Фудбалската федерација на Македонија одлучи македонската репрезентација на претстојното Европско првенство да настапува во досегашните дресови промовирани во 2016 година со апликацијата на македонското знаме на предната страна.

Одлуката следува по реакциите во јавноста и онлајн петицијата со којашто се бараше повлекување на новите дресови на македонската фудбалска репрезентација и враќање на црвено-жолтите дресови.

Фудбалот се игра за фановите – напиша претседателот на ФФМ, Муамед Сејдини на официјалниот фејсбук профил.

Фото:ФФМ

Премиерот Зоран Заев на денешната прес-конференција информираше дека германскиот ланец маркети „Лидл“ ќе инвестира 300 милиони евра во Македонија и ќе има обрска да откупува македонски производи и да ги продава во регионот.

„Лидл“ ќе вложи 300 милиони евра во Скопје . Првата инвестиција ќе биде во откупно-дистрибутивниот центар во Скопје. Ќе отвори и неколку маркети во Скопје и уште во седум други градови, рече Заев.

Премиерот нагласи дека ланецот ќе одбира и земјоделски и кондиторски производи кои ќе ги продава во своите маркети на другите пазари од регионот.

„Лидл“ ќе има обрзска да откупува земјоделски и кондиторски производи, се разбира кои што се компетитивни, и да ги продава во своите ланци низ Југоисточна Европа, рече тој.

Министерката за образование,  Мила Царовска за Сител изјави дека Министерството за образование и наука ќе обезбеди 10.000 таблети за четвртоодделнците кои од септември ќе почнат да ги користат најавените дигитални учебници.

Тоа значи за половината. Зошто? Зашто ова не е процес во оваа година и кој ќе заврши. Дури и да има повеќе од првиот период, за петто одделение со време ќе стигна, за шесто одделние ќе стигне. И тоа е осовременување на образовниот систем. Дури и од поголемите одделенија можат да изнајмат таблети од библиотеките, вели Царовска.

Според неа, децата кои во моментот не користат технолошки уреди уназадуваат зад оние кои користат.

Парламентарниот комитет за политички систем и односи меѓу заедниците, како и правниот законодавен дом ја прифатија иницијативата за референдум поднесена од граѓанската иницијатива „Книги и настава мора да има“. 

Сега останува собранискиот претседател Талат Џафери да се изјасни за референдумот за потоа да се отвори патот за идните активности. Од иницијативата „Книги и настава треба да има“ бараат повлекување на предлог-законот за учебници што предвидува и дигитализација на книгите. 

Пораст од 2, 5 проценти на цената на струјата очекуваат експертите од август, или пак просечен раст на месечните сметки за електрична енергија од трошоци од 11 до 55 денари за едно домаќинство.

Енергетските компании веќе излегоа со свои барања до регуалторната комисија, а од она што веќе е познато, МЕПСО бара зголемување на цената за услугата од 143 отсто, НЕМО за 45 проценти, додека Електродистибуција 0.95 проценти. 

Според Регулаторната комисија за енергетика,. ако се прифатат сите барања на компаниите, зголемувањето на цената би изнесувало 5 процетни, но под услов АД ЕСМ  во јуни на тендерот на ЕВН ХОУМ да не понуди повисока цена за произведената струја. 

„Компаниите веќе ги доставија своите барања, но тие допрва ќе се разгледуваат. МЕПСО побарал зголемување на цената за пренос од 143 отсто, Националниот енергетски маркет оператор за организирање и управување на пазарот на електрична енергија побарал зголемување за 45 отсто, а Електродистрибуција зголемување за 0,95 отсто на цената за дистрибуција на електрична енергија“, тврдат од регулаторот.

Од тоа колку всушност ќе поскапи струјата за домаќинствата, најмногу ќе зависи колкави ќе бидат трошоците за купување на електрична енергија од страна на универзалниот снабдувач АД ЕВН.

Тоа значи дека од понудата на државните електрани АД ЕСМ всушност зависи и крајната одлука за новата цена која треба да се формира до крајот на јули. Од опозициската ВМРО-ДПМНЕ веќе објавија дека загубата на оваа компанија лани била околу 28 милиони евра.

Минатата година електричната енергија поскапе за 7,4 проценти. Како алтернатива засега се споменува намалувањето на ДДВ-то за сметките од страна на државата.