Љубители на електронската музика утре започнува фестивалот Ohrid Calling. 

Долго време ги очекувавме овие концерти кои за жал поради Ковид19 пандемијата минатата година беа одложени.

Оваа година Aвалон продукција ни гарантира одлична тридневна журка со голем број познати артисти.

Местото на одржување ќе биде на една од локациите на коишто се одржуваше фестивалот досега Касарна Охрид.

Дојдете и уживајте во духот на електронската музика.

Се гледаме на Ohrid Calling! 

Собранието го донесе Законот за изменување и дополнување на Законот за државјанство. За измените и дополнувањето вкупно гласаа 89 пратеници, од кои 57 „за“, 32 „против“ и ниту еден „воздржан“.

Со измените на законот треба да се реши статусот на луѓето од поранешните југословенски републики кои до денот на прогласување на независноста живееле во земјава. Тие ќе треба да добијат државјанство во рок од три години по стапувањето во сила на Законот.

Претходно, во расправата по предлог-измените и дополнувањето на Законот, пратеникот од пратеничката група на ВМРО-ДПМНЕ, Бојан Стојановски рече дека на ова прашање не треба да се гледа како проблематика која ја опфаќа етничката припадност, туку треба да се гледа правно.

Во интерес на сите граѓани е да се донесе законско решение, кое ќе може да ги реши проблемите на лицата кои се засегнати со оваа проблематика и ќе ги гарантира сите уставни и правни норми на државата, рече Стојановски.

Тој потенцира дека законското решение треба да биде решено со консензус, а не со неприфаќање на забелешките на опозицијата.

Пратеничката од пратеничката група на ВМРО-ДПМНЕ, Ели Панова забележа дека законот на пленарна седница стигнал со кршење на Деловникот, на сите практики и процедури.

Комисијата за европски прашања, повторно демонстрираше неевропски вредности. Со европско знаменце, по скратена постапка, Законот за државјанство беше протуркан со прекршена деловничка процедура. Иако законот беше прво предложен од една политичка партија и беше ставен на Комисијата за безбедност и одбрана, тој одеднаш осамна како владин предлог. Предлагачот Владата заборави дека претходно го критикуваше законот, за подоцна критикуваните решенија да ги претстави како свои, рече Панова.

Според неа, Комисијата за европски прашања демонстрирала моќ, а шесте суштински амандмани им биле одбиени како неуредни од страна на претседателот на Собранието.

Панова рече дека законот не е во согласност со Европската конвенција за државјанство.

Сите лица кои немаат државјанство треба да го добијат. Јас сочувствувам со сите кои живеат овде а кои немаат државјанство. Проблемот со овие лица е што тие можеле да добијат државјанство, но надлежните не знаеле како да ги применуваат постојните прописи. Лицата треба да добијат државјанство со одредени предуслови, а не како сега само врз основа на една сметка за болничко лекување биде дадено државјанство, рече Панова, која додаде дека сега со измените и дополнувањето на законот се создаваат предуслови за злоупотреби.

Реплицирајќи и на Панова, Халил Снопче од Алијанса на Албанците рече дека на говорницата се пласираат дезинформации.

За жал, вие не сте го прочитале Законот. Вие кажувате само со еден документ може да се земе државјанство. Се работи за околу 15 документи и да појасниме за јавноста, тоа се однесува за лица кои до 1990 живееле во државата, а кои потоа го изгубиле државјанството. Еден период имале југословенско државјанство, а потоа го изгубиле. Затоа се тие документи Панова, реплицираше Снопче.

По усвојувањето на Законот, претседателот на Собранието, Талат Џафери даде пауза од еден час.

„Алкалоид“ е најголемиот македонски економски амбасадор повеќе од дваесет години наназад. Контиуниран раст на производство, ширење на пазарите, интензивни и непрекинати вложувања во човечки ресурси и техонологија. Сето тоа резултира со редовни добивки кои растат од година во година и се лесно предвидливи и целосно остварливи, а дивидендата – неизбежна како гарантирана камата на државна обврзница само повисока. Општествено одговорна компанија која е пример за многу други. Сето ова резултира со довербата која ја има акцијата на „Алкалоид“ кај инвеститорите. Едноставно кажано – таа има рејтинг и статус на државна обврзница!

Континуиран раст на приходи од продажба низ годините, зголемување на  пенетрација на освоени странски пазари и отварање нови, добивка која постојано расте и е лесно предвидлива и сигурно остварлива. Сите овие карактеристики ги има акцијата на „Алкалоид“ – македонскиот фармацевтски гигант и гордост на нашата национална економија. 

За првите шест месеци годинава оваа компанија, според официјалните податоци од консолидираниот финансиски извештај, оствари раст на приходите од продажба за 3 отсто – тие достигнаа 102 милиони евра. На домашниот пазар пласманите пораснаа за 7 отсто, достигнаа 35,7 милиони евра, а извозот за 1 отсто до ниво од 66,3 милиони евра.

Оперативната добивка на компанијата надмина 11 милиони евра, а нето добивката за првите шест месеци изнесува 9,5 милиони евра што е за 14 отсто повеќе од истиот период лани.

Сите возачи од земјава кои возат брзо, односно со брзина повисока од дозволената, треба да бидат особено внимателнии, бидејќи МВР ги следи со посебно опремен радар за снимање во ноќни услови.

Министерството за внатрешни работи извести дека само вчера вечерта, во периодот од 21.00 (28.07.2021) до 01.00 часот, тие, со посебно опремен радар за снимање во ноќни услови, спровеле зајакната акциска контрола на територијата на земјава за санкционирање на возила кои се движат со брзина поголема од дозволената, при што санкционирани се 200 возачи. Од нив, 31 возило се движело со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина.  

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.