Шумата како дел од Националниот парк Маврово е впишана на Листата на светско наследство на природата на УНЕСКО. По Охридскиот Регион кој е прогласен за мешано наследство, природно и културно, буковата шума која се наоѓа по течението на Длабока Река е второ природно добро од земјава што се најде на листата на УНЕСКО.

Со прогласувањето стана дел од досието „Древните и исконски букови шуми на Карпатите и други региони во Европа“, впишано на листата во 2007 година. Територијата на доброто е проширена во 2011 и во 2017 година, а деновиве уште десет земји се вкулени во споменикот на природата: Босна и Херцеговина, Чешка, Франција, Италија, Црна Гора, Северна Македонија, Полска, Србија, Словачка и Швајцарија.

Проширувањето на транснационалното светско наследство „Древните и исконски букови шуми на Карпатите и други региони во Европа“ на десет европски земји ја зголемува исклучителната вредност и интегритетот на ова природно добро, кое сега содржи 94 компоненти во 18 земји. Проширената територија на ова добро претставува исклучителен пример на релативно ненарушен комплекс и го претставува широкиот спектар на севкупните еколошки процеси на чисти и мешани стојалишта на европската бука низ разни еколошки состојби, соопшти УНЕСКО.

Комитетот за светско наследство на Листата на светско наследство додаде и четири локалитети споменици на културата и еден споменик на природата: Колонадите во Болоња, Италија, делата на архитектот Јоже Плечник во Љубљана, Пејзажот од шкрилец во Северозападен Велс, Обединето Кралство, Петроглифите на езерото Онега и Белото Море, Руска Федерација и Националниот парк Ивиндо во Габон.

Од Македонија уште четири локалитети се на листата на чекање: Архео-астрономскиот локалитет „Кокино“, номиниран во 2009 година, пештерата Слатински извор, ставен на листата во 2004 година, Маркови кули, номиниран во 2004 година и црквата „Св. Ѓорѓи“ во Курбиново, номинирана кон крајот на 2020 година.

44. сесија на Комитетот за светско наследство се одржа онлајн, а домаќин беше Кина.

Регулаторната комисија за енергетика и водни услуги (РКЕ) донесе одлуки со кои се намалува во просек за 4% крајната цена на испорачаната топлинска енергија кај трите компании на територијата на Град Скопје.

Скоро 56 илјади потрошувачи приклучени на Балкан енерџи груп или 93% од вкупниот конзум ќе добиваат сметки пониски за 4,35%. Повеќе од 3.800 домаќинства кои се приклучени на ЕСМ енергетика ќе добиваат незначително пониски сметки за 0,57%, додека потрошувачите кои се 501 на број и се приклучени на Скопје Север од 1 август ќе добиваат сметки пониски за 1,25 %.

Граѓаните приклучени на парно ќе добиваат пониски сметки. Денешните донесени одлуки се показател дека начинот на кој ја пресметуваме цената на топлинската енергија ги штитат потрошувачите. Со одлуките праќаме сигнал што повеќе граѓани да се приклучат на мрежата за парно греење кое е најекономично и еколошко. Во однос на работата на компаниите, сакам да укажам дека со оглед на фактот дека БЕГ го има доминантниот дел од конзумот, односно 93%, останатите снабдувачи Скопје Север и ЕСМ енергетика треба да ги разгледаат можностите за системско надминување на предизвиците преку заедничка соработка, се со цел да може да го зголемат бројот на потрошувачи и да се оптимизира производството на топлинска енергија изјави Марко Бислимоски, претседател на Регулаторна комисија за енергетика и водни услуги.

Твитер ги затвора канцелариите што неодамна ги отвори во САД, откако ситуацијата со корона се смири, додека другите големи технолошки компании воведуваат задолжителни вакцинации за вработените кои доаѓаат во канцеларија, поради ширењето на вирусот делта, што го зголеми бројот на новозаразени, пишува Ројтерс.

Гугл и Фејсбук во средата соопштија дека сите нивни американски вработени ќе треба да бидат вакцинирани за да работат во канцеларија. Google планира да ја прошири задолжителната вакцинација и во други региони во наредните месеци.

Исто така, Google во средата објави дека ќе ја продолжи работата од дома до своите вработени до 18 октомври поради сегашниот зголемен број на новозаразени соеви на делта.

И стриминг гигантот Нетфликс воведе задолжителни вакцини за актерската екипа и екипата за камера во сите негови американски продукции, додека Епл планира повторно да воведе задолжителна маска за носење во сите нејзини продажни места во САД, и за клиентите и за персоналот, дури и ако се вакцинирани.

Епл и Нетфликс одбија да ја коментираат одлуката.

Со години компаниите трошеа пари на забавни поволности на работното место со цел да привлечат млади таленти. Но, едно ново истражување открива дека овие пријатни придобивки од канцеларијата не се она што младите работници навистина ги сакаат. Наместо тоа, работниците помлади од 35 години повеќе ја ценат почитта. Истражувањето сугерира дека компаниите треба повеќе да инвестираат во обука на менаџери за да комуницираат со почит и да ја негуваат благосостојбата на вработените. Дали навистина би одбрале почит покрај вакви канцеларии? Погледнете неколку најинтересни канцеларии на светско познати компании.

1.GOOGLE

2.LEGO

3.YOUTUBE