Ковид-19 и пандемијата која го обиколи светот во 2020 а сѐуште трае ги запре летовите кон одредени земји, сепак полека летовите се враќаат во нормала.

На 23 мај беше се случи и првиот обновен лет, а од нискобуџетната компанија Визер соопштија дека повторно „оживуваат“ седум рути . Повторно од македонските аеродроми ќе може да се лета до Франција, Германија, Австрија и Шведска.

Менаџерот за корпоративни комуникации во Визер Андрас Радо е среќен што рутите преку Македонија повторно се отвораат и вели дека на овој начин Визер ја покажува посветеноста на патниците да им понуди безбедно патување низ Европа и пошироко.

Базел-Мулхаус-Фрајбург, Виена, Карлсруе/ Баден-Баден  , Париз Бове, , Фридрихшафен, Дортмунд, и Малме се рутите со кои Визер повторно ја поврзува нашата земја.

Вредноста на етереумот порасна за над 5 проценти, а биткоинот е стабилен. 

Етереумoт сега чини 2.565 долари, но сепак останува за 40 проценти понизок од својот максимум на почетокот на овој месец, кога вредеше 4.300 долари, пренесува Ројтерс. Утрово во 10 часот е регистриран раст од 4,1 процент и во тоа време изнесуваше 2.495 долари, и продолжува стабилно да расте.

Вредноста на биткоинот сега е 36.837 долари. Биткоинот беше во мирување во последниве денови, откако имаше голем пад од 35 проценти  месецов.

Пасошите кои истекуваат по 31 јули, ќе важат до 31 декември 2021 година. 

Ова им оди во прилог на нашите граѓани во странство. 

Собранието на Република Северна Македонија тукушто ги помина измените и дополнувањата на законот за патни исправи на државјаните на Република Северна Македонија со кои на оние граѓани кои им е истечена патната исправа, или истекува после 31 јули, се продолжува рокот на важење на овие документи до 31 декември 2021. Со тоа конечно им се излезе во пресрет на потребите на голем број наши граѓаните кои поради пандемијата, рестриктивните мерки, карантините, и другите отежнати услови, беа спречени навремено да ги продолжат своите документи, напиша министерот за надворешни работи, Бујар Османи на Фејсбук.

Додаде дека продолжуваат понатаму и со проектот за е-конзулат, со мобилни базни станици, со кои наскоро целосно и долгорочно ќе го затворат прашањето за издавање патни исправи во странство. 

Вашата комфорт зоната е супер дестинација за одмор, барем за краток период. Но, доколку сакате да прошетате и да искусите повеќе од животот мора да се предизвикувате себеси постојано.

Многу лесно знаеме да останеме заробени во нашата рутина, се чувстуваме сигурни изршувајќи ги секојдневните обврски, ги елиминираме сите очекувања и притисоци, но максимално се оддалечуваме од било каков напредок во нашиот живот.

Комфорт зоната е најголемата дрога на денешницата. Дајте му на човек доволно финансии за да преживее, храна и пијалаци, редовен секс и гледајте го како си ги фрла своите соништа преку прозорецот.

Без разлика дали станува збор за личен, професионален или физички предизвик, мора да бидеме свесни и присутни во моментот за да ги искористиме неговите бенефиции.

Со мали чекори до големи достигнувања ВИЕ имате апсолутна сила да го промените вашиот начин на функционирање и да искористите безброј можности околу вас:

1. Зголемување на самодовербата
   
   Мотивационите пораки и афирмации се добар рецепт за напредок, но акцијата е единственото нешто кое носи резултати. Кога ќе исполните некој предизвик што сте мислеле дека е невозможен за вас, само си докажувате на самите себе дека вие можете МНОГУ ПОВЕЌЕ од тоа што мислите.
    
2. Себе надраснување
   
   Различните животни ситуации различно влијаат врз нашиот живот. Секојдневните избори не дефинираат како личност, затоа е толку важно да се предизвикуваме за да се подобриме. Кога носиме одлуки кои се невообичаени и надвор од нашата комфорт зона, ги кршиме нашите граници и поставуваме нови степени на нашата личност, нови перспективи и уште поголеми цели.
    
3. Верба дека секогаш го правите најдоброто
   
   Каењето за неискористените прилики предизвикува поголема болка од дисциплината. Никој не сака да погледне наназад во животот и да помисли, „Ако се потрудев малку повеќе, можеби ќе имав многу подобри резултати денес..“ Верувајте дека давате се од себе и секој нареден пат ќе имате се подобри и подобри резултати.
    
4.  Контрола над вашиот живот
   
   Докажете си себеси дека вие ја имате контролата над вашиот живот и одлуките кои ја оформуваат вашата иднина. Не е до времето, не е до другите, не е до лошата среќа! До вас е. Предизвикајте се да бидете подобри!
    
5. Позитива и енергија
   
   Секогаш вашиот избор е вистински за што било во животот. Предизвиувајте се постојано да бидете позитивни. Нема да е лесно, но ќе ви се исплати. И секако, споделете ја енергијата и не заборавајте да бидете нечија инспирација