Скоро и да е невозможно да седнеме и да работиме само на една задача. Сигурно додека ја читате статијава ќе го проверите електронското сандаче од работа. 

Жонглирањето со различни задачи некогаш нè остава без здив, всушност сите сме имале „еден од тие денови“, кога се чувствуваме како да имаме премногу обврски, а малку постигнуваме.

Дури и навечер го правиме истото. Јадеме вечера со вклучен телевизор, слушаме радио додека читаме книга… Зошто не знаеме да седнеме и да се фокусираме на една работа?

Тоа нè одвлекува од нашата главна цел, но има и докази кои сугерираат дека мултитаскингот е лош за нашиот мозок! Звучи сериозно, нели? Можеби е време да поработите на нова работна рутина.

Зошто го правиме тоа?

Едноставниот одговор? Тешко е да одолееме.

Технологијата направи сè толку брзо и лесно. Нашите смарт телефони се уреди слични на ножеви од швајцарската армија кои ни овозможуваат да направиме од сè по нешто, од резервација за одмор до штимање на гитарата.

Со апликација за сè, тешко е да не се обидете и да ја исцедите вредноста од секоја секунда од денот. Ручек со пријателите? Обавезно проверете го Фејсбукот за да видите што прават останатите пријатели!

Науката позади оваа потреба

Која е науката што стои позади нашата опсесија да не потрошиме ни секунда во денот?

Зошто се чувствуваме добро?

Нашиот мозок е одличен кога сака да нè измами да мислиме дека сме ефикасни. Студиите покажуваат дека мултитаскингот има тенденција да доведе до лачење на допамин - "хормонот на среќата". Нестрпливи сме да се наградиме самите што сме завршиле толку многу работи одеднаш!

Центрите за награда на мозокот се стимулирани кога жонглираме со задачите - секој пат кога ќе погледнеме сјајна нова е-пошта, твит или СМС-порака, лачиме мали импулси на задоволство. Не е ни чудо што е толку лесно да станете расеани.

Зошто е всушност лош мултитаскингот?

Мултитаскингот нè прави стресни. Докажано е дека мултитаскингот предизвикува лачење на кортизол - стрес-хормонот кој влијае на сè, од вашиот ментален капацитет до вашата мускулна маса. Така што, ако сепак решите да продолжите со мултитаскинг - кажете им збогум на стомачните!

Дали сакате да го избегнете ова? Мора да е лесно како кога ги игнорирате тие нови пораки, нели?

Погрешно. Најновите истражувања сугерираат дека дури и можноста за извршување повеќе задачи ја намалува нашата способност за решавање проблеми и ефикасно раководење со задачите за приближно 10 IQ поени. Само ако имате 1 непрочитана порака во вашето сандаче, може да ја уништи вашата продуктивност!

Дали некој е добар во мултитаскинг воопшто?

Сигурно помислувате дека постојаната изложеност на голем број задачи одеднаш би направила некои луѓе да станат експерти за жонглирање со различни задачи во исто време. Помислувате и дека некои луѓе би станале вешти во филтрирањето на информациите и уште попродуктивни.

Тоа би било логично, нели?

Па, логично или не, тоа не се случува. Истражувањата сугерираат дека оние кои работат на повеќе задачи одеднаш се далеку полоши во жонглирањето со различни задачи и прилагодувањето на ирелевантните информации.

Сојузот на синдикатикте на Македонија, ССМ, смета дека зголемувањето на минималната плата на 15.401 денар што ќе се случи со усогласувањето во март, односно за 446 денари, не е доволно.

Според првиот човек на ССМ, Дарко Димовски, со оглед на големите трошоци што македонскиот работник ги имал за лечење од ковид 19, кои изнесуваат минимум 6.000 денари, минималната плата треба да се зголеми на најмалку 16.976 денари.

Еве што пишуваат од синдикатот во своето најновио соопштение. 

„Според член 4 во Службен весник на Република Македонија, исплатената висина на минималната плата во бруто износ за претходната година се усогласува во март секоја година со: една третина од порастот на просечно исплатената плата во Република Македонија, една третина од порастот на индексот на трошоците на живот и една третина од реалниот пораст на бруто домашниот производ, за претходната година, според податоците на Државниот завод за статистика.

Пресметките на ССМ покажуваат дека согласно Критериумите за УСОГЛАСУВАЊЕ на минималната плата во март 2021, Минималната плата треба да се усогласи за 3,17 отсто.

Минималната нето плата сега изнесува 14.955 денари, зголемена е кога даночното ослободување во јануари се зголеми, и мимималната плата од 14.934 денари се зголеми за 21 денар.

Со ова усогласување, во март 2021 година, нето минималната плата ќе порасне нето за 446 денари (15.401 денар).

Додека бруто минималната плата сега изнесува 21.776 денари и со ова усогласување бруто минималната плата ќе порасне за 690 денари. (22 466 денар).

Просечната нето плата за декември 2020 изнесува 28 294 денари, а Минималната нето плата ќе изнесува 15.401 денари и со минималната плата ќе се покрива 54,43 отсто од просечната плата.

Сојузот на синдикатите на Македонија смета дека ваквото покачување на минималната плата не е доволно, со оглед на тоа што во изминатиот период, македонскиот работник само за лекување поради заболување или изолација од Ковид -19 имаше зголемен трошок за витамини и лекарства за најмалку 6.000 денари месечно, а тука се и зголемените цени на сите производи кои се неопходни за едно четиричлено семејство.

Од овие причини, апелираме минималната плата да се зголеми во висина од 60 отсто од просечната плата и истата да не изнесува помалку од 16.976 денари“, велат од ССМ.

Дополнително, потсетуваат дека зголемувањето на минималната плата треба да значи и спирално зголемување на останатите плати во сите сектори и дејности за сите работници, а потсетуваат и дека не е законски работодавач да исплаќа плата само во висина на минималната плата на работник, доколку истиот има минат труд, работи во смени, работел прекувремено, работел во празник итн.

Властите го усвоија  предлогот на левичарската партија „Мас Паис“ со кој се дозволува компаниите да експериментираат со скратено работно време.

Шпанија може да стане една од првите земји во светот која ќе воведе четиридневна работна недела откако властите се согласија да воведат тест период за компаниите кои сакаат да ја имплементираат идејата.

Претходно годинава, малата левичарска партија „Мас Паис“ соопшти дека владата го прифатила предлогот за тестирање на идејата. Оттогаш биле одржани многу разговори на темата, а идната средба се очекува да се одржи месецов.

Со работната недела од 32 часови ја започнуваме вистинската дебата на нашето време. Тоа е идеја на која ѝ е дојдено времето, изјавил политичар од „Мас Паис“ на „Твитер“.

Од Нов Зеланд до Германија, идејата почнува да станува популарна и во светски рамки. Предложена како мерка за зголемување на продуктивноста, подобрување на менталното здравје и чекор во борбата за климатски промени, скратеното работно време доби на важност поради пандемијата и проблемите како прегореноста, баласот на работа и приватен живот и севкупната добросостојба на човекот.

Левичарските партии во Шпанија беа едни од предводниците на 44 дневниот штарјк во 1919 година, што резултираше со тоа Шпанија да биде една од првите земји во западна Европа која ја воведе осумчасовната работна недела. Тие повторно бараат промена на ова поле.

Шпанија е една од земјите каде работниците работат повеќе од европскиот просек. Но, ние не сме една од најпродуктивните земји. И понатаму останувам на ставот дека повеќе работни часови не значат продуктивност, истакнал Ерехон од „Мас Паис“.

Крајните детали за воведувањето на скратеното работно време остануваат да бидат договорени со владата, а пробниот период предвидува тригодишен проект за кој се вложени 50 милиони евра, кој ќе им дозволи на компаниите да го тестираат скратеното работно време со минимален ризик.

Со овие бројки, пресметавме дека учество во пробниот период ќе имаат околу 200 компании, односно 3.000 до 6.000 работници. Единствените услови кои ги поставивме е да видиме вистинско намалување на работните часови без намалување на платите и отпуштање на работниците, додал Хектор Техеро од „Мас Паис“.

Техеро истакнал дека тест периодот би започнал во есен, додавајќи дека ова е првата национална иницијатива за намалување на работното време, откако Франција во 1998 година започна иницијатива за работна недела од 35 часа.

Шпанија е првата земја која ќе започне експеримент од оваа големина. Ваков проект засега не е отпочнат никаде во светот, додал Терехо.

Од „Мас Паис“ истакнале дека тест периодот ќе биде предводен од група експерти, а вклучени ќе бидат и владини представници, представници од работничките синдикати и бизнис секторот. Сите тие ќе ги анализираат постигнатите резултати.

Извор: Guardian

Во еден месец регистрирани се нови 927 невработени, додека од почетокот на кризата до сега без работа останале 18.226 лица, покажуваат податоците на Агенцијата за вработување. Според таа евиденција, бројот на невработени лица на крајот на февруари изнесува 159.608 лица. Во февруари евидентирани се нововработени 3.185 лица и 5.440 кои стекнале статус на невработено лице. 

Меѓу невработените евидентирани лица најмногу 31.293 се од Скопје, 20.781 се во Тетово, 16.585 во Куманово, 11.765 Гостивар, 6.742 во Битола, 4.468 во Штип….

Најголем број од невработените се на возраст меѓу 55 и 59 години 21360 ица, на возрат од 50 до 54 се евидентирани 17890 и од 45 до 49 години 16927. Голем број невработени има и меѓу лицата на возраст од 24 до 29 години – 17764.

Инаку до крајот на оваа работна недела истекува рокот од 30 дена во кој невработените лица кои ги надмиле роковите за пријава во евиденција можат да ја регулираат својата обврска како активни или пасивни баратели.

Агенцијата даде рок од 30 дена почнувајќи од 19 февруари, заклучно со 19 март 2021 година.