Идејата за воведување на мој термин системот  е намалување на метежот и редиците во амбулнтите, во здравствените установи, да се воспостават автоматизирани процеси на работа во ординациите од сите нивоа на здравствена заштита, здравствената администрација и аптеките, брза комуникација и консултации помеѓу примарната, секундарната и терцијарната здравствена заштита.

Корисниците можат да закажат преглед во листите на закажување за секоја клиника. Корисниците имаат можност со избор на соодветната клиника и тип на интервенција да ги видат сите закажани интервенции со конкретни датуми и термини. 

Доколку веќе сте закажале термин, но сте спречени од било кои причини да одите во закажаното време, за да го откажете терминот може да искористите некој од следниве начини:

- Обратете се до лекарот кој го издал упатот за преглед (матичен лекар или специјалист/субспецијалист) и информирајте го дека сакате да го откажете прегледот,

- Испратете смс порака на телефонскиот број 144 194. Како содржина на пораката наведе го само бројот на електронскиот упат (пр. WR1432);

- Јавете се на телефонскиот број на техничката поддршка на Мој Термин (02) 15 444 (секој работен ден од 09:00 до 16:00 часот) или

- Испратете мејл на електронската адреса [email protected]. Наведете го бројот на упат (пр. WR1432.), име и презиме на пациентот и телефонски број за контакт. Откажете го прегледот најмалку 24 часа пред закажаниот термин  , за истиот да биде искористен за преглед на друг пациент! 

За повеќе информации во врска со наведените опции и за се што е поврзано со користење на системот Мој Термин може да ја посетите http://mojtermin.mk/health_workers 

Македонските туристи на одмор во Грција најчесто патуваат со автомобил. Како и за другите дестинации, така и за тука почитувањето на сообраќајните правила е задолжително пред се поради сопствената безбедноста, но и и за безбедноста на останатите учесници во сообраќајот. 

Бидете внимателни затоа што казните за прекшоците во Грција се екстремно високи. 

За неврзан појас казната е 350 евра, додека за зборување на телефон додека возите ќе треба да платите 100 евра.

350 евра е казната доколку во вашиот автомобил се превезуваат деца без соодветно детско седиште.

За надминување на пропишаната брзина во населено место казните се од 100 до 500 евра.

За претекнување преку полна линија – до 700 евра, минување на црвено светло – до 700 евра.

Министерството за образование и наука информира дека право на користење на финансиската поддршка за субвенциониран студентски оброк во месечен износ од 2.400 денари ќе имаат сите редовни студенти на додипломски студии на државните и на приватните високообразовни установи.

Оваа финансиска поддршка ќе почне од октомври годинава. За да ги добијат средствата, студентите покрај тоа што треба да се државјани на Република Северна Македонија, не треба да се во редовен работен однос; да не се регистрирани како индивидуални земјоделци и да немаат месечен приход по кој било основ поголем од минималната нето-плата во тековната година, информира МОН.

Правото на субвенциониран студентски оброк ќе се остварува преку аплицирање, за што МОН, како што наведува, дополнително и навремено ќе ја информира јавноста.

Повторно здодевниот утрински аларм Ви го нарушува парчето тишина во кое уживате. Постојано одложувате и не сакате да станете од вашиот кревет. Како што стрелката на часовникот се приближува кон 7 часот, така секој ваш мускул се чувствува болно. Пристигнувате во вашата канцеларија и го вклучувате компјутерот. Сè Ви изгледа толку нормално, освен што умот Ви лута…се чувствувате здодевно на работа. Здодевноста ги открива потенцијалните проблеми што ги имате на работа:

• Вашите интереси и работата не се совпаѓаат- Во ваков случај добро е да размислите зошто сте аплицирале на тоа работно место.
• Мали можности за развој и учење- Замислете дека ги правите истите задачи две недели или две години, одново и одново. Како би се чувствувале вие?
• Имате премногу слободно време- Кога имате премногу слободно време, вашиот ум лута на некое друго место.
• Се чувствувате исцрпено и изморено- Додека вложувате помалку труд на работа, толку сте помалку мотивирани и заинтересирани за вашата работа, што пак ве вознемирува уште повеќе.
• Немате јасна цел- Луѓето кои се во иста позиција подолго време лесно се чувствуваат изгубено.

Помалку познати последици:

• Зголемен стрес
• Лоши навики
• Намалена продуктивност
• Намалено психичко здравје

Што да правите доколку постојано се чувстувате здодевно на работа? Секогаш е добро да разговарате со вашиот претпоставен или супервизор за вашата ситуација на работа. Ова не само што ќе Ви помогне да не се чувствувате здодевно, туку исто така ќе остави впечаток кај вашиот претпоставен дека сакате да напредувате и учите. Пробајте искористете го времето што Ви преостанува за да сработите нешто дополнително. Кратките паузи се исто така чекор напред во борбата со здодевноста, а истите тие ја зголемуваат продуктивноста.

Кога се чувствувате здодевно на работа, тоа е всушност предупредувачки знак што не треба да го занемарувате. Тоа може да значи дека ви недостасува некоја цел во животот. Започнете да правите промени што повторно ќе ве направат ентузијастични за вашата кариера и живот.

Можностите се насекаде, можеби ве чека подобра работа.