исправете ги рамената! Вие сте самоуверени и ја имате целата контрала!

Самоуверените луѓе постојано не самокритикуваат:

Внимавајте на непријатни мисли што може да си ги изговарате секој ден. Во неодамнешната статија на Oprah.com, Стејси Тантлеф-Дан, д-р, вонреден професор по психологија на Универзитетот во Централна Флорида и директор на Лабораторијата за студија за храна, изглед и здравје предложи да преформулирате како гледате на  своите „недостатоци”.

„Ако имате лузна, можете да одлучите да ја видите како мана или едноставно како сеќавање на повредата“, рече таа.

Негативното самокритикување ја урива вашата самодоверба и самопочит, што е секогаш видливо за гледачите.

Забавете го дишењето:

Ако снемувате здив и постојано се вртите и зборувате со милион милји на час, големи се шансите луѓето да мислат дека сте нервозни. Одвојте време и активно забавете го здивот, предложи Oprah.com. Тоа ќе ви помогне да изгледате како да ја имате под контрола ситуацијата.

Држете контакт со очите:

Веројатно сте го слушнале ова, но тоа е затоа што работи… Контактот со очи се вели дека е еден од најјасните индикации за доверба што ги има.

Воспоставете здрава рамнотежа со ова. Вие не сакате да зјапате во нечии очи без да трепнете; само сакате да изгледате доволно сигурни за да имате контакт со очите за некое време.

Други популарни совети вклучуваат силно ракување; не користење на зборови од типот „можеби“ „само“ и „извини“ од твоите реченици каде што не се апсолутно неопходни ,и секогаш бидете подготвени - особено во особено стресни околности.

На крајот, запомнете дека учењето е дел од тоа да се биде човек и дека не може да очекувате никогаш да не направите грешка. Но, ако ги примените овие трикови следниот пат кога ќе се чувствувате нервозни, скоро секогаш ќе изгледате сигурни во себе иако не се чувствувате така во моментот.